3 khay bôk năm, năch dak bah dih tât Gia Lai geh bơi 65.000 nuĭh, hao 73%l năch tâm dak geh 4,1 rkeh nuĭh, hao bơi 14%. Dĭng lĕ geh bah pâl nđaih tâm 3 khay geh nklăp 8.700 rmen prăk, hao 17% nkôp đah rơh aơ. Êng tâm khay 3, rnoh năch n’hanh geh bơi n’gul đah rlău 2 rkeh nuĭh sŏk geh bơi 4.000 rmnen prăk.

Nău uĕh dôl uănh lah Pơh ntơm ƀư Năm Pâl nđaih Lam dak Gia Lai 2026 ƀư bah lơ 23 tât 30 khay 3 đah âk nău ƀư têh kơt rƀŭn nchră Pâl nđaih Gia Lai 2026, Rƀŭn nchră ntrôl ngăch ntuh kơl n’hanh wơt tàu pâl nđaih dak bah dih njưh ndrâm Quy Nhơn. Tâm 6 khay năm 2026, n’gor Gia Lai ntrôl dăng ntrŭt ngăch pâl nđaih đah âk nău ƀư kơt: Nar rgum Văn hóa ăp rnoi nuĭh n’gor tal 5; Rgum tâm rlong thể thao ăp rnoi mpôl đêt; Lễ hội Pâl nđaih khay mih “Gia Lai-Ntŭk tât uĕh” ndrel ăp nău ƀư mpla nsơ ntŭk tât ta dak bah dih n’hanh ndơ ntĭt mpơl kơt “Chĭng gông dŭt pơh-Ngêt sa n’hanh ƀư ngăn”. Tă bah ƀư ăp nău têh khlay aơ, n’gor Gia Lai mpŏng ŭch geh du ntŭk tât uĕh đah năch tâm n’hanh bah dih.