Bôk nău kan đah nkô̆ "Bah Huila hao tât lam ntŭr neh" tă bah Đại sứ quán Colombia ta Việt Nam kan nsum đah ăp nhih pah kan, đơn vị nkual ƀon têh Đà Nẵng ƀư. Ta bôk nău kan, ăp nghệ sĩ mom Colombia nkoch tât nuĭh ƀon lan n'hanh năch pâl nđaih Hội An ăp ntil âm nhạc, njroh mprơ ntoh lư kơt Bambuco, Rumba Campesina, Rajaleña n'hanh Sanjuanero. Râng bôk nău kan hôm geh ăp oh kon se nkual ƀon têh Đà Nẵng. Tă bah ăp nău njroh mprơ tâm nđŭr, ăp băl mom bar dak geh tay rnôk tâm mâp, tâm nkoch n'hanh gĭt lơn mpeh văn hóa bah nơm. Nău ƀư tâm trôm bôk nău kan mĭn ƀư mhe Ngoại giao Thể thao n'hanh Văn hóa bah Bộ Ngoại giao Colombia, rƀŏng tât ntrŭt ntrôl tâm rnglăp lam rêh jêng kon nuĭh, gŭ rêh đăp mpăn n'hanh tâm nđŭr văn hóa, lơn lah tă bah ăp nău ƀư an druh ndăm kon se jê̆.