Sơn La taz por phax tar ntux no trâu paz tsiêx cxu

Lơưr tix lâus Hoàng Văn Sơn oz niêv txir li chuôz zis nhoz jok Hộc, xã Tà Hộc, huyện Mai Sơn, tỉnh Sơn La mak chênhz zênhv tu zus thâuv txos chêix ntux no njiv zos chêix muôx tsơưs jâuz trâu tsiêx cxu nox. Viv li, thâuv zuôr txos chêix ntux no njiv, tix lâus chuôz zis tưz sir jos kho thêir têx tsêr guôx, bax cxix cxuô zav jâuz tâux tsês chiê trâu chor nhux tưv nox; zơưv Sơn chor nhux tưv co xar muôx 20 tuk.

“Nhiv no, chuôz zis tưz bax txâuk lơưv, chêix ntux no njiv tsuv muôz tax thêir tsêr guôx uô cov sor trâu tsiêx cxu”.

Xã Tà Hộc muôx tas nro chor nhux tưv, yil, buô zuôr xar 5.300 tuk, phênhv ntâu zos cxuô ziv chuôz zis huôv tsar tu zus. Chiê taz por txâuk cxuô zav jâuz tâux trâu tsiêx cxu nox thiêz phax tar yêiz jâuz tâux hâur têx hnuz muôx  ntux no njiv trâu tsiêx cxu nhoz tiv phaz, xã tưz yax kriê, hêik chor ziv chuôz zis bax cxuô zav jâuz tâux tsês chiê cov txâuk trâu tsiêx cxu nox thôngx cxix tsik tso yar tsiêx cxu hâur têx hnuz ntux no njiv. Tix lâus Vì Bạch Đàn, cán bộ thú y xã Tà Hộc puz pâuz:

“Chor thú y viên têx jêx jok tưz muk tsuôs yuôx vêv xênhz têx tsêr guôx thiêz phax tar moz tơưv ndâux hlê trâu. Chêix ntux no mak cux tưz kriê pox nhuôs thêir vor têx tsêr guôx chiê uô sor trâu tsiêx cxu”.

Txos chêix ntux no njiv no, thâuv muôx zuôr xar 40 tuk nhux tưv ntơưv jok Luần, xã Tà Hộc trâus moz tơưv ndâux hlê trâu, Trạm tu zus thú y huyện Mai Sơn tưz kriz uô ciês chor tsưr ziv cxax yuôx phax tar caz moz ơưk, thôngx cxix kruôz kriê pox nhuôs tsuôs yuôx tuô lov caz moz ơưk, uô vêv xênhz têx tsêr guôx chiê tir tar caz moz siz cik. Zơưv Nguyễn Văn Cường, Trạm trưởng trạm tu zus thiêz thú y huyện Mai Sơn, tỉnh Sơn La puz pâuz:

“Pêz sik côngv đros khuyến nông muk trâu chor chuôz zis tu zus tsơưs chiê kruôz kriê lơưr tsês chiê zav nox thiêz phax tar yêiz plaz, ntux no trâu tsiêx cxu”.

Hâur oz pêz hnuz no, ntơưv ntâu tiv phaz nhoz tỉnh Sơn La muôx ntux nas đros chuô thiêz no njiv sâuv thax tsav, Sở kôngz nuv-huôv tsar tox siêz tỉnh tưz chox kriê cán bộ cxiz kôngz, thú y cxuô cấp sêiz shuôk jông chiê kriê trâu pêx xênhv phax tar no njiv trâu tsiêx cxu, tsik chiê ntux no njiv uô ruôr hiêv txos sđ têx tsiêx cxu. Txos nhiv no 90% chor tsiêx cxu tas nro tỉnh Sơn La tưz tâu cxax yuôx phax tar caz moz ơưk jiês tiv 2./.

                                        (Thanh Thủy-Lik Thox cxêik nhênhv)

ỦY BAN THƯỜNG VỤ SIK SEIZ LAX DƯV ANR CHÊI SÊIZ CAR, SIR ZÔNGV VƯV QIV, CHUÔZ ZÊNHX CUZ TƠƯK THIÊZ CHUÔZ ZÊNHX PAZ TXƯV

          Sik seiz lax lok dưv anr chei coar lik, sir zôngv vưv qiv, chuôz zis cuz tơưk thiêz chuôz zênhx paz txưv, ntâu ziv chênhv thix ziv vưv qiv, chuôz zênhx cuz tơưk, chuôz zênhx paz txưv zos têx tul tsi, tsi zos sâuv bêx têx zav vưv qiv xưz, thôngx cxix tso tơưv bê tsênhz mênhx lơưr Chei no, lok sik choz trâu Chinhr phuv cui tênhv. Chủ tịch Hội đồng mênhx cxưx Hà Ngọc Chiến xar tiêk, tsuv seiz shuôk, cxaz nzir, heik tơưv li chas zos tuô fov chie têx lưx lươngv thâuv uô jênhv vưv zuôr zôngv tâu chiê uô tiêr jênhv vưv:

          “ Xar chiê lưx lươngv uô jênhv vưv, tsuôk cui tênhv tuô fov, yuôr hôngz poz cuz tơưs, tsi zos fov lok sik tsi tơưk. Cui tênhv tsuôk tuô fov cur pov tsi tâu huv đros, tsuv heik tơưv tsênhz mênhx lok hâux lưv tuô fov chiê thâuv têx lưx lươngv tâu bax vưv qiv zôngv fov lok sik tsi zôngv fov thâuv tir thêir têx nênhs fêv”.

          Têx ziv chênhv cux thix ziv cui tênhv tuô fov tsuv taz por thôngx ziv đros chêi têz qơưs li cui tênhv lok chiv chir por vêv zuk huv đros, hâur qênhx shênhx zuôr trâus, jav qênhx shênhx liv zôngv lok sik tuô fov hla đhâu cui tênhv. Tsuôk tuô fov thâuv tsi muôx tsưr ziv tưs tir tar uô cxâuv chei thiêz tsuv txu grês têx trâus ruôr hiêv tiv tuô fov. Chủ nhiệm Ủy ban cêr chei Nguyễn Khắc Định thix ziv:

          “ Hâur qênhx shênhx tâu tuô fov muôx lênhx coaz txos lênhx nênhs txox siê tsuv cui tênhv cov tsênhz mênhx, tsuv zos nênhs phamv cxâuv riêz nênhs, nênhs phamv cxâuv tsênhv khiêr mak tâu muôz fov tuô. Muôz fov tuô, tsi zos lav tuô hêv lênhx nênhs mak tsuv tuô cov trâus lênhx nênhs fêv ntơư”.

          Têx ziv chênhv cux sik thav huv đros xav tênhv 2 luôs hâux lưv uô jênhv nhênhz chơưv, tsiv uô, muôv muôs, kho đuô vưv qiv zos têx tsưr tsix, doanh nghiệp nhoz Bộ côx phax, Bộ công an zos Bộ trươngv Bộ côx phax, Bộ trươngv Bộ công an choz jênhv vưv.

          Cux zos hnuz co, tso ziv chênhv lok dưv anr Chei canhv vệ, têx lênhx nhoz Ủy ban thường vụ côx hôiv thix ziv tsuv cui tênhv tsênhz mênhx đuô lok lưx lươngv cảnh vệ li txơưx jênhv. Cui tênhv tsênhz lok tsênhv chei đros lưx lươngv canhv vệ; txơưx jênhv, sik côngv uô jênhv vưv hâur canhv vệ lưx lượng công an thiêz canhv vệ lưx lươngv quân đội./.

                            (TTT- Txâur Vax cxeik thav)