Ta rơh rƀŭn nchră, Thủ tướng Phạm Minh Chính lah na nê̆, ƀư tĭng nău kan hun hao wăng sa rêh jêng năm 2025 n’hanh lvang năm 2021-2025 tâm rnôk nău ta lam ntur neh geh rgâl ngăch, jêr, âk nău ê hŏ geh bâh ntơm tât aƀaơ, rlău đah nău nchrăp mbơh. Tâm dak, n’gâng kan wăng sa dôl tâm rnôk rghâl mhe, an geh ntêm âk soan kan, mông nar pă dăp tay nău kan ngih dak ta lĕ trung ương n’hanh ntŭk kan ba dâng, nău tât bâh mih sial, nău tât bâh phŭt sial ƀư khuch dŭt âk an nău pah kan jan sa tăch rgâl n’hanh nău rêh an ƀon lan. Bol ma kơt nĕ ăp nău dơi geh, nău geh khlăy dơi geh ntoh lư ta lĕ rngôch ăp trong kan hun hao bâh ta nkual, lam ntur neh, nkre lah mât đăp mpăhn nău wăng sa têh, mât njrăng lạm phát, rnă njrăng nău rêh jêng, nău rêh ƀon lan geh mât đăp mpăn, rnă njrăng ngih dak, rnă njrăng đăp mpăn geh mât nâp, hun hao, tâm nchră đah dak bah dih, lăp kan đah dak bah dih geh ntrôl dăng, nău knơm, nău dơi bâh neh dak geh n’hao tay. Ƀư lôch dơi nău kan jut jăng ngih truh sat . Rdâk njêng ƀư tâm ndrĭh 100 ngih nti 2 gưl nti tiêủ học n’hanh trung học cơ sở ta ăp xã n’har bri Tĭng nău mbơh bâh LHQ, rnoh nău đăp mpăn hơm răm bâh Việt Nam năm 2025 pă dăp tal 46, hao 37 gưl đah năm 2020. Mbơh tơih răng dăng, săk rnglăy nău kan pă dăp, ƀư ueh nău kan bâh chính phủ n’hanh leo ƀư n’gâng kan ta ntŭk 2 gưl ndrel đah ntrôl dăng nău kan pă kan, mbơh nău kan dơi. Rơh rƀŭn nchră geh ngluh mbơh 10 rmôt nău kan, ntrong kan tơm khlăy geh nău tơm hun hao wăng sa rêh jêng năm 2026 n’hanh ăp năm let năp tay, an geh rgâl mhe nău mĭn gay ma mbơh tơih răng dăng, geh săk rnglăy Nghị quyết Đại hội 14 bâh Đảng, ăp bôk nău pah kan bâh chính phủ.