Chiềng Cơi, Sơn La: Shir phaz hnuz niêv côngv siêz tas nro pêx xênhv

No zos jiês chiê sơưr đơưk sik njiz, sik thav txos cêr sik côngv siêz cxuô mênhx cxưx. Hâur jiês tuôr têk đhiê pax vuôs, suôz gâux hu hêik tơưv tâu Hnuz hôiv lov jêv shir phaz đros thiêz 12 mênhx cxưx uô nênhx nhoz sâuv phường Chiềng Cơi. Niêv tix Tòng Thị Sinh nhoz tổ 1, phường Chiềng Cơi, thành phố Sơn La shir phaz hêik: “Thâuv tưs txos hnuz hôiv Niêv côngv siêz tas nro pêx xênhv pêz lok six shir phaz, tâu sêiz uô cêr lov jêv, đhiê pax vuôs thiêz têx zav uô si cxôngx nzor li lêik poz. Pêz lok six shir phaz, zuôr sik đros huôv tsar kinh têr-vênhx huôv, xar hôiv cov ziv hnuz ziv muôx đuô”.

Tok hơưv hnuz Niêv côngv siêz shông no, cxuô lênhx nênhs nhoz Chiềng Cơi tưz nthuôr uô cêr lov jêv jông đros tsênhv njiêz “Luz pax niêv côngv siêz”, đhâu co tưz paz muôx tâu cêr lov jêv, shir phaz, huôv tsar  truôx đuô sik côngv siêz nhoz cxuô mênhx cxưx. Pos Lèo Thị Phượng, nhoz jok Buổn, phường Chiềng Cơi, thành phố Sơn La hêik: “Cur lok six jông siêz tâu tuôx dự hnuz hôiv niêv côngv siêz cxuô mênhx cxưx Việt Nam. Cur vav tiêk Đảng, têz qơưk zuôr tsov cưv txos hnuz hôiv niêv côngv siêz cxuô mênhx cxưx no đuô thiêz vav tiêk cxuô lênhx nênhs zuôr tâu côngv cêr lov jêv shir phaz hâur hnuz hôiv no”.

Đros sir jos sik côngv siêz, têx shông đhâu, phường Chiềng Cơi tưz sik côngv đros chor tsưr tsix thành viên hêik pêx xênhv sơưr đơưk sik paz chiê huôv tsar kinh têr, hêik chor chuôz zis bluô nux paz trâu chor chuôz zis pluôs lok tsưr ziv huôv tsar cêr uô nox, pênhr nhiêx, zuz nôngz tsoz chos, tsiêx zus, ciês hâur shông no phường tưz txo grêk tsơưs tâu 4 chuôz zis pluôs pir li shông 2018; chor chuôz zis tax tâu côngz bê “chuôz zis vênhx huôv” muôx 88%. Đros co uô truôx jông côngz xưv tuôr truôx tênhv qơư, por vêv têx côngz trinhx công cộng, hêik pêx xênhv sik côngv tâu xar muôx 1,5 tiv đêiv cxiv uô cêr muk lok hâur têx jêx jok thiêz 1 luz tsêr vênhx huôv.

Tuôx côngv cêr lov jêv shir phaz hnuz hôiv niêv côngv siêz đros pox nhuôs cxuô mênhx cxưx phường Chiềng Cơi, pos Tòng Thị Phóng, Phưv chủ tịch thường trực Côx hôiv hêik tơưv shir phaz đros pox nhuôs têx hlôngr yiêz thiêz huôv tsar, hêik pox nhuôs sơưr đơưk hâur ntu zuôr txos tsuv phuôx huiz đuô thiêz cêr sik côngv siêz, côngv têk cxiv tsa jêx jok cov ziv hnuz ziv jông thiêz vav mênhx đuô. “Ntu zuôr txos mak sơưr đơưk tsuv tsưr tsix uô xênhz yar đros thiêz cêv kuôk cxiv tsa thax tsav hur, jông, huôv tsar cxuô nro. Tsov cưv đuô txos chor chuôz zis tâu sơưv cêr chêi, chor nênhs muôx côngz thiêz uô jông têx tsênhv chêi ngaz tuk xar hôiv. Por vêv truôx jông ngaz tuk sâuv thax tsav, zuôr sir jos đuô txos hâux lưv zoz zux têx tuz nhuôs, uô truôx hur jông lok têx mê nhuôs li qơư uô nênhx nhoz”.

Muôx tâu chêx cur li hnuz no, zos muôx 12 mênhx cxưx cưr tix đros Đảng bộ, chính quyền phường Chiềng Cơi, thành phố Sơn La tsik so sir jos sik côngv siêz, côngv têk chiê cxiv tsa jêx jok cov ziv hnuz ziv njuôz-hur-jông thiêz vav mênhx./.

                                   (Trấn Long-Lik Thox cxêik nhênhv)