VOV4.M’nông: Ăp năm rlău aơ, Ngân hàng Chính sách Xã hội n’gor Dak Lak ho\ jêng bu kơl an ăp nu^h ach o ta n’gor nsan hao. Âk rnăk geh tơm prăk gay hun hao mât rong, tuch tăm n’hanh mât oh kon hăn nti ren, t^ng kơn hu\ch ach o du trong jo\ jong. Nhih pah kan Chi nhánh Ngân hàng Chính sách xã hội nkuâl Ea H’ Leo lah du nău nt^t tâm nău ntop kơl, nta trong dơh an nu^h ach o ta nkuâl nsan hao, đăp mpăn nău rêh.

Rnăk yuh Nguyễn Thị Nhật ta thôn C1 xã Dliê Yang nkuâl Ea H’ Leo mhe luh săk bah rnăk ach o.

Sai roh ơm, bar pe jât năm aơ du hê yuh Nhật n’goh n’gơp mât bar hê kon tâm nău rêh mô ăp to\ng, yuh Nhật nkoch: ntơm bah năm 2010 yuh dơi hội bu ur xã săm nkơng manh Ngân hàng Chính sách xã hội nkuâl an yuh manh 5 rkeh prăk. Nơm geh tơm prăk dja, yuh mât su\r, djăr, jêng  ntop geh tay wa\ng sa, 3 me kon yuh mô hôm nar hơm nar ji ngot. 3 năm bah kơi nẻ, rnôk ho\ trok le\ rnoh prăk manh 5 rkeh prăk, yuh Nhật hôm dơi an manh tay 15 rkeh prăk do\ng kan tuch tăm. Nơm geh rnoh prăk dja, yuh ntuh kơl tay 400 tơm cà phê.

Năm mhe aơ, rlău 1 tấn rnglăy, tăch geh 32 rkeh prăk. Năm 2016, kon bu klô du\t bah yuh lăp dơi Đại học Kinh tế nkual [on têh Hồ Chí Minh. Ngân hàng Chính sách Xã hội nkuâl an manh tay 25 rkeh prăk, rnoh manh thuk an sinh viên ach o…Nơm geh tơm prăk manh bah ngân hàng chính sách rnăk yuh Nhật ho\ geh ndơ\ ma rlău dơi ji ngot ach o đo\ng.

         “ Ntơm nơh rnăk hên mpeh săk rnăk ach o. Mir ri đêt, dơn geh 200 tơm cà phê dơm. Nơm geh manh tơm prăk bah ngân hàng ma tăm tay 400 tơm cà phê đo\ng jêng geh 600 tơm cà phê. A[aơ ho\ luh dơi bah rnăk ach o”.

          Tâm ban kơt rnăk yuh Nhật đo\ng, yuh Adrơng H’Bíu, nu^h Rđe  gu\ ta thôn 4 xã Dliê Yang dơn nơm geh tâm rlău 1ha neh dơm. Ntơm nơh tă bah mô ho\ g^t mât chăm, tâm ban kơt mô ho\ geh tơm prăk ntuh kơl phân poh, dak to\ jêng cà phê ăp năm dơn klêh geh 1,5 tấn rnglăy dơm. Năm 2016, yuh Adrơng H’Bíu dơi Ngân hàng chính sách xã hội an manh 30 rkeh prăk. Le\ rngôch rnoh prăk dja yuh H’ Bíu do\ng rvăt phân poh, khoan ntu n’hanh ntru\p d^ng to\ an mir cà phê. Dôl tâm rnôk khay wai, yơn mir cà phê tăm rlu\ sầu riêng, tơm tiêu hôm nđ^r ue\h đo\ng tă bah to\ng phân n’hanh dak to\ đăp mpăn. Yuh H’ Bíu dôl nchrăp manh tay 30 rkeh prăk đo\ng gay ntuh kơl [ư trong dak kloh ue\h n’hanh jay ăch chrach an rnăk wâl.

        “ Tât a[aơ, le\ rngôch tơm prăk dơi manh lah 30 rkeh prăk. Lôch rnôk tât dơi đah tơm prăk manh bah Ngân hàng Chính sách, geh prăk ntuh kơl ri mpôl hên rvăt ntil mhe n’hanh rvăt phân ndrung n’gar ndum poh an cà phê ri ho\ săk geh rlău 3 tấn”.

          T^ng wa Hà Văn Tài, Kruanh Hội nông dân xã Dliê Yang a[aơ lam xã hôm 6% rnoh rnăk ach o n’hanh dăch kêng ach o. Dơi jut jăng ji ngot hu\ch bah ach o du gâl lah nơm geh bah tơm prăk Ngân hàng Chính sách xã hội. Yor ăp rnăk ach o mô to\ng ndơ gay manh tơm prăk ta ăp ngân hàng tăch rgâl êng [a [a\, dơn geh Ngân hàng chính sách xã hội mơ lah nu^h kơl an nu^h [on lan rlău dơi ach o.

         “Trong nchrăp bah Đảng, ngih dak nta trong dơh an ăp rnăk ach o, dăch kêng ach o, dơi manh tơm prăk bah ngân hàng chính sách xã hội. Nơm geh kơt nê ma nkra dơi âk nkô| nău jêr jo\t an kônh wa. Lơn lah rnăk ach o n’hanh dăch kêng ach o lah mô geh tơm prăk bah ngân hàng chính sách ri kônh wa ân hăn manh tơm prăk bah dih, ma manh tơm prăk bah dih ri deh prăk kon âk. Ri ho\ ơm ma ach o lơn ma ach o tay lơn. Nơm geh trong kơl nê ma khân păng manh dơi tơm prăk deh prăk kon đêt, hôm tơm prăk an sinh viên ri du\t thuk, n’hanh geh tâm pă rơh trok rnon, nta trong dơh an oh kon hăn nti. Lơn lah khân păng ho\ jut jăng dơi ach o ho\ nsan hao tât rnăk dăch kêng ach o n’hanh tâm let năp tay nklăp rlău dơi rnăk dăch kêng ach o”.

          Ta nkuâl Ea H’ Leo a[aơ geh 10. 530  rnăk manh tơm prăk do\ng an nău kan tuch tăm ta Chi nhánh Ngân hàng Chính sách Xã hội nkuâl Ea H’ Leo, tâm nê geh tât 4.510 rnăk lah nu^h rnoi mpôl đê|. wa Nguyễn Minh Hùng, groi Giám đốc Jrô kan an manh Ngân hàng Chính sách Xã hội nkuâl Ea H’ Leo an g^t: Lam nkuâl geh 303 rmôt manh tơm prăk. Nơm geh ăp rmôt dja ma tơm prăk bah ngân hàng tât di nu^h, mât ue\h nău tam hu\ch ach o.

         “Lơn âk kônh wa rnoi mpôl đê| [on tơm ta ntu\k ri khân păng manh tơm prăk gay bôk năp lah mât rong ndrôk, tâl bar lah gay mât chăm cà phê, gay n’hao tơm geh wa\ng sa an kônh wa. Tâm rnoh rnon rlău nar trok bah mpôl hên, ri rnoh rnăk rnoi mpôl đê| [on tơm ta ntu\k lah du\t đêt”.

       Gay geh nău dơi nê, wa Nguyễn Tử Ân, Giám đốc Chi nhánh Ngân hàng Chính sách Xã hội n’gor Dak Lak an lah, ndrel đah nău an [ư ăp trong manh tâm di ri pah kan nkoch trêng rgo\ jă tâm ban kơt nău kan nsum đah ăp nsum mpôl, gưl uỷ n’hanh n’gâng kan ta ntu\k ho\ rgop n’hao nău g^t êng bah kônh wa mpeh do\ng tơm prăk manh. Lơn lah, ta nkual neh hôm âk jêr jo\t, âk [on lan rnoi mpôl đê| kơt Ea H’ Leo ri nău an [ư geh nău tam ăp tơm prăk kơl an kônh wa ho\ [ư jêng nuih n’hâm gơih nđơr, n’hanh lah mâng ntrôl gay kônh wa geh ndơ ma do\ng kan tuch tăm mât rong, rgâl geh wa\ng sa rnăk wâl, t^ng kơn kơl ăp rnăk klaih rlău ach o, đăp mpăn nău rêh./.

Nu^h nchih rblang: Điểu Thân