Ăp ntil ndơ geh uănh năl na nê̆ tĭng nău mpŏng kơp bâh OCOP, nkre lah tâm rgop uănh nđôi nău ngăn ta ntuk kan pah kan gay ma mât đăp mpăn an tâm di ueh, kloh rjăp, di nău ntrŭnh. Ntrong kan chấm điểm rgum uănh năl nău ueh, nău ntrŭnh pah kan jan sa, nău dơi gĭt na nê̆ tu tơm, ntil ndơ dŭng tâl n’hanh nău dơi rdâk njêng nău ntơ bâh ăp ntil dnơ. Tâm 10 ntil dnơ dơi geh kơp 4 sao, geh 6 ntil cà phê vâr kĭn n’hanh cà phê êng du ntil, 1 ntil ndơ Bánh bột lọc Đạt Lý, 2 ntil ndơ Bun kro Chi Lăng n’hanh phở kro Chi Lăng n’hanh 1 ntil ndơ play chanh rse. Tât aƀaơ lam n’gor Đăk Lăk lĕ geh kơp dơhn 764 ntil ndơ OCOP, tâm nĕ geh 2 ntil ndơ 5 sao, 60 ntil ndơ 4 sao. Âk rmôt ndơ tơm khlăy geh cà phê, ca cao, mắc ca, play ntoh lư lĕ geh mpơl na nê̆ nău dâk ta ntŭk tăch rgâl ngih dak n’hanh mpŏng tât tăch ndơ an dak bah dih.