VOV4.M’nông: Kơp tât n’gul khay 3/ 2020 ta n’gor Kon Tum ho\ geh 5 Đảng bộ tâm dâng rlong [ư Đại hội sơch na nê| bí thư n’hanh 10 Đảng bộ, Chi bộ tâm dâng mpeh ăp Đảng bộ mpeh Tỉnh ủy [ư Đại hội nt^t leo lor geh nău dơi ue\h lăng. A[aơ ăp nău tă ơm g^t tâm leo [ư Đại hội nt^t leo lor ho\ dơi Tỉnh ủy Kon Tum n’glôch jêh, mbơh g^t lam hvi gay nchrăp an Đại hội Đảng ăp gưl lam hvi. Ta xã Hà Mòn, nkuâl Đắc Hà, dơi rlong sơch [ư Đại hội. Lôch đại hội, ho\ ring tam nuih n’hâm tâm rnglăp rlău dơi jêr jo\t nsan hao bah ăp cán bộ, đảng viên n’hanh nu^h [on lan ta ntu\k.

Rlău  20 nar lôch Đại hội Đảng bộ xã Hà Mòn tâl VIII, năm kan 2020- 2025, ta 14 Chi bộ mpeh Đảng ủy xã tâm ban kơt ta 9 thôn [on, way geh ăp rơh tâm rkhăch du\t khuh n’gôr tâm đảng viên n’hanh nu^h [on lan ta ntu\k mpeh ăp nău kan ân dơi [ư lor gay ntru\t ntrôl wa\ng sa, rêh jêng kon nu^h hun hao t^ng nuih n’hâm Nghị quyết Đại hội. Wa Lê Đức Thuận, Bí thư Chi bộ thôn Thống Nhất an g^t, nu^h [on lan tâm thôn du\t rhơn nđơr rnôk dơi g^t Nghị quyết bah Đại hội Đảng bộ xã ho\ nkoch di n’hanh ăp nău u\ch ro\ng, nău mpo\ng kâp bah nu^h [on lan:

    “Nuih n’hâm bah kônh  wa Đại hội ri uănh nsum kônh wa rhơn nđơr. Đại hội Đảng bộ xã Hà Mòn rơh dja ndơ\ luh ăp rnoh tât kan na nê|, hun hao wa\ng sa rdâk njêng  xã Hà Mòn nar lơn ma hun hao. Nê lah rgum sreh tăm tay ăp mir cà phê kro ranh. Hun hao mât rong, hun hao rho\ do\ng, mât rong su\r djăr ndrôk rpu gay n’hao geh nău rêh bah kônh wa. N’hao nău geh wa\ng sa tât 55 rkeh prăk/ nu^h/năm. Nghị quyết bah Đại hội Đảng bộ xã Chi bộ ho\ s^t rgum nkoch trêng an [on lan, rgo\ jă [on lan ndrel đah Đảng ủy leo [ư ri kônh wa du\t rhơn nđơr u\ch t^ng”. 

Do\ng camera gay đăp mpăn rnă njrăng thôn bon ta xã Hà Mòn

            Hà Mòn lah xã lor bôk năp ta nkual Tây Nguyên di rnoh rdâk njêng [on lan mhe. 5 năm rlău aơ, hôm lah chông cờ dâk bôk năp bah n’gor Kon Tum tâm nău mât săk ntơ, lor nchrăp rdâk njêng [on lan mhe n’hao nău rêh, yơn ho\ an saơ geh mpơl wa\ng sa mbrơi tay đo\ng n’hanh du đêt nchiăng khan ta du đêt trong kan văn hoá, rêh jêng kon nu^h mô ho\ dơi [ư bah le\. Yor kơt nê| cán bộ, đảng viên n’hanh nu^h [on lan kâp nơm n’hanh ndơ\ luh nău nsing nơm âk tâm nău n’glêh an trong bah Đại hội Đảng bộ xã ndơ\ luh tâm năm kan tât.

   Yuh Nguyễn Thị Lam, jay ta thôn 1, xã Hà Mòn an g^t. ăp năm dăch aơ rnoh khlay cà phê ju\r thuk wa\ng sa rnăk wâl jêr jo\t, gay ntop geh tay wa\ng sa yuh tăm rlu\ tay tơm sa play tâm mir cà phê. Nău Đại hội Đảng bộ xã ntru\t nsôr trong leo [ư dja, lôch nê geh trong nkra kơl [on lan nkret njêng n’hanh tăch ndơ geh [ư kơl yuh nsing nơm nâp tâm trong hăn bah he:

   “Gâp saơ tơm cà phê ăp năm geh rnôk roh geh rnôk sa, rnôk play ju\r geh ri rnoh khlay ju\r thuk mô do\ng gay do\ng sa tâm nău rêh bah du rnăk. Ndr^ gâp mơ n’glêh an tăm rlu\ tay du đêt tơm sa play tâm mir nê gay kơi ntop n’hao geh nău rêh. An rnăk wâl. Cà phê ri a[aơ hvi bơi 1ha. Tơm sa play le\ ma tơm cam, quýt nklăp 300 tơm, đah du đêt tơm hồng xiêm, sầu riêng”.

Tơm sa play tăm ndrel ta tơm cà phê ta xã Hà Mòn

              Lah cán bộ Phòng Nội vụ dơi nkuâl tâm pleh đă  s^t xã bah năp Đại hội bar pe khay dơm, yơn Bí thư Đảng ủy xã Hà Mòn Nguyễn Thị Mai Hương, 40 năm deh đah trong pah kan ngăch blăy mhe, dăch dêh đah nău kan dơi nu^h [on lan kơp dơn n’hanh Đại hội rnê âk. Tâm ăp nar khay 3 Tây Nguyên duh n’heng tâm ban ma u\nh rlu\t, Bí thư Hương hôm lăp tâm nkual n’gul geh băm dak dak bât thủy điện Plei Krông rgo\  jă kônh wa ndăn dak rhuăt dah tât ri tuch tăm tât ntu\k nê. Ăp trong nkra ntru\t ntrôl hun hao wa\ng sa an nu^h [on lan ta ntu\k way lah nău Bí thư Đảng ủy xã Hà Mòn Nguyễn Thị Mai Hương m^n rvê:

    “Hà Mòn nău do\ng công nghệ tâm nău kan ri geh đo\ng yơn hôm đêt n’hanh lơn lah rêng [ư tâm rgop đah [on lan kan lo\ mir tâm rmôt tâm boh, Hợp tác xã lah du\t đêt. Mpôl hên dôl rgum an [ư do\ng công nghệ mhe tâm nău kan tuch tăm mât rong, ntơm bah rêng tuch tăm tât klêh donh tât rêng [ư nkret njêng, mpeh nău sreh tăm tay cà phê kro ranh rgum rgo\ jă kônh wa t^ng [ư sreh tăm tay n’hanh tăm rlu\ tơm sa play, tơm dak si tâm mir cà phê gay đăp mpăn ns^t geh wa\ng sa an kônh wa”.

Đại hội rlong tơm Đảng bộ xã Hà Mòn tal VIII

            Dơi Tỉnh ủy Kon Tum rđău đă [ư Đại hội nt^t leo lor gay ntơm bah nê n’glôch jêh Đại hội Đảng ăp gưl lam hvi, I ngăn an saơ Đảng bộ xã Hà Mòn, nkuâl Đăk Hà ho\ [ư jăp Đại hội Njêng dơi ring tam du\t têh lam dak, le\ ma bah năp, tâm n’hanh bah kơi Đại hội. Wa Phạm Thị Trung, Bí thư Huyện ủy Đăk Hà m^n lah, nê lah nơm geh ăp nkô| nău n’gâng tơm ntơm bah rêng nchrăp tât leo [ư Đại hội dơi nchrăp ăp to\ng, rđău đă năn ngăch:

    “Huyện ủy uănh khlay tât pah kan nkoch trêng njêng nău dơn ngoăy tâm nău g^t êng mpeh ăp ntu\k mhe tâm rđău kan gưl bah lơ tâm pah kan nchrăp Đại hội năm kan dja. N’gâng tơm tâl bar ma Huyện ủy du\t uănh khlay đo\ng lah pah kan sơch cán bộ ân geh ăp ntu\k ntoh lư mha êng mpeh nău blău kan, mpeh gu\ dâk ngăch kan, mpeh t^ng [ư jêng ngăn ngăn nău rđău đă bah n’gor, bah nkuâl tâm nău kan hun hao wa\ng sa rêh kêng kon nu^h ta ntu\k. Nău rdâk njêng ăp trong nchrăp si [u\t dăn đă du\t geh nău tam, dăch dêh đah nô nău ngăn ngăn njêng nău tâm ban u\ch tâm đảng viên, bah ăp rơh kơn [on lan đah nău kan tơm khlay bah rơh bah kơi tay”.

            Nơm geh mât dơi nuih n’hâm [ư tơm n’hanh rgum nău g^t blău bôk rngot nsum, Đảng bộ xã Hà Mòn, Nkuâl Đăk Hà ho\ [ư geh nău dơi Đại hội rlong leo lor Đảng bộ xã Hà Mòn tâl VIII, năm kan 2020- 2025. Nău khlay lơn đo\ng lah lôch Đại hội ho\ ring tam dơi nuih n’hâm tâm rnglăp rlău dơi jêr jo\t nsan hao bah ăp cán bộ, đảng viên n’hanh nu^h [on lan gay rdâk njêng ntu\k he nar lơn ma têh ndro\ng rsang rnglăy g^t blău./.

Nu^h nchih rblang: Điểu Thân