VOV4.Mnông –  Thủ tướng Phạm Minh Chính mhe ƀư rơh rƀŭn rnâng kan Chính phủ mpeh trong kan ƀư săch đại biểu Quốc hội khóa 15 n’hanh đại biểu HĐND ăp gưl năm kan 2021-2026 tâm rnôk srê Covid-19 geh dŭt n’hâm jêr jŏt. Ăp nău rgop ta rơh rƀŭn tâm ban ŭch an geh trong ƀư na nê̆ đah tĭng ntŭk an geh srê Covid-19; đăp mpăn ndơ sa; trong kan săm ndal n’hanh du đêt nău khlay.

Thủ tướng Phạm Minh Chính ƀư tơm rƀŭn mpeh trong kan ƀư săch

N’gâng kan dak si n’gor lĕ n’hao uănh nđôi. Jêh rơh rƀŭn aơ, N’gâng kan dak si mbra tâm rgop đah N’gâng kan Nội vụ gay ntĭm na nê̆, ngăn lah đah ntŭk geh srê, nuĭh ji dôl săm. Ăp nău rgop ta rơh rƀŭn lĕ dăn đă, an ƀư săch tĭng mông, mât tâm ƀah ngai, wăn bok put mbung n’hanh jrô kloh aih. Thùng nklăch phiếu ta nkual geh srê an puh rao kaman lor rnôk ƀư nklăch phiếu. Kơp dơn ăp nău rgop, n’glôn jêh rơh rƀŭn, Thủ tướng Phạm Minh Chính lah rjăp nău tĭng dơi nău kan tĭng nău ntrŭnh gay ƀư uĕh ngăn rơh săch.

Nuĭh rblang: Y Sưng Phê Ja