Jax sâu thưr 5, hnuz 20/10/2016:

Kruôk tsôngv pox niêv vir ndâuk VN

          Cxuô luôs hâux lưv uô phiv liv thiêz riêz nênhs, tsôngv pox niêv vir ndâuk lực lươngx công an, thâuv tưs cux uô siêz truôx đrênhk đros tir thêir têx nênhs fêv chiê tsưx phưv truôx têz qươs xã hội. Đại tá Ngô Hoài thu, chủ tịch hội pox niêv vir ndâuk Bộ công an hêik pâuz tiêk:

          “Zos chiê uô cov tiêr cxuô luôs hâux lưv zok muôz cux tsik zôngx ziv. Lar hêik zos nhoz trâu luôs hâux lưv uô tir thêir zax zênhz, thax tsav qươ cươ nênhs cxâuv...Thax tsav uô phiv liv, luôs hâux lưv tsôngv pox niêv vir ndâuk uô tâu tiêr hâur tsêr uô côngz xưv cux tsênhv lok uô cxuô luôs hâux lưv hâur ziv chuôz zis; ntươ zos iz luôs hâux lưv tsuv sir jos uô thiêx uô tâu tiêr”.

          Kruôk txos tsôngv pox niêv vir ndâuk VN, zos kruôk txos cxuô luôs hâux lưv tsôngv pox niêv vir ndâuk uô tâu tiêr muôx liv trâu sđ thiêz xã hội têz qươs. Pos Nguyễn Thị Mỹ Dung, công nhân Cao su Tây Ninh, nhoz saz Tập Đoanx cao su VN, zos tuz lênhv iz lênhx pox niêv,    xiêk ntâu kror, viv lênhx txir zos tuz lênhv muk uô hâux lưv đêz vax tsêr. Đhâu 17 shông tus txir muk uô côngz xưv đêz vax tsêr, pos Mỹ Dung iz lênhx tưz tsưx phưv truôx vax tsêr thiêz uô tâu tiêr ntâu luôs hâux  lưv hâur ziv chuôz zis. Pos Mỹ Dung hêik:

“Muôx ntâu jiês zuk cux xar tiêk, uô chas têx luôs hâux lưv ntươ uô phiv liv cươs; taz sik tsuv pâuz tsưr ziv uô. Txươv vax tsêr txov nhêv bâus tưs, tsuv sir jos uô cov tâu tiêr cxuô luôs hâux lưv công ty zok muôz. Viv ziv chuôz zis muôx 4 tiêv uô zav hâux lưv ntươ, tsuv sir jos uô”.

          Hội pox niêv vir ndâuk Bộ công an thiêz pos Nguyễn Thị Mỹ Dung, zos oz hâur 16 lênhx, đơn vị tâu kruôk txos hâur shông no.  Ntươ zos chor pox niêv vir ndâuk uô tâu tiêr cxuô luôs hâux lưv zok muôz thiêz paz tâu trâu côngv thôngx sđ hla đhâu cêr yêiz pluôs, muôx luz nênhx truôx tuk, tsâu sor.  Pos Nguyễn Thị Tuyết, phó chủ tịch Trung ương hội Liên hiệp pox niêv vir ndâuk VN hêik pâuz:

          “Trươk li chêi Hội tso tươv, hâur iz shông, tsuv tâu kruôk txos 10 lênhx pox niêv vir ndâuk thiêz 10 đơn vị cơ quan uô tâu tiêr cxuô luôs hâux lưv zok muôz. Shông no, muôx 49 lênhx, 19 đơn vị cơ quan chiê xêir kruôk”.

          Cxiv tsa tâu txix shông 2002, luôs hâux lưv kruôk txos tsôngv pox niêv vir ndâuk VN zos iz luôs hâux lưv cxươz cxiz  tsôngv pox niêv vir ndâuk uô cov tâu tiêr cxuô luôs hâux lưv zok muôz, đros tsưx phưv truôx têz qươs./.

                                                                                    (Tsu cxêik, nhênhv-TTT)

Phênhv thưr 5 hnuz 20/10/2016

Lênhx nênhs tuôr chiê suôz gâux mênhx cxưx Khơ Mú

Pox nhuôs Khơ Mú nhoz jok Lọng Ôn, xã Mường Và, huyện Sốp Cộp, txix chor lâul txos chor hluôk puôr lênhx lok six jông siêz trâu  pos Mòng Thị Ơi-lênhx nênhs muôx suôz hêik gâux jông, uô trâu sơưr đơưk nhiêv thiêz muôx lok six ntâu jax gâux xar tơưv hêik lok mênhx cxưx Khơ Mú li luz nênhx.

Xênhz zus ntơưv huyện Sông Mã, taz sik txix thâuv zâu pos Mòng tưz đros chuôz zis tsir lok nhoz ntơưv xã Mường Và-qơư muôx chôngz nênhs Khơ Mú nhoz txix ntâu fâuv nênhs lok no. txix ciês thâuv tsênhv zâu, pos Mòng tưz tâu mnôngs chor suôz gâux Khơ Mú jông, sưv jê đhâu pos zơưs, niêv txir li suôz krôngz mê nhuôv thiêz suôz gâux jông shir phaz li sâu kôngz lôngk, lok sik hêik txos cêr gâux đrâus uô trâu pos ndo njôngr. Đros suôz hu jông mnôngs, chor shông lơưr co, pos tsik so muôx njêx muôs nhoz chor jiês hu gâux uô vênhx nghệ zos jêx jok, xã tsưr tsix. Tưz tsik so hêik sâuv têx qơưk hêik, lok sik thâuv shir phaz, qiv siêz; mak ciês hâur uô lox tôngv, xênhz yar, thâuv krôngz mê nhuôs, pos cux hêik gâux hur si. Hêik gâux đros pos xưk li zos jâuz mor, zos cêr shir phaz hâur luz nênhx. Pos Ơi hêik:

“Thâuv zâu mnôngs chor lâul hêik mauk zuk cơưv pâuz. Tov kaz no cur muk thik tưr puôr lênhx tax tâu giải siêz. Cur njiêz cxuô zav chiv chir xar tơưv jax gâux chiê hêik trâu têx tuz nhuôs mnôngs. Cur xar kriê trâu têx tuz nhuôs pâuz chiê chor suôz gâux tsik trâus pôngz plox”.

Tưz tsik zos nhiêv hêik gâux, pos Mòng Thị Ơi tsênhv chiv chir xar tơưv yênhx puô jax gâux Khơ Mú, sâu tsês yênhx puô jax gâux Khơ Mú lâul, kriê trâu cxênhx hluôk. Pos li têx jax gâux puôr lênhx hêik lok nhiêv têz qơưk, hênhr kruôk Đảng, lâul hôx, hênhr kruôk pox nhuôs li luz nênhx uô xênhz yar, lok têx qơưk, jêx jok hlôngr yiêz…Shông 2015, pos Mòng Thị Ơi tâu têz qơưk kruôk zos nghệ nhân ưu tú dân gian. Zơưv Vi Văn Hương, phưv chủ tịch UBND xã Mường Và, huyện Sốp Cộp puz pâuz:

“Nghệ nhân tưz uô tâu ntâu chêx cur jông hâur côngz xưv cxiv tsa vênhx huôv cxôngx nzor nhoz tiv phaz. Zos nênhs uô ntêx hlo lok côngz xưv tuôr chiê vênhx huôv mênhx cxưx Khơ Mú lâul txos nhiv no”.

Hnuz nhôngs tưz lâul, taz sik nhiv no, pos Mòng Thị Ơi cux tsênhv sir jos tuôr chiê thiêz phuôx huiz mênhx cxưx Khơ Mú li têx vênhx huôv txix hêik gâux, tuôr chiê têx suôz gâux mênhx cxưx jông co ciês sâuv zuk qơư nhoz./.

                                    (Hồng Việt-Lik Thox cxêik nhênhv)