Ntoh ngơi ta rơh rƀŭn nchră, Thủ tướng Phạm Minh Chính lah na nê̆ nău kan mbơh tơih ngăch Nghị quyết Đại hôị lam dak tal 14 bâh Đảng, yor nĕ an geh leo ƀư dâl rơh rƀŭn nchră gay ma ndơ̆ lăp Nghị quyết tâm nău rêh jêng. Thủ tướng an lah, ăp nău dơi geh tâm năm kan ba năp lah nău nsrôih khlăy ngăn an nău kan tâm rlong mhe an năm kan aơ n’hanh rgum tâm 9 nău mpŏng kan têh mpeh nău kan tâm rlong kơt Tổng Bí thư Tô Lâm lĕ geh mbơh tơih ta Đại hội tâm rlong rŏng dak tal 11 kơt rgum ta nău rgâl mhe mĭn kan, hun hao wăng sa- rêh jêng, ndâk nsơm nău rnă njrăng ngih dak đăp mpăn nău rêh jêng, văn hoá n’hanh rdâk njêng trong kan chính trị nâp dăng gay ma ndơ̆ neh dak lăp ta rơh hun hao mhe têh dăng lơn, ueh mhe lơn. Tĭng nĕ, đă rdâk njêng nău nchrăp kan, pă na nê̆ an ăp ntŭk kan, n’gâng kan gay ma mbơh tơih ăp trong kan tâm rlong. Thủ tướng đă rdâk njêng nău kan ta ntŭk, nkô̆ mpŏng kan khlăy, nău kan gay ma mbơh tơih an tâm rlong rgâl mhe mĭn kan n’hanh rgâl mhe rnoh mbrô.