Ntoh ngơi ta rơh pah kan, Kruanh Ban Tuyên giáo Trung ương Trịnh Văn Quyết dăn đă ăp đại biểu rgum ƀư kloh ăp nkô̆ bah kơi aơ: Ngoăy lah, uănh năl n'hanh rnoh an dơi rgop bah văn hóa đah hao jêng. Rgop tâm GDP, hao jêng rĭng nsum, rnoh khlay ntop hao, nău kan, nău geh,  tơm prăk ngih dak, tăch n'gluh, wăch rgum ntuh kơl; lĕ rngôch rgop na nê̆, jê̆ n'hanh nău khuch tât lam lĕ rngôch. Bar lah, uănh năl na nê̆ ăp trong kan geh nău dơi jêng ntrôl hao jêng mhe. Mô dơi tâm pă, mô dơi "tâm ban" trong kan an ăp trong kan. Ntŭk văn hóa moh Việt Nam geh nău dơi tâm rlong ngăn; moh trong kan an geh trong kơl ngăch; ndơ geh ƀư khlay moh dơi jêng săk ntơ lư ngih dak tâm năm kan aơ.