VOV4.M’nông: Ntơm njêng nău kan lah nău nkoch mô dơh tâm rnôk jâng wa\ng sa jêr jo\t a[aơ, lơn lah tâm trong kan tuch tăm ơm ât rdâng đah âk rmoh rman. Kalơ dor yôk M’Drak, n’gor Dak Lak, trong leo [ư ntơm njêng nău kan mât klo klêp mblar bah nô Nghiêm Quang Tuấn ho\ [ư jêng nkah ue\h đah âk nu^h. Trong leo [ư a[aơ dôl ntơm an saơ nău dơi n’hanh geh âk trong hun hao.

            Ta n’gul nar duh n’heng khay wai ta dor yôk prêh M’Drak, nô Nghiêm Quang Tuấn nhâp much ta n’glău dak me ta thôn 3, xã Krông Á. Ndjôt  nkăp way do\ng gay nkle\ pơk t^ng mbung klo klêp ngọc trai gay uănh năl, nô rhơn nkơi rơh klo klêp ngọc trai mhe n’glăp ndop gay so\k mblar chrêk mât ho\ 1 năm, geh klo I âk ri geh 4 găr mblar, hôm đêt ri geh 1- 2 mblâm đo\ng. Pơk rlong uănh du mblâm, nô Nghiêm Quang Tuấn mô dơi mpôn nău rhơn rnôk so\k geh 3 găr mblar chrêk du\m bi:

            “Nkăp rlău 2 năm dơi so\k tăch, yơn mô ho\ đal geh ri mô ho\ so\k tăch, lơn ma an jo\ ri lơn ma têh, rnoh khlay lơn ma âk”.

            Bah năp nê, kêng du\t năm 2019, nô Nghiêm Quang Tuấn ho\ so\k tăch dơi klo klêp ngọc trai rơh mât bôk năp đah nklăp 400 mblâm. Nô prăp ntêm an tay nklăp bar pe jât mblâm gay an nkah jêh aơ tay n’hanh [ư pă an ndơ nt^nh nklâm ndơ, rnoh [a [a\ tăch geh bơi 100 rkeh prăk. Nê lah nău ns^t geh tay bah 5 năm mbro mô gu\ rlu kơt nti n’hanh n’hao mât ntil klo klêp ngọc trai nđôch ntô mbâl bah bri dâng hao yôk rlong mât. Nău dơi geh bah nar aơ ân rgâl ma dah âk soan rhal, prăk kaih n’hanh le\ ma dak măt đo\ng.

            Nô Nghiêm Quang Tuấn nkah tay jâng ntơm bah nău rêh tâm bôk năm 2015, rnôk dôl lah nu^h blău [ư si jo\ rlău 20 năm, geh tơm wa\ng sa đăp mpăn. Yơn tâm rnôk bri geh nt^l mpông, tơm si dôl kroh khar, nô m^n tât rgâl nău kan. Nkhêp bah geh uănh saơ dơi klip nkoch mpeh mât klo klêp ngọc trai ta dak ngăn so\k găr mblar ta Ninh Bình, nô hăn tât ôp joi kơt nti d^l. Lôch 6 khay, rnôk ho\ r[ah g^t dơi ăp kỹ thuật khlay, Nghiêm Quang Tuấn plơ\ s^t dor yôk M’Drak lăp kan.

            Yơn ăp ntil nău [ư mô dơh. Le\ rngôch klo klêp mblar mât bôk năp ns^t bah Ninh Bình tât kh^t le\, roh hoach rlău hang rhiăng rkeh prăk. Năm bah kơi, kh^t hôm rôih mât âk tay lơn đo\ng. Rnôk rơh jêr jo\t dja, nô geh băl mpôl, rnăk wâl kuăl lah rt^l. yơn ăp nău krit jêr, roh hoach nar lơn ma [ư nô Nghiêm Quang Tuấn nsrôih tay:

            “Ntơm bah năm 2015, gâp mât mô g^t dah âk tơ\ mô rêh jêng. Lơn lah kh^t ri gâp lơn ma rôih mô plơ\ ru\ch, nsrôih pơk joi n’hanh a[aơ ri klo klêp gâp ho\ an luh găr mblar ho\ an saơ na nê|. Let năp tay ri gâp u\ch pơk hvi trong leo [ư dja an kônh wa kơt t^ng [ư.”

            T^ng nô Nghiêm Quang Tuấn, ndrel đah mât ăp ntil ka way ơm, tâm 100m² n’glău mbra dơi mât tay 2.000 mblâm klo klêp gay so\k găr mblar. Đah rnoh ntuh kơl 70 rkeh prăk/100m^2,  lôch 2 năm mât n’glăp mblar geh nău dơi ns^t geh tay w\ang sa nklăp 300 rkeh prăk.

            Ntơm bah nău dơi lor bôk năp, nô Nghiêm Quang Tuấn ho\ tâm rgop mât đah rlău 10 rnăk ta M’Drak, mât rơ\ klo klêp mblar tâm 14 n’glău đah rnoh âk nklăp 80.000 mblâm. Mô dơn nê, trong leo [ư dja dôl pơk hvi mât tât nkuâl Dak Song, n’gor Dak Nông. Ndrel đah nău pơk hvi trong leo [ư mât klo klêp mblar ta ntil klo klêp nđôch rvăt n’glăp bah Ninh Bình, a[aơ nô Nghiêm Quang Tuấn dôl gu\ m^n n’glăp mât gay so\k mblar ta ntil klo klêp tơm ta Tây Nguyên n’hanh rlong lai mât bar ntil.

            Wa Trịnh Thị Thu Thảo, ta thôn 3, xã Krông Á, nkuâl M’Drak, nu^h tâm rgop nsum n’hanh nô Tuấn mât klo klêp mblar ta rnoh hvi 2000m² n’glău, an g^t, rlău 1 năm, klo klêp mblar dôl hao rơ\ jêng ue\h:

            “Lah ma rơ\ jêng ri n’hao nău geh wa\ng sa an rnăk wâl he hao, he geh tay rnoh prăk gay do\ng kan. Lôch nê he mbra nt^m nti kônh wa tâm [on bah he, geh ndơ kơt he ri he mbra hun hao”.

            Wa Nguyễn Thế Thập, Kruanh jrô kan tuch tăm mât rong n’hanh hun hao [on lan nkuâl M’Drak, n’gor Dak Lak an g^t, nkuâl du\t rnê nău m^n nsrôih dâk leo lor bah nô Nghiêm Quang Tuấn rnôk he hăn kơt nti êng mpeh kơt do\ng ngăn trong leo [ư mât klo klêp mblar. Nkuâl dôl [ư uănh năl ns^t geh wa\ng sa, ntro\ng năl ăp ndơ geh [ư tâm di gay pơk hvi:

            “Ta năp măt mpôl hên mbra gu\ m^n n’hanh kơl an trong leo [ư dja. N’hanh mbra [ư ăp rơh tâm nchră gay kơt nti, nkhêp geh rnôk nê ri mpôl hên mbra pah kan nkoch trêng mhâm [ư an du\t geh nău tam tâm trong leo [ư pơk hvi trong leo [ư dja.”

            Đah nău gân djăng, le\ nuih n’hâm ndrel đah nău jăp gơih, blău [ư mhe n’hanh nănh rlău dơi săk nơm, nô Nghiêm Quang Tuấn dôl rdâk tay trong leo [ư ntơm njêng nău kan mha êng n’hanh âk săk geh ta nkuâl M’Drak. Lah dơi pơk hvi, aơ mbra lah trong leo [ư wa\ng sa ns^t nău dơi geh rnôk ndăn do\ng ăp n’glău dak, măt dak têh hvi ta Tây Nguyên./.

Nu^h nchih rblang: Điểu Thân