VOV4.M’nông: Ban thường vụ Tỉnh uỷ Đăk Lăk ho\ [ư an ăp nu^h tâm rlong mât njrăng bôk nău kan gay sơch nu^h [ư bí thư Huyện uỷ Lak n’hanh Bí thư Huyện uỷ Buôn Đôn. Aơ dơi uănh lah njoat hăn di tâm pah kan cán bộ a[aơ rnôk Dak Lak lah n’gor lor bôk năp t^ng [ư sơch bí thư gưl nkuâl. .

T^ng nê, 5 nu^h tâm rlong sơch [ư Bí thư Huyện ủy Lak, lah: Wa Nguyễn Thị Thu An, Groi chánh văn phòng UBND n’gor Dak Lak; Wa Hoàng Minh Cương, Hiệu trưởng Nhih nti Cao đẳng nghề Dak Lak; Wa Nguyễn Văn Hà, Groi giám đốc Sở Văn hóa thể thao – Pâl nđaih Dak Lak; Wa Nguyễn Văn Khoa, Groi giám đốc Sở Khoa học - công nghệ Dak Lak n’hanh wa Võ Ngọc Tuyên, Groi giám đốc Sở Kế hoạch - đầu tư Dak Lak.

Đah ntu\k [ư Bí thư Huyện ủy Buôn Đôn, geh 4 nu^h tâm rlong lah: Wa Ra Lan Von Ga, Hiệu trưởng Nhih nti Cao đẳng công nghệ Tây nguyên; Wa Y Mơ Mlô, Groi giám đốc sở Nội vụ Dak Lak; Wa Ya Toan Ênuôl, Groi bí thư Thành ủy nkual [on têh Buôn Ma Thuột n’hanh wa Y Jăn Buôn Krông, Groi bí thư huyện ủy Cư Kuin.

Tâm rơh sơch, 9 nu^h râng tâm rlong [ư Bí thư Huyện uỷ 2 nkuâl tâm pleh mbơh rêng kan n’hanh ơh ăp nău ôp ma mpôl Ban thường vụ tỉnh uỷ Dak Lak ndơ\ luh. Trong [ư mbơh kloh, nta trong dơh an ăp nu^h tâm rlong mpơl nău blău kan bah he, n’hao dơn kan bah săk he nơm. Nu^h tâm rlong [ư Bí thư Huyện uỷ nkuâl Lak, wa Hoàng Minh Cương, Hiệu trưởng nhih nti Cao đẳng nghề Dak Lak, an g^t:

        “ Mpôl hên năl dơi nău dơn kan n’hanh lor nchrăp tâm nău joi g^t kơt nti gu\ m^n. Mô dơn kơl an he pah kan n’gle\ ta kan dơi tâm rlong sơch ma pơk hvi tay nău g^t blău gay do\ng ngăn tâm nău kan dôl [ư. Tâm rlong sơch geh nău ring tam ue\h kơp le\ an ăp cán bộ kruanh rđău kan geh trong r[o\ng gay tiăr nti nsrôih đo\ng. Ntơm bah aơ mbra rhuăt luh nău tă ơm g^t kan kơi ntop tay tâm pah kan sơch cán bộ geh nău g^t blău du\t âk”.

         Tâm rlong sơch [ư bí thư huyện ủy lah du trong [ư du\t mhe, lah n’gor dâk lor bôk năp dơi t^ng [ư lam dak. Wa Bùi Văn Cường, Uỷ viên trung ương Đảng, Bí thư Tỉnh uỷ Dak Lak, lah rjăp, trong [ư dja mbra kơl Đảng “Sơch dơi nu^h g^t blău rgâl bah hôm ma sơch ndrăng băl nơm”. Tâm rlong sơch mbơh kloh cán bộ mbra t^ng kơn rdâk njêng nău way do\ng n’hanh ntăm n’hao cán bộ kruanh rđău kan geh nău tâm ban, sơch geh nu^h g^t blău ăp nu^h cán bộ to\ng nuih n’hâm ue\h lo\ng, nău g^t blău, rho\ do\ng an ma nău hun hao bah n’gor:

        “Rgâl bah hôm ma [ư sơch ntơm nơh ma nău gu\ uănh năl nu^h A, nu^h B, nu^h C, mô djăt ăp nu^h nê mbơh rblang, ăp nu^h nê lah ju\r ta nê moh ndơ [ư ri mô g^t ăp nu^h nê mâl mô lah g^t blău. Hôm a[aơ ăp nu^h mbơh rblang rêng kan bah he ri he saơ nu^h nê g^t blău lơn ri nu^h nê dơi. Aơ rgâl du rêng sơch mhe dơm. Mpôl hên m^n lah mbra ue\h lơn n’hanh tă bah nău ue\h lơn dja mô dơn n’gle\ ta nău uănh năl ma hôm ta nuih n’hâm nchrăp an ăp nu^h râng tâm rlong đo\ng”.

Ndrel đah nău tâm rlong sơch mbơh kloh săk nu^h [ư Bí thư Huyện uỷ ăp nkuâl Lak, Buôn Đôn; let năp tay Dak Lak mbra [ư tâm rlong sơch đah ăp nu^h [ư Giám đốc ăp Sở Công thương, Sở Tài nguyên môi trường n’hanh Groi giám đốc Sở Nông nghiệp phát triển nông thôn. Trong [ư dja dôl geh nău mât uănh khlay mha êng bah cán bộ n’hanh [on lan n’gor Dak Lak. Wa Nguyễn An Vinh, Bí thư Tỉnh uỷ Dak Lak ơm mpo\ng, nău rgâl mhe dja mbra [ư du đêt nău khoah tâm pah kan cán bộ a[aơ:

“Gâp saơ trong nchrăp bah n’gor Dak Lak du\t ue\h, t^ng [ư di nuih n’hâm du đêt nghị quyết n’hanh trong nchrăp nsum bah Đảng mpeh nău do\ng nu^h g^t blău. {ư dơi nău nê mbra [ư bah du đêt nău ntơm nơh nơm geh dêh bên, ma nău geh nsum, nuih n’hâm t^ng nău no\ng êng nơm ho\ n’glăp nu^h mô di t^ng nuih n’hâm ân dơi [ư jăp, geh nuih n’hâm ue\h, geh nău blău kan n’hanh mpơl dơi nău rdâng lơh sa khâm. Mhe aơ bu way lah sa khâm mpeh nău dơi kan, sa khâm mpeh chính trị geh ngăn nău nê đo\ng n’hanh tâm nău lư cán bộ [on lan du\t nuih ăl ri a[aơ mbra dơi [ư bah nău nê”./.

Nu^h nchih rblang: Điểu Thân