Jax sâu thưr 4 hnuz 19/10/2016:

Uô cov tiêr luôs hâux lưv cxiv tsa jêx jok yiêz

        Lơưr đoanx sêiz kaz Ủy ban thường vụ côx hôiv li hêik pâuz lok “têz qơưk têx luôs hâux lưv cxiv tsa jêx jok yiêz ntu 2010-2015”, nhiv no muôx 3637 xã yuôr nux gri txêik pênhr nhiêx cxiv tsa jêx jok yiêz, tsav muôx 40% ntâu chor xã jêx jok yiêz iz huôv têz qơưk.  Kror tsuv hêik, chor tiv phaz yuôr nux gri ntâu ho zos qơư muôx phongz yaox cxiv tsa jêx jok yiêz sơưr thơưx tas nro têz qơưk xưk li thax tsav tiêx đras niêv đêx Sông Hồng thiêz Bắc Trung Bộ. Nhiv no oz thax tsav no yuôr nux gri muôx 75% ntâu chor nux gri hâur iz huôv têz qơưk. Iz cxiê tiv phaz yuôr nux gri ntâu xưk li Bắc Ninh 1.631 tỷ đêiv, Thanh Hóa 1.547 tỷ, Thái Bình 1.232 tỷ…tiv zix tưz muôx tiv phaz thêv tsik tâu zos huyện Phước Long, tỉnh Bạc Liêu đros nux gri muôx 397 tỷ đêiv. Chor tiv phaz li têx nux gri tsêx tsung hâur chor dự án lok zoz thôngz, đêx liv, tsêr cơưv ntơưr…Nux gri no muôx zos txix chor tiv phaz xar uô cov tâu tsưr ziv cxiv tsa jêx jok yiêz txix cxuô tsưr ziv. Chủ nhiệm ủy ban côx phax-ngaz tuk Võ Trọng Việt hêik tiêk:

“Njiê cxuô mak zos siêz cuz, phongz yaox thiêz uô cov muôx. Ntâu qơư siêz lok six cuz viv chiê taz por uô tâu 19 luôs hâux lưv chiê tâu côngz jênhv zos xã jêx jok yiêz viv li uô cov muôx, cov tâu”.

Sêiz kaz hêik txos ntâu kror uô muôx yưv qênhx shênhx no, hâur co muôx ntâu tiv phaz uô tsik tâu truôx jông Chính phủ li cuiz tênhv hâur qênhz yuôx yưv pênhr thiêz xưv bluô chor yuôr nux grê. Đros co zos qênhx shênhx tso tơưv chor dự án, hêik doanh nghiệp muôz nhiêx uô uô ntêx thâuv xav jênhv tsik tâu tâu pênhr chiê thêv. Chủ tịch côx hôiv Nguyễn thị Kim Ngân hêik tiêk, xưk li chor tiv phaz nhiv kruôr tsov cưv txos cxiv tsa cxuô zav tsik tâu yưv pênhr ntâu trâu uô xênhz yar chie chuôz cxaz phênhv sâu. Zos li muôz nhiêx kror tưs chiê thêv nux gri?

         “Tsênhv yuôr nux gri chor tiv phaz xưv lik tsik tâu tâu, nhiv no tiv sir jos cxiv tsa jêx jok yiêz viv li tror yuôr nzir nux gri. Li chêk xưv li li chak. Zos hêik nhiêx txiêx têz qơưk tov kaz no muôx phênhv đaz tsik chiê yưv pênhr côngz zuôr txos chiê thêv nux gri mak tsik siz bâus, tsik huv đros xưk li têx xã txơưr đuô. Zos tiêk yưv pênhr trâu, txêik uô ntêx zuôr tâu paz thêv nux gri mak tsik huv đros. Hok chiv chir nriêr nhiêx thêv mak cur pov đoanx sêiz kaz tsik tâu muôx tsưr ziv no”.

         Chiê thêv nux gri, iz cxiê tiv phaz tưz xêir tsưr ziv uô zos muôs tiv phaz li chor ar chiê muôx nhiêx thêv nux gri, taz sik tsik pâuz txos thâuv tưs thiêx muôs tâu hâur qênhx shênhx li nhiv no. Zơưv Nguyễn Văn giàu, chủ nhiệm ủy ban đối ngoại côx hôiv hêik, zuôr txos no, tsuv tso tsês txêik nhiêx uô ntêx chiê uô mak tsik muôx phênhv nhiêx lok thêv. Thôngx cxix tsuv hlôngr đuô tsưr ziv cxiv tsa jêx jok yiêz, tsik tsuv choz tsưr ziv tas nro huyện zos jêx jok yiêz.

Tsưr ziv sêi tâu đoanx sêiz kaz tso tơưv zos qênhz shuôk nux gri cxiv tsa, muôx tsưr ziv cêir chêx cov tas têx nux gri no hâur shông zuôr txos thiêz tsik chiê muôx yưv qênhx shênhx huiz tôngv pênhr yưv ntâu đuôkror zuk zuôr thêv tâu. Đros chor tiv phaz tsênhv yuôr nux gri cxiv tsa mak tsik chiê kriz uô chor côngz trinhx yiêz txos thâuv tưs xưv lik tiêr nux gri; tsuôk chiê uô dự án thâuv tưz xav jênhv tâu pênhr.

            Đros co zos uô truôx jông chor cuiz tênhv lok yưv pênhr côngz, đấu thầu, tsik chiê doanh nghiệp chiv chir muôz pênhr, kriz uô thâuv tsik tâu muôz phêiz pênhr.

Têz qơưk cxuô luôs hâux lưv uô cxiv tsa jêx jok yiêz li tsưr ziv siêz tiv zix zos gra siêz phênhv sâu thiêz luz nênhx truôx tuk trâu pêx xênhv jêx jok. Viv li, qênhz yuôx qênhx shênhx cxiv tsa jêx jok yiêz, tsik chiê muôx yưv yuôr nux gri xưk li nhiv no, đros co zos tsêx tsung yưv pênhr trâu uô xênhz yar, tror hlôngr yiêz kinh tế jêx jok zos chor tsưr ziv tsuv tâu chor tiv phaz sir jos kriz uô hâur ntu zuôr txos./.

                                (TTT-Lik thox cxêik nhênhv)

Phênhv thưr 4-19/10/2016:

                                         Chiềng Ngần, Sơn La-Sik côngv tês cxiv tsa jêx jok jông jav

       Xã Chiềng Ngần, TP Sơn La muôx 7 heir nênhs, phênhv ntâu zos nênhs Thêir lok zos poz ziz. Đrav ntêx, tsôngv box sđ khênhr tu zus thiêz cơư têx tsiêx tsu hâur kaz tsêr tsar lơưx, uô vuôz tsuôz kiês nênhs njuôr. Txix têx li heik no, hâu nov xã, jêx jok tưz sir jos zaz zâuv, yax kriê tsôngv box vêv xênhz hur si têx qơư nox nhoz muk lok, tsi tu zus, cơư têx tsiêx cxu hâur kaz tsêr tsar lơưx chiê taz por vêv xênhz. Đros hâu nov ntơưv qơư têx cêr paz, tsôngv box xã Chiềng Ngần tưz jux juk tso tsês têx cêr nênhx pôngz kaz, cxiv uô qơư đêz vax tsêr cơư tsiêx cxu, txos nhiv no tưz muôx 400 hâur 600 ziv chuôz zis tưz tsi khi thiêz cơư têx tsiêx cxu hâur kaz tsêr tsar lơưx. Lar heik li zơưv Quàng Văn Hoan nhoz jok Noong La, xã Chiềng Ngần ziv chuôz zis, txix shông 2000 tưz muôz 100 tsov đeiv nhiêx chiê cxiv uô qơư tu zus tsiêx cxu đêz vax tsêr, tsi uô kiêk nênhs vuôz tsuôz. Zơưv Hoan heik pâuz: Txix thâuv uô qơư đêz vax tsêr trâu têx tsiêx cxu, tsi chiê nhoz jê tsêr, chuôz zis qơư nox nhoz tưz hur jông đuô, tsi tsư nxiêz, tsư kiês, tsi yuô trâus muôx moz gênhk li đrav ntêx. Zơưv Hoan heik:

“ Tsi tu zus, cơư têx tsiêx cxu jê tsêr mak thâuv tưs qơư nox nhoz tưz hur thiêz jông đuô. Txơưv têx tsiêx cxu zos zuk uô qơư tu zus nưk nhoz nưk iz kro cux hloz vav jông đuô”.

Iz chas tsi tu zus, cơư têx tsiêx cxu hâur kaz tsêr tsar lơưx, tsôngv box xã Chiềng Ngần tsênhv tsi so qêz suô hur si 145 cêik cêr muk lok jêx jok hâur xã, txix ntâu hâux lưv uô tsênhv tsênhz li: Uô lơưr cxiv vênhv tôngv “tsik uô vuôz tsuôz kiêk nênhs tênhx qươ”, qêz suô hur si têx cêr muk lok, tsi muôz têx kiêk nênhs, vuôz tsuôz por tsês…. Pos Lò Thị Hưa, chủ tịch hội Liên hiệp pox niêv xã Chiềng Ngần, TP Sơn La heik:

            “ Hâur six hơưv zuôr txos, Hội Liên hiệp pox niêv xã Chiềng Ngân zuôr tror yax kriê lok sâuv vêv xênhz tênhx qơư thiêz trâur nuv cxiv tsa chuôz zis “ 5 tsi 3 hur jông” txos trâu tas nro têx canr bôv hội viên pox niêv hâur hur si xã, chiê paz uô tiêr tâu têx tsưr ziv lok cxiv tsa jêx jok yiêz ntơưv xã Chiềng Ngần”.

Uô tâu têx li heik ntơư, tsi tiêk tsôngv box Chiềng Ngần sđ muôx cêr thôngx siêz, sik côngv tês uô, mak tsênhv zos hâu nov             ntơưv qơư cêr moz siêz paz txos thiêz. Zơưv Đèo Văn Nghĩa, Phưv Chủ tịch UBND xã Chiềng Ngần heik pâuz: Hâur six hơưv zuôr txos, xã zuôr tror cxơưz tiês uô jông luôs hâux lưv tsưx phưv truôx vêv xênhz tênhx qơư nox nhoz hur si, đu lus, lar heik zos fuô kriê chiê tsôngv box sđ uô lơưr têx cui tinhv tênhx qơư. Zơưv Đèo Văn Nghĩa heik pâuz:

“ Hâur ntu zuôr txos zuôr nthuôr uô đêz đar têx trâur nuv, choz têx tsưr tsix đoanx thêv seiz car uô têx hâux lưv li: cêr muk lok jêx jok, tênhx  qơư, đêx xênhz huôx, iz tsưr tsix uô iz hâux lưv”.

Têx nuv uô ntơư seiz xưk li tsôngv box xã Chiềng Ngần têx hâux lưv uô zâu hâur luz nênhx niêx hnuz; taz sik gra lok cêr muôx liv lox, paz uô hlôngr yiêz luz nênhx nhoz trâu thax tsav tox siêz Sơn La./.

                                (Hoàng Long-Riê Lâux cxeik, nhênhv)