Tsôngv box Thái Tây Bắc li phongx cxưx hu plis trâu tưv

Tsôngv box Thái xar tiêk cxuô zav puôr lênhx muôx plis hur si, tiv zix zos tuk tưv, iz zav tsiêx cxu đros đrêiv pêx xênhv luz nênhx, zos tuk tsiêx paz phưx vưv hâur uô xênhz yar kôngz nuv. Thâuv liêx têz tâu lêix tas, chiê uô tưv tsâus tưz paz đas jos lêix têz, tsưr tuk tưv zuôr xêir hnuz nhôngs jông chiê hu plis trâu tưv. Uô ntêx thâuv zuôr hu plis trâu tưv mak tsưr tsêr hu txir nênhz tuôx uô nênhz sêiz tưv, thor cov chor tưv muôx jos, sha tâu mê nhuôs ntâu. Tsưr tsêr bax iz tuk kêiz hâu, iz poz mor, iz poz njêr, iz hưx chơưr, iz tês shaz, iz poz jâuz trâu tưv nox…đhâu thâuv bax tiêr cxuô zav, tsưr tsêr muôz tas nro cxuô zav trâu uô iz tsuv tso hâur kaz tsar lơưx ntơưv qơư khi paz tưv. Txir nênhs jâuv hlơưr shaz thor trâu yênhx tuk tưv viv iz tuk tưv tsưr tsêr cux tik iz luz bê chiê cov pâuz hu thiêz ndo tâu. Hâur txir nênhz luk thor mak hêik txos uô tưv tsâus; hâux lưv khưr uô liêx têz têx thâuv zuôv tưv uô têx hâux lưv hnhar, zôngv pak ntâuk, taz sik thor tưv tuk plis cxoz xar li chak, tror lok trâu têx qơư muôx jâuz njuôz mok hâur jok chiê nox jâuz, thor têx tsiêx li hma, tsor tsik lok tov tưv nox, thor trâu paz tưv muôx jos, tsik muôx moz. Thor tas, txir nênhz muôz poz mor, njêr, grêix kêiz phêiz uô yênhx poz zâu trâu tas nro paz tưv nox. Lênhx txir nênhz Lò Văn Thái nhoz jo Mái, xar Mường Sại, huyện Quỳnh Nhai, tỉnh Sơn Lai hêik luk thor:

“Ơ tưv ơ, zos chuôz zis tuk tưv đuz, txos chêix kôngz lôngk tsưr tsêr muôz tưv lok paz đas jos lêix têz, nhiv no tưz lêix têz tas, zuôr tso tưv muk nox jâuz, thor tsik chiê hiêz gas hâur kror njưr, pov têx kror sâuk, toz mak cxoz muk, hmo ntux, muôx xoz đrông mak khiêr lok tsêr, tsik chiê trâus tsor tov nox…”

Nhoz tsôngv box Thái Tây Bắc li iz cxiê qơư, tưz tsik zos hu plis trâu tưv, pox nhuôs tsênhv hu plis trâu tas nro liêx, têz, thor trâu blêx hloz lox jông, sâu tâu nju. Pos Điêu Thị Xiêng, nhoz jok Bản Đêu, thị xar Nghĩa Lộ, tỉnh Yên Bái puz pâuz:

“Hu plis trâu tưv mak hu thâuv lêix liêx têz tas, muôx nhos 14 hli 7 lơưr hêir nênhs Thái li hnuz nhôngs. Tưz tsik zos hu plis trâu tưv xưz mak tsênhv bax cxuô zav hu plis trâu liêx…”

Thâuv ntêx no mak iz luz jok muôx iz vuôk har lok sik iz thax tsav jâuz lox đar chiê tas nro jok tso tưv nox jâuz. Phongx cxưx hu plis trâu tưv cux tâu tsưr tsix trâu tas nro chor tưv hâur jok, thâuv hu plis tas mak pox nhuôs thiêx tso tưv muk nox jâuz hâur jôngr. Pox nhuôs muôz xor cov jông tsik chiê tưv tơưv lok, têx thâuv thiêx muk sêiz shuôk tưv. Iz tuk tưv mak zuôr tâu tsưr ntâuk chiv lơưr zuk xar chiê tsik zuôv đros têx tuk tưv txơưr đuô. Zơưv Quàng Văn Chung nhoz jok Nà Tạy, xar pi Toong, huyện Mường La, tỉnh Sơn La puz pâuz nzir:

“Lơưr chor lâul thâuv ntêx hêik, tsik hu plis trâu tưv mak nyêi tsav tưv têx plis khiêr muk uz muk no lơưv viv sơưr đơưk zuôv lêix têz. Luôs tsik so tik bê trâu yênhx tuk tưv, txir nênhs zuôr thor trâu yênhx tuk tưv hâur jax, hu txos tuk tưv tưs bê mak muôz poz jâuz mor hu plis trâu tuk tưv co nox. Hu plis trâu tưv mak zos chiê tưv tsik njiz trâus têx phiv liv thâuv nox jâuz hâur jôngr, tsik trâus têx tsiêx kuk tov nox grêix…”

Nhiv no, tsôngv box Thái Tây Bắc li ntâu thax tsav uô xênhz yar kôngz nuv tưz tâu hlôngr yiêz txix xuôk têx mêir uô. Tưv tsik tiêk zos chiê zôngv đas jos xưz, mak tsênhv paz muôx tsiv gri hax huv hâur huôv tsar kinh tế trâu ntâu ziv chuôz zis. Nhoz tsôngv box Thái Tây Bắc li iz cxiê qơư, phongx cxưx hu plis trâu tưv cux tsênhv tâu pox nhuôs tuôr tsês chiê hêik tơưv uô tsâus, tsov cưv txos zav tsiêx lok six muôx liv trâu lênhx nênhs luz nênhx no./.

(Lường Hạnh-Lik Thox cxêik nhênhv)

Xã Đảo Quan Lạn uô du lix côngv thôngx

Quan Lạn txơưr tsik thôngx li Hạ Long; tsôngv kruô muk lok  tsuôk zos chêix yêz  3 luz los. Đros ntơư, muôx têx jiês tsôngv kruô ntiêr tsêr pư thiêz sêiz shuôk tsôngv px nhoz thax tsav ntus đêx hiêr Quan Lạn huôv tsar cêr uô nênhx sâuv poz hiêr. Đros sêiz shuôk tsôngv px nhoz thax tsav poz hiêr huôv tsar du lix, tsôngv kruô cux pâuz tâu thax tsav qơư cox jông jav thiêz tâu đros tsôngv px sđ nur njêk cxuô zav. Vũ Thùy Linh, iz lênhx kruô nhoz Hà Nội tuôx sêiz shuôk đêx hiêr hêik pâuz:

“Zos thơưx jiês cux tuôx sêiz shuôk por hiêr Quan Lạn thiêz pov tâu thax tsav no jông jav hênhr, zuk tâu nur njêk cxuô zav thiêz cur cux xar huôv tsar uô thax tsav qơư du lix jông iz zav li ntơư thiêz tsuv kriz đar thax tsav qơư du li cov muôx chôngz lênhx kruô tuôx sêiz shuôk”

Luôs hâux lưv uô du lix côngv thôngx, chênhr zos uô cov muôx chôngz lênhx kruô oz chas têz qơứs tuôx sêiz shuôk, uô huv đros tsôngv kruô sđ siêz nhiêv. Đros ntơư tsôngv hluôk sđ tsuv tâu cơưv shâuv huôv tsar du lix cov ziv hnuz ziv jông thiêz huv đros tsôngv kruô sđ siêz nhiêv”.

Đros trâu huôv tsar du lix thiêz huôv tsar truôx têx cêr nênhx vênhx huôv jông nhoz thax tsav qơư co; chênhr zos uô trâu thax tsav qơư du lix ntơư ziv hnuz ziv jông jav, muôx chôngz lênhx kruô tuôx sêiz shuôk. Zơưv Phạm Đình Huy, nhoz xã Đảo Quan hêik pâuz:

“Muôx chôngz lênhx kruô tuôx trâu ntơưv no, tsôngv kruô cux đros sêiz shuôk tsôngv px sđ cxuô luôs hâux lưv huôv tsar du lix, huôv tsar cxuô cêr nênhx vênhx huôv jông. Lar hêik zos yax kriê tsôngv kruô ndis shuôk têz qơứs cxuô tsưr ziv nur njêk hâur đêx hiêr”.

Chiê tsôngv kruô tuôx ndis ntux sêiz shuôk têz qơưs pâuz tsênhz đuô lok tsôngv px nhoz thax tsav qơư no têx cêr uô nênhx, yax kriê tsôngv kruô du lix sêiz shuôk têz qơưs; tsênhz mênhx đuô zos tsuv uô cov huv đros tsôngv kruô siêz nhiêv. Tix lâus Phạm Hải Quỳnh, thơưx sêiz car công ty du lix  Vân Hải hêik pâuz:

“Tsênhz mênhx, Quan Lạn zos iz thax tsav qơư tsiv grê lok du lix, iz chas muôx cxuô thax tsav qơư jông jav ntơư; tsôngv px nhoz thax tsav qơư co cux tsênhv huôv tsar truôx têx txux chi, cêr nênhx vênhx huôv jông tsik chiê pôngz plox”.

Xuz thơưx, tsôngv px xã Đảo Quan Lạn tưz huôv tsar tâu truôx thax tsav qơư du lix côngv thôngx jông jav. Taz sik iz thax tsav qơư nhiêv muôx nhiêv txux chi, cêr nênhx vênhx huôv jông txơưr tsik siz thôngx tsênhv huôv tsar tâu truôx đros đrêiv qơư du lix côngv thôngx tsik chiê pôngz plox./.

(Tsu cxêik nhênhv-VOVĐB)