Bắc Kạn: huiz tôngv ntâu pênhr jos bax Tsiêz trâu nênhs pluôs

Hâur têx hnuz no, canr bôv, hôiv viên, txưv zênhv viên Hội chữ thập đỏ tỉnh Bắc Kạn cux tsênhv sir jos bax têx huv Tsiêz chiê mul seiz nus, khơưk muôz huv trâu têx chuôz zis pluôs. Tsi taz cấp ủy, chinhr quyênx têx cấp, mak yênhx puôk doanh nghiệp, têx tsưr tsix, lênhx nênhs siêz jông cux tsênhv sir jos gôngr côngv, paz max pox nhuôs pluôs tos Tsiêz. Têx huôx tôngv muôx ziz njiêz no tâu tsôngv box thiêz chinhr quyênx têx xã tox siêz tsênhv txov nhêv lok six jông siêz. Zơưv Lường Văn Quận, Bí thư đảng ủy xã Cổ Linh, huyện Pắc Nặm, tỉnh Bắc Kạn heik:

          “ Côngz xưv tsoz phưz nênhs pluôs, mê nhuôs shux xênhz hâur six hơưv zuôr xar txos Tsiêz mak chinhr quyênx cấp ủy tưz chêx chôngk hu grus têx lênhx nênhs jông siêz, têx cấp nganhx tror paz txưv trâu têx chuôz zis nhoz xã tox siêz tsi muôx nox tsi muôx hnar, viv li lok six zuôr trâus têx têx tsưr tsix lênhx nênhs paz txưv”.

          Chiê krêz uô têx huôx tôngv bax Tsiêz trâu nênhs pluôs, nênhs trâus tsơưr tưx da cam, nênhs muôx luz nênhx txov nhêv. Ciês cxôngx têx luz hlik kaz shôngk shông 2016, têx cán bộ Hội chữ thập đỏ tỉnh tưz tsưr tsix hêik cxuô doanh nghiệp, câu lạc bộ jông siêz ntơuv iz cxiê đrôngs lox hâur tas nro têz qơưk sik đros côngv paz nênhs pluôs Bắc Kạn. Zơưv Nguyễn Văn Cường, chủ tịch Hội chữ thập đỏ tỉnh Bắc Kạn thôngz xor mông txos six hơưv no, Hội tưz krêz uô ntâu tsaz yênhx khơưk muôz 2000 phênhv huv tsiêz trâu pox nhuôs tox siêz, nênhs pluôs hâur tỉnh.

          “ Lênhx nênhs txov nhêv hâur tỉnh tsênhv yuôr ntâu. Pêz zuôr sir jos uô li chas chiê uô tiêr hâux lưv TW choz, thôngx cxix cux zuôr tsưr tsix ntâu huôx tôngv chiê vênhv tôngv têx pênhr jos chiê sir jos muôx cxôngx 5000 txos 7000 phênhv huv paz max pox nhuôs cxôngx nhiv no txos thâuv nox tsiêz”.

          Nhiv no, tas nro tỉnh Bắc Kạn muôx zuôr xar 32.000 cxênhz ziv chuôz zis pluôs. Hâur co ntâu chuôz zis muôx luz nênhx lok six txov nhêv, nênhs lâuk tsi muôx qơư khov vav, mê nhuôs njuôs... Ủy ban MTTQ tỉnh Bắc Kạn tsênhv zuôr tror hêik ntâu phênhv sik đros côngv paz têx lênhx nênhs hêik co. Zơưv Ma Nhật Hoài, Phưv chủ tịch MTTQ tỉnh Bắc Kạn, xar njôngr hâur six hơưv zuôr txos zuôr tror jênhv tâu têx chiz coaz, tsưr tsix, lênhx nênhs li paz txưv nênhs pluôs cxôngx ntâu tsưr ziv, thiêz tsuv thôngz đhâu MTTQ chiê têx phênhv huv co tâu muôz trơưk lênhx nênhs.

          “ Hâur têx shôngk đhâu, têx lênhx nênhs jông siêz thiêz têx tiv phaz sik côngv paz max zos lok six coaz tsôngv. Tso pov tsênhz mênhx mênhx cxưx li cêr chax chês jông. Niêx shông thâuv txos Tsiêz tưz khơưk muôz yênhx cxênhz phênhv huv trâu têx ziv chuôz zis txov nhêv, chuôz zis tâu sơưv cêr chei... Six hơưv tsiêz shông 2017, UBMTTQ têx cấp thiêz têx tsưr tsix thành viên tưz sir jos paz 216 ziv chuôz zis tos tsiêz hâur têx luz tsêr yiêz truôx jông đuô”.

          Hâur têx hnuz zuôr txos tsiêz têz qơưs shông 2017 no, cxuô jêx jos nhoz tox siêz hâur thax tsav tỉnh Bắc Kạn, tsôngv box pluôs chuôs li pov muôx cêr shir phaz đuô thâuv jênhv tâu têx cấp, têx nganhx thiêz têx lênhx nênhs jông siêz li têx phênhv paz txưv. Cxôngx hâux lưv bax tsiêz trâu nênhs pluôs thiêz têx chuôz zis tâu sơưv têz qơưs têx tsênhv chei, tsôngv box Bắc Kạn, tsênhv taz tov tok nox iz luz tsiêz cov lov jêv, shir phaz lul./.

( TTT- Txâur Vax cxeik nhênhv)

          Muôz blôngx pênhz laz kho moz đhiê tâuz hâu tiv ntux txơưr txar

Blôngx pênhz laz jông kho moz.

Trơưk li têx lênhx cưk  yuôx njuôz, blôngx pênhz laz muôx iz tsok mê njik njiv, tsư ha, jông kho têx moz gênhs, plênhr kror cxaz…..

Hâur 100g blôngx pênhz laz muôx zuôr xar 2% ntâu têx trox jông uô yuôx kho ntâu zav moz gênhs, tir thêir têx caz uô huôv xênhz…

Iz cxiê zav yuôx txix blôngx pênhz laz jông kho moz:

Kho moz đhiê tâuz hâu tiv ntux txơưr txar: Đê 5 đeiv blôngx pênhz laz, muôz đêx nzuôr hur, tuôr cov lưx lưx, muôz juôx trâu 2 chas njok lok sik sâuv tiêx tâuz hâur, moz zuôr jông jux juk.

Plênhr kror cxaz: Thâuv trâus moz, uô têx grêix to, muôz têx cuô pênhz laz tso lok nzuôr luz kror cxaz ntơư, đhâu co zôngv têx blôngx pênhz laz hur krưr trâu lok sik muôx têx muôz chor blôngx pênhz laz râuz, zuôr chor cuô lok nzuôr luz kror cxaz hâur niêx hnuz mak kror cxaz zuôr kruôr thiêz grơưv sei đuô đhâu 2 hnuz tov kaz.

Kho moz ka: Thâuv moz chax đaz, đê 5 đeiv blôngx pênhz laz, nzuôr cov hur, muôz tuôr cov lưx lưx, tso zuôr chor cuô, tso mê njik jiz mur shơư trâu, muôz buôr hâur kror ndâux, max mav grok chor cuô pênhz laz thiêz jiz mur ntơư đhâu chax đaz cux lok six jông.

Kho moz mik tiv têx cuô mik cxơưs: Đhâu thâuv xênhz zus mê nhuôv tas, lênhx pox niêv ntơư mik trâus cxơưs tiv mê nhuôv nox uô cxơưs lok sik viv li chas mak đê têx blôngx pênhz laz lok suz cov sor buôz trâu luz tâuz mik cux lok six jông.

Kho moz đhiê tâuz hâu, moz khâuz thuôs: Muôz 5 đeiv blôngx pênhz laz trâuk trâu hâur têx chơưr, đhâu ntơư muôz lok car tuk tiz nênhs moz ntơư têx chas njok, kuôr baz….lok cux uô trâu tuk nênhs moz co iz chêr nxênh, thor jông nhoz, tâuz hâu tsi hnhar…..

Kho moz đêx tov co tơư: Muôz 8g blôngx pênhz laz, 50g blôngx kok tsor, tsuôr cov mok, muôz đêx nquôr cov nhaz trâu, râuz bâu bâu, tsês chiê txiêk, đhâu ntơư muôz co tơư tsâu trâu hâur chor đêx co cux jông thiêz./.

(Báo SK& ĐS-Riê Lâux cxeik, nhênhv)