Đắc Lắc sir jos phax tar cuz tox cuz jôngr hâur chêix ntux kruôr gis

Txix iz đraz hli 4 txos nhiv no, har jôngr York Đôn kror cxiê qơư puôr lênhx kruôr gis, 8 lênhx nênhs hâur qơư yuôx jôngr sôr 1, Hạt yuôx jôngr vax têz qơưk York Đôn (Đắc Lắc) cux sir jos qênhz shuôs njôngr, qêz suô têx blôngx tsi chiê hluôr tơưk txeik cuz. Zơưv Nguyễn Hữu Tạo-Hạt phưv Hạt yuôx jôngr Vax têz qơưk York Đôn heik, tsênhv zos cheix ntux kruôr, nhoz no zôngx ziv muôx hluôr tơưk txeik cuz jôngr. Chiê phax tir thêir, Hạt tưz hux jos đros chor lưv lươngv txơưr tso xar muôx 200 lênhx canr bôv, nhân viên chiê qênhz shuôs thiêz phax tar hluôr tơưk cuz jôngr:“Hur tiz si têx qơư yuôx jôngr, lênhx nênhs lês uô hâux lưv co tsuv nhoz trơưr ntơưv qơư qênhz shuôs njôngr têx xuz jôngr, kror tưs hlơưr tâu mak qêz suô hlơưr iz kro mê njik têx blôngx kruô cov tsi ntâu hênhr, thâuv tưs zos hmôngr tsi jông muôx hluôr tơưk txeik cuz jôngr thiêx tsi txeik chis cuz đêz đar trâu cxiê qơư, uô ruôr hiêv jôngr ntông”.

Đros trâu luôs hâux lưv phax cuz tuô cuz tsênhv tâu fuô uô hâur tas nro tỉnh, cxuô taz viv nhoz lưv lươngv yuôx jôngr thiêz chor tsưr jôngr cux moz siêz txos gra siêz tsưr ziv phax cuz tuô cuz jôngr. Zơưv Hồ Văn Lành, Hạt phưv Hạt yuôx jôngr huyện Krông Năng-Buôn Hồ heik pâuz, khov bax jông lênhx nênhs cux xưk li têx chuôz zênhx, tsưr ziv phax cuz tuô cuz ntơưv qơư, txuz hluôr tơưk cuz jôngr thâuv hâur hli 4 ntơưv jok 299, xã Cư Klông, huyện Krông Năng tưz tâu tuô tuôs:“Đhâu hlo thâuv txeik tâu mông heik pâuz lok hluôr tơưk cuz jôngr, pêz tưz đros chor nênhs uô hâux lưv yuôx jôngr, tsưx phưv jôngr thiêz phax tar cuz tox cuz jôngr sôr 3 (nhoz Chi cục yuôx jôngr Đắc Lắc), tsưr jôngr thiêz hâu nov ntơưv qơư, hu zâuv sơưr đơưk muôx nhos 40 ntâu lênhx sik đros tuô hluôr tơưk. Hur tiz si uô lơưr tsưr ziv 4 ntơưv qơư chiê phax cuz tuô cuz, sir jos sik đros tuô zênhx max, tsi chiê hluôr tơưk txeik cuz đêz đar trâu cxiê qơư”.

Lơưr zơưv Nguyễn Quốc Hưng-Chi cục Tsar Chi cục yuôx jôngr tỉnh Đắc Lắc, nhiv no, xar muôx iz đraz têx har jôngr hâur tỉnh, bâuv nhos 237 cxênhz ha tsênhv zôngx ziv trâul hluôr tơưk txeik cuz. Chênhr viv li, lưv lươngv yuôx jôngr, chor tsưr jôngr lok sik Ủy ban cxuô xã tsênhv sir jos uô luôs hâux lưv phax cuz tuô cuz jôngr. Zơưv Nguyễn Quốc Hưng heik:“Txix ciês hâur shôngk shông txos nhiv no, pêz tưz bax cxiv uô têx faz tsưr ziv, đhâu co fuô kriê txos trâu têx Hạt yuôx jôngr huyện, chiê hux jos đros cxuô thax tsav qơư phax cuz tuô cuz jôngr. Lar heik zos hâur cheix ntux kruôr, Chi cục yuôx jôngr tỉnh cux tưz yênhx lix đoanx qênhz yuôx lênhx ngênhx bax qênhz shuôs, heik chor tsưr jôngr nhoz cxuô huyện li: Ea Súp, Ea Kar, Cư Mgar, Buôn Đôn, Krông Bông…..tsuv uô jông luôs hâux lưv phax cuz tuô cuz jôngr. Pêz cux qênhz yuôx shuôs chor tsưr jôngr hâux lưv bax têx chuôz zênhx, lênhx nênhs uz no chiê phax tir thêir cuz tox cuz jôngr”./.

                                                                Tuấn Long-Riê Lâux cxeik, nhênhv