Tsiêz no muôx tênhv tênhz tơưl pov cêr thax tsav vuôk har tox siêz Quảng Ngãi

Jok Trui, xã Ba Tiêu, huyện Ba Tơ, tỉnh Quảng Ngãi nhoz ntơưv ntu cêr ndê tox Vi-ô-lắc, puôz huyện Kon Plông, tỉnh Kon Tum. No zos huyện Ba Tơ li iz hâur chor qơư vuôk har tênhv tênhz tsik tâu truôx thiêz cxuô. Nhiv kruôr no tỉnh Quảng Ngãi tưz muôz pênhr nhiêx cxiv uô 2 kror qơư tik tênhv tênhz lok trâu cxuô ziv chuôz zis chiê pox nhuôs sir zôngv uô ntêx tsiêz kêiz shông 2017. No zos kror pox nhuôs vav tok njôngr tâu ntêr lok. Tix lâus Phạm Văn Chíp, nhoz jok Trui, xã Ba Tiêu, huyện Ba Tơ puz pâuz, hâur ntu đrav ntêx, chiê muôx tênhv tênhz tơưk pov cêr, pox nhuôs tưz muôz nhiêx xor tênhv chiê tik tênhv tênhz đêz muôx 3 cêik cêr ntâu hla đhâu tuk đêx lok trâu hâur jok. Xor tênhv tênhz, tâu siz txuôk ntâu kror lok six phiv liv, tiv zix zos hâur chêix ntux nas chuô, tênhv tênhz pov cêr tsik jông. Nhiv no muôx tênhv tênhz tâu têz qơưk tik ti gâuk tsêr, lênhx tưs cux shir phaz.

“Thâuv ntêx tik tênhv  tênhz  lok đêz hênhr, nhiv no muôx tênhv tênhz  tik txos jêx jos, px sđ shir phaz hênhr, tsik phiv liv li thâuv ntêx lơưv”.

Hâur têx hnuz kaz shông, ntâu ziv chuôz zis nhoz xã Ba Tiêu cux zuôr nzir ntâu chuôz zênhx sir zôngv tik tênhv tênhz hâur chuôz zis. Lâul jok Phạm Tấn Sơn nhoz jos trui shir phaz  thâuv pov zuk jok muôx hlôngr yiêz.

“Thâuv ntêx tsik tâu muôx tênhv, nhiv no têz qơưk yưv pênhr chaz tênhv lok trâu jok. Muôx tênhv pox nhuôs shir phaz tok ntux yiêz lơưv”.

Zơưv Nguyễn Ngọc Bích, giám đốc tênhv tênhz Ba tơ puz pâuz, chor shông đhâu, tỉnh Quảng Ngãi thiêz Tổng công ty tênhv jos faz Trung tưz yưv pênhr uô ntâu côngz trinhx tik tênhv tênhz muk trâu tsôngv box nhoz đêz chor huyện tox siêz. Taz sik, nhiv no 24 jêx jok nhoz huyện Ba Tơ cux tsênhv tsik tâu muôx tênhv tênhz sir zôngv. Zơưv Bích puz pâuz nzir, Công ty tênhv tênhz Quảng Ngãi nhiv kruôr yưv pênhr 107 tiv đêiv ntâu chiê chaz tênhv trâu chor vuôk har nhoz tox siêz:

“Ntu zuôr txos thâuv dựans no uô tiêr pêz zuôr txiêr chor tênhv mak pox nhuôs sir zôngv chaz đêz lok thâuv ntêx no lok trâu chor qơư chêi tênhv jê chiê gra siêz tsơưr lươngv tênhv, phưx vưv uô xênhz yar thiêz sir zôngv trâu pox nhuôs”.

Nhiv no, ntâu qơư nhoz 6 huyện tox siêz tỉnh Quảng Ngãi cux tsênhv tsik tâu muôx tênhv tênhz têz qơưk. Zơưv Nguyễn Văn Vương, phưv ban mênhx cxưx tỉnh Quảng Ngãi puz pâuz:

“Chor thax tsav no mak nhiêx txiêx chiê tik tênhv tênhz tas ntâu thiêz tsik zôngx ziv uô tâu. Viv li dưn án Sở công thương sêiz shuôk cux paz lok six ntâu hâur shông đhâu. Taz sik, cux tsênhv yuôr ntâu jêx jok, ntâu qơư tsik tâu muôx tênhv tênhz. Vav tiêk đros têz qơưk têx paz mak zuôr tik tâu tênhv tênhz  txos trâu cxuô qơư tsik muôx tênhv tênhz têz qơưk no”./.

                       (TTMT-Lik Thox cxêik nhênhv)

ZƠƯV LÒ VĂN UÔNG UÔ BLUÔ NUX CXÔNGX KRÊZ PHAZ AR TÊZ

          Shông no zơưv  Lường Văn Uông muôx 58 shông hnuz nhôngs,  nhoz jos Cụ, xã Chiềng Ly, huyện Thuận Châu, tỉnh Sơn La tsênhv truôx  siêz bo uô luôs hâux lưv kriz ar têz tsêz chos kôngz lôngk li ntu tsênhv hluôk.

          Kuôk nor yênhx châuv shông, zơưv Uông tưz đros chuôz zis huôv tsar kinh têr lơưr saz tsêz chos, tu zus, khơưz pas đêx zus njês. Đros muôx xar 3 hecta ar tox trôngz krêz phaz, zơưv Uông tưz chêx chôngk chos cà phê, ntông nox txir, chos poz cưk , kok tsư ha, njuôs shôngz, khơưz pas đêx zus njês thiêz tu zus keiz, ok.

          Têx shông qir thơưx uô, tiv tsi tâu muôx chênhz zênhv lok tsêz chos, tu zus viv li tsoz chos trâus caz hmoz tho nox, tsi huôv tsar, chêx cuk sâu tâu kis. Zơưv Uông tror nriêz pâuz, cơưv shâuv chênhz zênhv đhâu ntâuz ntơưr, cxaz chuôz têx lớp kriê cxaz lok cxuêz kôngz zos huyện, xã tsưr tsix. Muôx txâuk tsưr ziv lok tsêz chos, tu zus, zơưv tưz huôv tsar uô zos đrêiv khoa học kỹ thuật lol tsêz chos, tu zus, yar lengx tsoz chos, tsiêx tu zus jux jus uô tâu truôx. Iz shôngk zơưv chuôz zis sâu tâu muôx nhos 15 tênhr cà phê, 10 tênhr ntâu poz cưk, 7 tênhr ntâu txir khơưz, txir trâuv buô, txir plux lux lok zos txir mo mix.

          Cê tsêz chos, zơưv Uông chuôz zis cê cxơưz tiês huôv tsar tu zus tsiêx cxu, keiz ok thiêz khơưz pas cus njês, đros thiêz yênhx châuv tul tsiêx cxu thiêz 200 ntâu tus keiz ok. Phênhv sâu cxôngx tsêz chos thiêz tu zus, tsi xav nhiêx tưz yưv iz shôngk zơưv chuôz zis sâu tâu 200 tsov đeiv, muôx luz nênhx tsâu sox jux juk. Zơưv Lò Văn Uông puz pâuz:

          “ Cur zos bí thư chi bộ viv li thâuv khiêz phêv jêx jos, chi bộ cur khênhr yax mông vênhv tôngv pox nhuôs huôv tsar tsêz chos thiêz tu zus”.

          Tsi taz txơưx uô xênhz yar kôngz nuv, đros iz lênhx đangv viên li pưs txux, zơưv Uông yax six pâuz tâu tsôngv box li siêz xar njôngr, đros co yax mông vênhv tôngv tsôngv box cxiv tsa luz nênhx vênhx huôv jông, tuôr truôx txiv ngaz sâuv thax tsav. Cxôngx shông 2004, zơưv tâu chi bộ bo xeir uô Bí thư chi bộ jos Cụ. Zơưv Uông thâuv tưs cux zos lênhx nênhs uô ntêx nyuôk hâur huôv tsar kinh têr, cxiv tsa luz nênhx yiêz. Hâur luôs hâux lưv cxiv tsa nôngx cxênhz yiêz, zơưv Uông tưz vênhv tôngv tsôngv box gôngr nhiêx txiêx, hnuz côngz uô cêr zaoz thôngz nôngx cxênhz, hlôngr yiêz jêx jos. Zơưv Lò Văn Sánh nhoz jos Cụ, xã Chiềng Ly, huyện Thuận Châu, tỉnh Sơn La heik:

          “ Đồng chí Lò Văn Uông zos bí thư chi bộ thâuv tưs cux vênhv tôngv tsôngv box huôv tsar kinh têr chuôz zis, huôv tsar kinh têr tu zus. Đros thiêz chuôz zis đ/c Uông, thâuv tưs cux uô ntêx nyuôk uô kinh têr chuôz zis”.

          Đros trâu têx sir jos co, ntâu shông siz lơưs liês, zơưv Lò Văn Uông tâu côngz jênhv “nôngx mênhx txơưx uô nox uô hâuk” cấp huyện, “chuôz zis vênhx huôv”. Zơưv Uông thâuv tưs cux zos lênhx đangv viên uô ntêx nyuôk, lênhx nôngx mênhx jông chiê tsôngv box hâur jos, hâur xã cơưv shâuv uô lơưr./.

( Thanh Thủy- Txâur Vax cxeik nhênhv)