VOV.M'nông- Măng 7/5, Tổng Bí thư, Kruanh dak Tô Lâm ndrel mpôl ntơh măt gưl têh Việt Nam tă bah Ấn Độ, ntơm hăn khâl gưl Ngih dak tât Sri Lanka tĭng nău jă bah Tổng thống Anura Kumara Dissanayake.

VOV.M’nông - Nklang khay wai kro phang krit nji ta Tây Nguyên, rơh tâm rlong lôk ntu nar lơn ma jru, nar lơn ma rmoh rman. Ntơm bah ăp mir cà phê mhe tăm ta Lâm Đồng tât ăp dâng sre ta Dak Lak, nuĭh ƀon lan lôk ntu nar lơn ma jru, yơn geh ma nău mô ban dak, nuĭh ƀon lan roh dơm prăk. Nău ngăn geh dja mô dơn mpơl an saơ nău nsing nar lơn ma âk tâm tu dak mŭr dôl geh kroh khar, ma hôm nkah njrăng lor geh ma nău khuch khat tay an neh ntu bri dak bah kơi tay.

VOV.M'nông: Ôi lơ 7/5, ngih nti Đại học Tây Nguyên tâm rgop đah Hiệp hội mât ndrâm- dak lêng n’gor Đăk Lăk ƀư rơh tâm mâp mbơh nău kan, mbơh tơih an rbăn nău kan an kon hoc sinh viên nkual miền Trung- Tây Nguyên, ngăn lah ta trong kan Logistics.

VOV.M'nông:Dơn nău jă bâh Tổng thống Philippines  Ferdinand Romualdez Marcos Jr, Kruanh ASEAN năm 2026, kêng nar lơ 7/5, Thủ tướng Chính phủ Lê Minh Hưng leo mpôl đại biêủ gưl têh Việt Nam tât ta nkuăl ƀon têh Cebu tât râng rơh rƀŭn nchră gưl têh ASAEN tal 48.

VOV.M'nông: UBND n’gor Đăk Lăk mhe leo ƀư rƀŭn nchră uănh nđôi nău ngăch mbơh tơih ăp trong kan nău kan khoa học, công nghệ, rgâl mhe mĭn kan n’hanh rgâl mhe rnoh mbrô ta ntŭk, rgum doh rklaih ăp nău jêr gay ma mât đăp mpăn ueh mhe nău ngluh mbơh.

VOV.M'nông:Tâm rnôk hăn khâl gưl Ngih dak bah Tổng Bí thư, Kruanh dak Tô Lâm ta Ấn Độ, wa Nguyễn Duy Ngọc, Uỷ viên Bộ Chính trị, Bí thư Trung ương Đảng, Kruanh ntŭk ƀư kan Trung ương hŏ tât khâl ndrel pah kan đah ntŭk kan mât ntrong định danh mrô neh dak Aadhaar bah Ấn Độ.

VOV.M'nông - Bah năp nô nău geh âk ntŭk nchrăp ƀư nhih nti phổ thông dân tộc nội trú rep gưl ta nkual n’har bri ƀư mbrơi, UBND n’gor Gia Lai tâm ban ŭch trong nchrăp rgum ăp mpôl tahen ntop kơl ƀư gay lôch jêh ngăch.

VOV.M'nông - Ôi 6/5, Ban Thường vụ Tỉnh ủy Dak Lak hop an nău rgop mpeh tĭng ƀư rnoh tât hun hao wăng sa bar mbrô lvang năm 2026–2030, rgum ƀư wat jêh trong tor luh hun hao, droh rklaih kô̆ yơn kol khan ntuh kơl, siƀŭt kan n’hanh đă ntrơn du.

VOV.M'nông - Nar 6/5, ta thủ đô New Delhi, lôch wơt Gưl ngih dak dơi ƀư rgum tĭng nău way dŭt têh an kruanh mât bôk neh dak, Tổng Bí thư, Kruanh dak Tô Lâm hŏ tâm nchră đah Thủ tướng Ấn Độ Narendra Modi.

VOV.M'nông- Ta nhih pah kan Chính phủ, Groi Thủ tướng Chính phủ Hồ Quốc Dũng ƀư tơm rơh hop đah ăp Bộ, ăp n’gâng kan, ăp n’gor mpeh nô nău tĭng ƀư nău ntrŭnh mbrô 05 bah Thủ tướng Chính phủ mpeh nău ndăn ngăch rgum tơm ndơ ntrôl ngăch weh ƀư njêng bản đồ địa chính; đăng ký neh ntu; njêng hồ sơ địa chính n’hanh rdâk njêng ntŭk mât prăp nău lư gưl neh dak mpeh neh ntu.