VOV4.M’nông: Ta Kon Tum, tâm rnoh jong rlau 292 km trong n’har tâm dăch đah dak băl Lào ndrel Campuchia geh ntu\k khlay, ntu\k ma “du tong ndrau djăr 3 dak ndrel tăng”. Ta aơ, tâm năm 2007, đah nuih n’hâm tâm boh bah Chính phủ ndrel [on lan 3 dak Việt Nam, Lào, Campuchia tâm nau [ư nau rklaih nau kan nkuăl n’har bri, nkuăl neh, du n’gâng 3 ding ho\ geh ndâk ndrel ma jêh tâm bôk năm 2008. N’gâng lah nau ntoh ân nau tâm rnơm, tâm rnglăp tâm nau ndâk njêng nau đăp mpăn bah 3 dak Việt Nam, Lào ndrel Campuchia.

            N’gâng n’har bri bah pe dak Việt Nam-Lào-Campuchia geh ndâk tâm lơ 29/11/2007 ndrel ma jêh tâm lơ 18/1/2008. N’gâng aơ tâm chông yôk geh prêh 1.086 mét rđil măt dak lêng, mpeh Việt Nam tâm xã Bờ Y, nkuăl Ngọc Hồi n’gor Kon Tum.

Geh nkra ma lu\ hoa cương đah nau jâk rlau du tấn, geh rup tam giác 3 ding mpeh pe dak. Mpeh Việt Nam lah n’gor Kon Tum, mpeh Lào lah n’gor Attapư ndrel mpeh Campuchia lah n’gor Rattanakiri. Kơp ntơm rnôk [ư jêh, lôch 12 năm ma aơ, n’gâng 3 ding Việt Nam-Lào-Campuchia lah ntu\k tât bah [on lan lam dak ndrel âk rmôt kan tă bah dak ba dih. Nô Điểu Lê Nam Nam, cán bộ rmôt druh ndăm Việt Nam n’gor Dak Nông rhơn rnôk rơh bôk năp tât n’gâng pă n’har pe ding:

             ‘Rơh bôk năp tât ta aơ ri gâp saơ rhơn ngăn. Lah ueh ma che mbơ\ nơm ho\ roh hoach nting mham gay ma mât nau [ư tơm bah nkuăl n’har bri bah neh dak”.

            A[aơ, ntơm mpông n’har đah dak ba dih Bờ Y, ndeh knu\ng hăn ti\ng trong nklăp 10 km đah nklang bri yôk lah tât n’gâng bah 3 ding. Mhe aơ n’gor Kon Tum ho\ ntuh kơl ndâk du ntu\k ân ndeh tâm dâng jâng yôk đah n’hâm mât âk jêt bôk ndeh. Ndrel ma nê lah trong leo hăn ma rhiăng jâng gung mhe geh săp ma lu\ kloh ndrel nâp. Nau ueh ngăn lah yôk ntu\k ndâk n’gâng bah năp nơh geh [om, ndrak ndrel dak si khih, a[aơ tơm si jêng n’ir. Wa Đỗ Trọng Khôi, 77 năm, Gíam đốc ơm Bảo tàng Biên phòng, tâm Thủ đô Hà Nội rơh tal pe plơ\ tât khâl n’gâng 3 ding, hôm nkoch:

            ‘Tât ta aơ gâp hăn khâl tay ntu\k tâm lơh kăl e. Geh mâp tay băl bên nơm nkre ma tahen ma nơm tâm Biên phòng Kon Tum du\t n’hâm rhơn ngăn. Ndrel ngăn lah lo\ geh hăn tât n’gâng n’har nglah 3 đah 3 dak bah Đông Dương đah Lào-Việt Nam dnrel Campuchia, mâp tay n’gâng n’har bah neh dak lo\ lơn ma rhơn ngăn tay. Rơh tâm lơh kăl e ri kônh hăn ta aơ ri n’gâng aơ ê geh ueh ôh ndrel mô geh âk nu\ih tât uănh khâl kơt aơ ôh. Hăn tât ta aơ tal 3 ri ngăn lah du\t n’hâm ueh ngăn, nâp ngăn”.

            Đah ntu\k geh ndâk ueh, lah nau ntoh bah nau tâm rnơm, tâm rnglăp, tâm ăp năm rlau aơ, n’gâng ntăm bah 3 ding tâm xã Bờ Y, nkuăl Ngọc Hồi n’gor Kon Tum vay lah ntu\k tât bah ăp nau kan tata chop khâl, lah ntu\k tâm n’ur, tâm mâp tâm nau kan tâm nchră [on lan, tâm nchră Biên phòng, ndâk nkuăl n’har bri đăp mpăn, tâm boh bah rmôt [ư nau kan bah n’gor Kon Tum, Việt Nam; Attapư, Lào ndrel Rattanakiri bah Campuchia.

            Đah nau nsrôih ndâk rlau 292km trong tâm dăch đah bak băl Lào ndrel Campuchia jêng trong n’har đăp mpăn, tâm boh ma ntoh ân nau ueh ngăn lah n’gâng n’har pe ding, tâm nklăp 7 năm rlau aơ, rmôt tahen Biên phòng Kon Tum ho\ tâm rgop nsum đah rmôt mât njrăng nkuăl n’har bri bah 3 dak Lào ndrel Campuchia [ư rlau 800 tơ\ tâm nchră, rlau 500 tơ\ tâm mbơh nau kan, rlau 230 tơ\ hăn mêt uănh nsum ndrel rklaih ueh ăp nau kan geh tât tâm nkuăl n’har bri. Nkoch tât nau kan tâm nchră bah Biên phòng, Đại tá Phạm Ngọc Phú, Kruanh rđau kan Tahen biên phòng n’gor Kon Tum nkoch:

            ‘ Đảng uỷ Tahen Biên phòng mro rgum ntru\t dăng tâm nau n’hao nau nâp, săk tam nau kan tâm nchră Biên phòng, ngăn lah [ư nau tâm n’ur, tâm nchră ti\ng khay tâm ăp gưl gay n’hao nau tâm gi\t rbăng, tâm rnơm ndrel n’hao nau săk tam bah nau tâm rgop tâm nau [ư nau kan. Râng tâm nchră ân nkuăl [ư nau tâm rnglăp thôn, [on bar ding tâm nkuăl n’har bri gay n’hao nau tâm boh geh gi\t rbăng. Nsôih kơl an [on lan, gưl uỷ, n’gâng kan ndrel rmôt mât đăp mpăn nkuăl n’har bri ndrel nau kan “kơl an băl lah kơl săk nơm” rgop nau mô rlu tâm nau mât, n’hao nau tâm boh tâm rnglăp bar ding nkuăl n’har bri”.

            Năm mhe ta ntu\k aơ, n’gâng n’har bri 3 ding geh tâm pă nkuăl neh bah 3 dak Việt Nam-Lào-Campuchia tâm xã Bờ Y, nkuăl Ngọc Hồi, n’gor Kon Tum dôl lah ntu\k tât bah bu năch tâm ndrel ba dih dak. Đah nau kan ueh khlay ma neh dak ndrel [on lan jao ân, rmôt tahen Biên phòng Kon Tum dôl nar lơn mât nâp n’gâr phao mât, ndâk nkuăl n’gâng n’har bri mro lah nau ntoh bah nau tâm rnơm, đăp mpăn, tâm boh ndrel tâm rnglăp ndrel hun hao./.

                                    Nu\ih rblang: H’Thi