Kêng măng 27/1, Tổng Bí thư Tô Lâm ƀư tơm nar pah kan đah Ban Chấp hành Đảng bộ n’gor Quảng Ninh mpeh ăp trong mkra ntrôl hun hao wăng sa-rêh jêng, đăp mpăn mât njrăng bri dak, rnă njrăng.

Mbơh ta nar pah kan an saơ năm 2025, GRDP (Dĭng lĕ ndơ geh ta ntŭk) bah Quảng Ninh hao bơi 12%, âk ngăn lam dak; têh hvi wăng sa pơk hvi, săk geh pah kan hao rlău 13%, sŏk an tơm prăk geh rlău 85 rbăn rmen prăk, ntuh kơl uĕh tay. Ntoh ngơi ta nar pah kan, Tổng Bí thư đă Quảng Ninh mât uănh jru nuih n’hâm Đại hội 14 bah Đảng, mbơh ƀư rĭng ăp trong nchrŏng kan khlay, ndâk njêng bôk nău ƀư na nê̆, săk rnglăy, mĭn lah di nuĭh tơm, trong kan, nuĭh kan n’hanh nău rƀŏng. Nkre, ƀon lan an dăp rgum tay ntŭk ntô hun hao, rgum dak lêng gôl dak, n’har bri, drăp ndơ yău n’hanh nkual ƀon têh du trong sinh thái tâm ban ŭch gay dơi geh hun hao nâp nâl, jŏ jong.