Nuĭh ji lah wa H.B.K, 58 năm deh, gŭ buôn Ea Mắp, xă Quảng Phú, n’gor Dak Lak. Ta ngih dak si Đa khoa nkual Tây Nguyên nuĭh ji dơi nchroh geh duh rtoh luh mham rih Dengue nar tal 6, geh nău mbơh njrăng, rtoh luh mham ntô, luh mham jâng sêk, uănh nđôi rtoh luh mham trong proch bah lơ.

Nuĭh ji nkre geh nău ji hao huyết áp n’hanh chrach njŭng type 2. Ta năp nĕ, du hê bu klô âk năm deh, gŭ phường Tân An, n’gor Dak Lak, lĕ khĭt yor duh rtoh luh mham rih ta Ngih dak si Đa khoa nkual Tây Nguyên tâm lơ 30/7. Kơt nĕ, bah bôk năm tât aƀaơ, lam n’gor Dak Lak djôt dơn 6.012 nuĭh ntưp duh rtoh luh mham rih ta 252 ntŭk srê ta 24 xă, phường ta lam n’gor, hao bơi 30% nkôp đah rơh aơ năm 2025.