Têx luôs hâux lưv uô tâu jông txix trâur nuv “Qơư chi cax luk thax tsav ntus đriv” nhoz Lào Cai

          Têx jiês sik côngv muk qênhz yuôx sâuv cêr ntux đriv hâur lưx lươngv pênhz phax thiêz tsôngv box xã Bản Phiệt, huyện Bảo Thắng, tỉnh Lào Cai tâu uô jông thiêz cxix cxuô txix 2 txos 3 jiês iz ciêz. Thôngz đhâu côngz xưv qênhz yuôx, sik côngv yax mông, heik kriê tưz paz tsôngv box muôz siêz siêz xar cxaz chuôz por vêv ntus đriv, ndêx đriv têz thiêz tuôr truôx txiv ngaz nhoz tiv phaz. Đại úy Nguyễn Hồng Hà, Tsar qơư seiz car số 2, Zênhx pênhz phax trôngx đriv ntiêx têz Lào Cai puz pâuz:

          “Txix thâuv muôx trâur nuv “qơư chi cax luk thax tsiv ntus đriv”, qênhx shênhx nhiês muk lok đhâu ntus đriv cux txu grês ntâu, txiv ngaz chinhr trị taz por. Bộ đội pênhz phax paz pox nhuôs jông iz cxiê trâur nuv huôv tsar kinh têr”.

          Cxaz chuôz uô trâur nuv “qơư chi cax luk thax tsav ntus đriv” tsôngv box tưz muôz siêz jênhv pâuz lok uô trơưk cêr chei, trơưk cui chế ntus đriv, coar lik, zaoz zux tuz nhuôs tsi uô cxâuv cêr chei, njiz trâus têx tiv nanv xã hội, txu grês têx zav nênhs phamv cxâuv, por vêv truôx tul txiv ngaz thax tsav. Pos Đặng Thị Dẩn, nhoz jos Nậm Sò, xã Bản Phiệt huyện Bảo Thắng heik:

          “Bộ đội pênhz phax paz txưv tsưr ziv huôv tsar kinh têr trâu tsôngv box. Shông 2020 pênhz phax paz cxiv tsa nôngx cxênhz yiêz. Pêz cux tsuôk xar njôngr muôx vênhv thix tưs mak pov trâu Zênhx pênhz phax chiê tâu paz txưv. Pêz zuôr tror paz têx ziv chuôz zis pluôs”.

          Txiv ngaz thax tsav tâu taz por, côngv đros hâux lưv tâu lưx lươngv pênhz phax paz txưv, heik kriê tsiv uô xênhz yar kôngz nuv tưz paz Nậm Sò txix 1 jos ntus đriv txov nhêv, đros zuôr xar 70% chor ziv chuôz zis pluôs sir jos huôv tsar uô nox uô hâuk yênhx iz qơư chi cax luk nhoz Bảo Thắng. Njuôs xav suôv câuv shông no, tas nro jos tsuôk yuôr 2 ziv chuôz zis pluôs thiêz 9 ziv chuôz zis zuôr xar pluôs. Zơưv Phàn Xuân Tiến, Bí thư Đảng ủy xã Bản Phiệt, huyện Bảo Thắng puz pâuz:

          “Pêz tưz krêz uô đêz đar txos 2 jos ntus đriv Bản Quẩn, Bản Phiệt thiêz krêz uô txos iz cxiê jos hâur xã. Txix hâux lưv cxiv tsa trâur nuv ntâus grê, zuôr chênhz zênhv muôz siêz yênhx lênhx tsôngv box li txơưx jênhv hâur huôv tsar kinh têr thiêz tuôr truôx txiv ngaz ntus đriv”

          Hâux lưv cxiv tsa yênhx côngz trâur nuv “Qơư chi cax luk thax tsav ntus đriv” nhoz jos Nậm Sò thiêz têx trâur nuv taz por txiv ngaz txơưr nhoz tiv phaz tưz gôngr phênhv paz Bản Phiệt phuôx huiz chinhz yênhx sik côngv siêz hâur tsôngv box. Pox nhuôs chiv chir uô trơưk phuôx lix li cui tênhv. Txix co muôx tâu iz qơư jông chiê tsôngv box sik tưr uô lox tôngv, cxiv tsa ntus huôv tsar lok kinh têr, truôx tul lok côx phax, txiv ngaz./.

(CTV VOVTB-Txâur Vax cxeik nhênhv)