Ôi ntri (17/4), ta n’gor Hà Tĩnh ƀư lễ mít tinh nkah ndray 120 năm nar deh wa Trần Phú - Tổng Bí thư lor bôk năp bah Đảng (01/5/1904 - 01/5/2024).
Răk siƀŭt ta rơh lễ nkah ndray, Bí thư Tỉnh uỷ Hà Tĩnh Hoàng Trung Dũng nkah tay nău rêh nău kan cách mạng n’gloh ang n’hanh ăp n’hâm suan n’groh an têh kuâng bah Tổng Bí thư Trần Phú đah n’gâng kan cách mạng bah Đảng, rnoi nuĭh Việt Nam – du nuih n’hâm têh, du nău mĭn rôih dăng, mô dơi plơ̆ rŭch. “Nău mĭn rlăch ndăng têh” nê hŏ, dôl n’hanh hĭng ntơr mbro an nău way ơm n’gloh ang bah rnoi nuĭh, ƀon tơm Hà Tĩnh, jêng suan dăng, nău tă ơm gĭt kan têh khlay rdâk njêng, hun hao neh dak aƀaơ. Lễ nkah ndray gay nkah gĭt n’hanh mpư rnê ăp n’hâm suan, n’groh an têh kuâng bah wa Trần Phú đah n’gâng kan cách mạng bah Đảng, bah rnoi nuĭh Việt Nam n’hanh ƀon tơm Hà Tĩnh. Nkre lah rjăp nău khlay rđău kan chrat ang bah Đảng cộng sản Việt Nam, bah Kruanh Hồ Chí Minh n’hanh ăp kruanh rđău kan dâk leo lor bôk năp ntoh lư tâm n’gâng kan rlăch ndăng yor đăp mpăn dah rŏng bah rnoi nuĭh, yor nău uĕh di cộng sản, yor rhơn răm bah ƀon lan./.
Viết bình luận