Bí thư Đảng ủy xã đros têx dưv anr, hâux lưv uô tsi tas nhiêx

Xênhz zus lox hloz hâur iz chuôz zis uô liêx têz nhoz jok Nà Ín I, xã Chà Nưa, Bí thư xã Khoàng Văn Van, heir  nênhs Poz Ziz, pâuz tsênhz lok têx cêr txov txix ntâu shông lok no, tsôngv px tsuôk uô nênhx nhoz đros đreiv trâu têx jôngr ntông, khưr uô liêx têz, viv li thâuv tưs cux trâul yeiz pluôs, txov nhêv njuôr. Shông 2016, chor chuôz zis pluôs cux tsênhv yuôr txos 53%. Xar njôngr zuôr uô li chas chiê hlôngr yiêz tsôngv px sđ luz nênhx  nox nhoz? Zơưv Hoàng Văn Van tưz muk trâu ntâu thax tsav, suôv qơư hâur têx tỉnh muôx đêx ar, liêx têz mê njik jông xưk iz zav li zuk qơư nhoz chiê seiz thiêz cơưv  shâuv luôs lưv tus txơưx huôv tsar uô nox li têx tsưr ziv uô, đhâu ntơư lok fuô kriê tsưr ziv uô trơưk trâu hâur têx chi bộ jok li nghị quyết, tsaz yênhx hâux lưv txix muôz têx xuz jôngr, ar têz nxaz huôv tsar chos têx tsoz chos, ntông nox txir, chiê paz px jux juk hlôngr yiêz siêz xar, tsưr ziv uô:

“Tsôngv px Chà Nưa, lơưr uô nênhx nhoz đros đreiv têx jôngr ntông, xar por hưv têx har jôngr, taz sik ho zuôr nox, zuôr uô liêx têz, pêz chor nhoz hâur xã qir seiz lax, xav seiz têx txir suôz câur muôs tâu gri li chas hâur ciêz đrôngs, đhâu ntơư sik đros xar tơưv têx tsưr ziv uô. Xuz thơưx yax kriê trâu px, đhâu ntơư pêz muk nus seiz, têx suôz câur, luôs 2 chas thax tsav qơư zuôr thiêz gra kror tưs lok chos, taz sik tsuv zos têx zav jông. Pêz tsưr ziv zos chiê px sđ, chuôz zis tưs cux tsuv chos siv, iz chas co zos chiê muôx ntâu têx zuz suôz câur ntâu trâu sđ chos”.

Đros thiêz têx li: Zôngx ziv chos, tu, muôs tâu gri thiêz qơư sâu zuôr truôx tuk, têx shông jê lok no, tsoz suôz câur tưz thiêz tsênhv yênhx iz hâur têx tsoz chos paz tsôngv px Chà Nưa heik taz cxuz cêr yeiz pluôs, iz chas ntơư cux zos hâu cêr yiêz trâu px tox siêz hâur thax tsav tỉnh Điện Biên heik cxuô huôv tsar uô nox uô hnar. Zơưv Thùng Văn Phòng, nhoz jok Nà Cang, xã Chà Nưa, huyện Nậm Pồ, tỉnh Điện Biên heik

“Đảng ủy, Ủy ban xã cux muôz jông six hơưv paz chuôz zis, gra têx zuz câuk suôz câur lok trâu chuôz zis chos. Chos cux tâu 2 shông lơưv, txi txir, chuôz zis cux sâu đê tâu 7 hnaz txir nhôngk. Pir li uô poz cưk, uô blêx mak tâu gri đuô 3 bâus thiêz gra lok phênhv sâu siêz đuô”.

Ntu 20202-2025, xã Chà Nưa tror muôz têx tsưr ziv li heik sâuv tso hâur Nghị quyết, muôx tsaz yênhx, hâux lưv uô tsênhv tsênhz chiê huôv tsar chos têx suôz câur hâur xuz jôngr cov xar muôx 470 ha, chiê uô tâu têx luôs hâux lưv lok sâuv cê huôv tsar kinh tế txix têx suôz câur, cê por hưv tâu têx jôngr ntông. Sâuv têx liêx têz, ntar trôngz thâuv ntêx px chos poz cưk, chos kok ntông, tưz jux juk tâu hlôngr chos suôz câur thiêz qir txi fâuv txir xuz thơưx, tâu sâu đê, uô trâu px, hâu nov ntơưv qơư muôx cêr shir phaz. Zơưv Hoàng Văn Van, Bí thư Đảng ủy xã Chà Nưa heik pâuz:

“Txos iz jiês no, têx suôz câur tưz vav hloz lox jông, qir tâu sâu đê. Muôx ntâu chuôz zis muôx suôz câur li heik ntơư, tsi tiêk 1, 2 chuôz zis xưz, 500 ntâu ziv hâur thax tsav chos, iz chuôz zis xuz thơưx chos 100 ntâu tsoz xưz, taz sik muôx kênh ziv, lơưr moz siêz xar chos ciês 2, 3 cxênhz tsoz”.

Bí thư Khoàng Văn Van tsênhv muk iz chuôz zis jux juk heik canr bôv, đảng viên cov uô ntêx nyuôs lok sâuv huôv tsar uô nox, bax hlôngr yiêz zuz nôngz tsoz chos, tsiêx tu zus. Đros thiêz têx lênhx hâur chuôz zis, chuôz xênhv, zơưv tsi so heik, kriê têx tuz nhuôs muôz têx ar têz nhoz jê ntus cưx ha, cưx đês khơưz tâur uô pak đêx chiê muôx đêx tênhr, tso njêl zus. Tsi tiêk sir jos huôv tsar chos têx tsoz chos li heik sâuv hâur têx xuz jôngr, Đảng ủy, Ủy ban xã tưz cxơưz cxiz px đros uô HTX, huôv tsar kinh tế trơưk têx tsưr ziv tu zus tsiêx cxu, zus mur.... Têx chuôz zis lơưr zus mur, thâuv ntêx zos lav zus thiêz uô trơưk li chor lâuk iz txưv tu zus đhâu lok, uô thôngz trâu nhoz, mur tưx mul zok nriêr têx pax nzêik viv li tsi trơưk tsưr ziv, siêz xar, nhiv no tưz tâu muk cơưv têx tsưr ziv yiêz lok sâuv tu zus mur. HTX mur kuk Chà Nưa cux hu zâuv tâu 20 lênhx nênhs đros tu zus, cxơưz gra têx jiz mur kuk suôz bê to txos trâu ntâu thax tsav ciêz đrôngs hâur tỉnh pâuz txos. Tâu pov thiêz tâu seiz Bí thư Van chor nênhs hâur tsêr uô tâu trơưk tsưr ziv, ntâu lênhx px hâur xã Chà Nưa tưz cơưv shâuv, uô lơưr thiêz luz nênhx tưz hlôngr yiêz ntâu. Phôngz yaox cxuô ziv chuôz zis sik đros huôv tsar uô nox uô hnar nhoz Chà Nưa zos muôx txix co lok. Tix lâus Vàng Văn Học, nhoz jok Nà Ín, uô hâux lưv hâur HTX tu zus mur zuôr jiz Chà Nưa heik:

“Lok six jông, muôx HTX tu zus mur li no mak tsi trâul cxơưx qơư sâu zuôr, zuôr têx jiz mur tưz muôx HTX lơưv. Pêz chor hội viên lok six tso siêz thiêz sir jos uô cov tâu jông xưz. Cux khov chor hloz, hâu nov hâur xã li: Đảng ủy, Ủy ban muôz jông six hơưv trâu hur px hâur pêz jok huôv tsar uô nox, lênhx tưs cux puôr lênhx uô tâu yênhx côngz, jông siêz thiêz shir phaz hênhr. Txir hloz Van zos lênhx nênhs gruôs, siêz jông, uô nênhx nhoz đros px mak kror tưs txir hloz cux moz siêz, paz max px”.

Zơưv Thùng Văn Ánh, Chủ tịch Ủy ban xã Chà Nưa, huyện Nậm Pồ heik pâuz, têx dưv anr, luôs hâux lưv uô tsi tas nhiêx zos Bí thư Van xar tsưr ziv fuô kriê thiêz uô tâu yênhx côngz nhoz Chà Nưa tsuv heik txos zos: Chos têx ntông pax lâus trơưk 2 saz ntus cêr lox 4H thiêz têx cêr muk lol hâur jok. Iz chas ntơư, têx lênhx muôx txux chi hâur xã muk pêv têx xuz jôngr zok nriêr têx nôngz, zuz câuk ntông, px paz hnuz côngz đas jos đros fax thâux lok chos trơưk têx ntus cêr heik sâuv. Tsuôk hâur iz ntuk tsi ntêr, 1.200 tsoz ntông pax lâus tưz tâu chos, tu hloz lox jông nhoz Chà Nưa, hâu nov ntơưv qơư tsi tas pôngz nhiêx zuôr, tsuôk zos tas nro têx canr bôv, đảng viên thiêz px hâur thax tsav siz chos paz uô. Iz chas hâux lưv uô no, Bí thư Đảng ủy Van tsênhv zos lênhx xar tsưr ziv uô 11 txox cêr muk lol qênhz shuôs, por hưv têx har jôngr ntêr muôx 36 cêik; cxiv uô 106 qơư hlơưr têx vuôz tsuôz, kiêk nênhs por tsês..... No puôr lênhx zos têx hâux lưv uô tâu, tsi tas nhiêx, khov cấp ủy, px sđ hâur thax tsav qơư đros paz max./.

                                                (Vũ Lợi-Riê Lâux cxeik, nhênhv)