Điện Biên: Viv li chak tsik tâu tso tsês uô luz kror cuz ntơưv jos Har Trơưv?

Hêik lok luôs hâux lưv no, zơưv Nguyễn Ngọc Khuê, Phưv giám đốc Sở tênhv qơư tỉnh Điện Biên puz pâuz: luz kror cuz ntơưv jos Har Trơưv, zos xav lok chêi mak tưz muôx yưv tsik huv đros chêi doanh nghiệp thiêz chêi khoangr cxax. Đros thiêz chor doanh nghiệp kriz uô khoangr cxax, hâux lưv tso tsês tsik uô tsuv tâu uô đề án tso tsês tsik uô, khưx phưx tênhv qơư. Taz sik, luz kror cuz ntơưv jos Har Trơưv, công ty cổ phần công nghiệp Molybden uô tsik tâu tso tsês lơưv, viv li tsik muôx cơ quan tưs lok uô đề án. Thâuv tâu UBND tỉnh Điện Biên choz jênhv vưv, Sở Tênhv qơư tỉnh Điện Biên tưz ntiêr têx taz viv hêik pâuz uô đề án tso tsês tsik khơưz nzir luz kror cuz no. Taz sik, txos nhiv no cux tsênhv uô tsik tâu tiêr têx luôs hâux lưv ntơư, viv phiv liv lok nhiêx txiêx.

“Kror phiv liv tiv zix nhiv no zos nhiêx txiêx chiê uô cơư tsês kror qơư no. Lơưr đềna pêz tưz uô, tso tơưv mak tas xar muôx 43, tiv đêiv. Hâur shông 2018 cux tsênhv bax tsik tâu tâu, pêz muôz trâu Sở Tài chính mak lơưr cux hêik tiêk tsik tâu muôx nhiêx viv li xar uô tâu kror đề án no mak cux zos tsuv muôx nhiêx thiêx uô tâu”.

Khov trâu nhiêx txiêx zos qir tiv chênhr uô trâu qơư uô cuz Háng Trợ tsik tâu uô tâu chiê cơư tsês qơư uô cuz no. Hok hâux lưv tsuv sêiz đrơưv cơư tsês qơư uo cuz Háng Trợ, uô cov tror jông liz kuz chiê taz por ngaz tuk chính trị, uô xênhz yar trâu pêx xênhv hâur thax tsav tsêhv zos vênhv thix tsuv uô sêi nhoz tiv phaz. Zơưv Bằng Xênhv Vưx, Bí thư huyệ Ủy Điện Biên Đông hêik:

“Hâur ntu nhoz tok, no zos vênhv thix mak huyện lok six tsov cưv txos. Nhiv no cux tsênhv muôx qênhx shênhx pox nhuôs tuôx ntơưv no nhiês uô cuz. Hâux lưv sêiz car mak nênhs muôx tsơưs, thax tsav phiv liv viv li pêz cux tsênhv qênhz yuôx tsik tâu tâu, lok six phiv liv trâu huyện. Hok lok huyện mak uô ntêx pêz zuôr qênhz shuôk tas nro thax tsav ar uô kôngz nuv trâus hiêv, đêx xênhz huôx chiê taz por tsik muôx yưv têx tsik hur”.

Phiv liv txix uô cuz tsik zos chêi ntơưv qơư uô cuz Háng Trợ tsik zos kror hâux lưv yiêz, taz sik têx kror muôx yưv ntêr lok no tưz uô phiv liv tsik tsơưs trâu chính quyền tiv phaz. 2 shông đhâu cux tsênhv muôx 2 lênhx nênhs tuôs tiv zok nriêr têx cuz no tsik zos chêi; pêx xênhv li yênhx châuv hec ta liêxblêx oz chiv zuôr uô tsik tâu, luz nênhx njiz lok six ntâu phiv liv. Zơưv Lò Văn Hiến, iz lênhx nênhs nhoz jok Nà Ngịu, xar Phì Nhừ, huyện Điện Biên đông hêik:

“Txix thâuv muôx qơư uô cuz no mak tuk đêx zôngv tsik tâu hlo, phiv liv lok six ntâu. Njêl tuôs, 26 hec ta blêx liêx nhoz no zos thax tsav uô kinh têr trâu xar Phì Nhừ txix thâuv kriz uô cuz txos nhiv no mak uô tsik tâu oz chiv lơưv. Thâuv ntêx đêx hur mak cur sâu tâu 20 ntâu hnaz blêx, nhiv no uô jông lok cux tsuôk sâu tâu 12 hnaz xưz. Nus sơưr đơưk hâur jok zênhx pâuz xưz trâus pôngz plox muôx 50%”.

Chor cuz ntơưv qơư uô cuz Háng Trợ tâu ntâuk gri tiêk tsik yuôr lơưv, taz sik têx phiv liv muôx yưv ntâu shông ntơưv no cux tsênhv uô phiv liv pêx xênhv luz nênhx thiêz hâux lưv huôv tsar kinh têr ntơưv tiz phaz. Đuô thâuv tưs hur si, pêx xênhv, chính quyền nhoz no tsênhv tok njôngr yênhx hnuz kror qơư no tâu txưr tsik khênhr uô chiê truôx tuk uô xênhz yar, taz por ngaz tuk trâu tiv phaz./.

(Vũ Lợi-Lik Thox cxêik nhênhv)

Lênhx tuz lênhv trâus moz hâur ntu tir ntâul trok châuz K’ho pâux nzir txiêx njis trâu jôngr ntông

Luz tsêr nhoz hâur xuz jôngr ntông chiêz, chuô tuôx lax nziês, nak nôngs kuôx đrông ntưk, lênhx tuz lênhv trâus moz hâur ntu tir ntâul trok châuz K’Ten heik: Zuôr xar 30 shông đrav ntêx, cux nhoz thax tsav qơư cách mạng Trôngz nxư no, zơưv đros têx lênhx Công an Lâm Đồng, ndê trôngz ndê har hla đhâu têx phiv liv, niêx hnuz niêx hmo muk hâur jôngr chiê vênhv tôngv, uô têx hâux lưv tir ntâul trok châuz. Hâur cxiv tsav no, zơưv tưz trâus trok châuz ntâuk, tuô trâus. Đhâu thâuv têx lênhx fôngx zưs đros uô hâux lưv uô cê chơưv kho moz txix muôz têx yuôx njuôz hâur har jôngr krưr, hâuk đêx kror jêz kror char, cưx đês cưx ha, K’Ten tror iz siêz truôx bo đros têx fôngx zưs nhoz chiê tir ntâul trok châuz tax txos hli 8/1986, trok châuz qơư nhoz chênhr ntơưv huyện Đức Trọng, tỉnh Lâm Đồng trâus tuz lênhv pêz ntâuk txênhz tâu tas hur si. Cxiv tsav trok co, lơưr K’Ten zos iz kro pâux nzir trâu jôngr ntông:

“Thâuv ntêx jôngr ntông por hưv zuk cov tsi trâus trok châuz ntâuk, tuô. Jôngr ntông por hưv zuk li ntơư, zuk yuôr jôngr ntông gri. Zuk yuôr jôngr gri zuk tsuv pâux nzir tror trâu jôngr, txơưv đaz tsi lok zuk cux shir phaz, jông siêz uô hur si. Yuôr jôngr gri mak zul tsuv thêv. Đros thiêz hluôk nênhs, têx tuz nhuôs tsuv por hưv jôngr, tsi cxoz ntor luôx, ruôr hiêv jôngr uô liêx têz; tsi cxoz viv đeiv nhiêx, viv têx muôx liv trâu zuk mak uô ruôr hiêv, tsi jông txos jôngr ntông, uô tsi tâu li ntơư”.

Xav txix thâuv co, K’Ten nhoz hâur xuz jôngr; zuôr pox niêv thiêz uô nênhx nhoz sâuv thax tsav qơư cách mạng Trôngz Nxư, huyện Đức Trọng, tỉnh Lâm Đông. Luz tsêr đaz pêk tuôs tsuôk đar muôx 2, 3 xưv phaz, tâu muôz têx txiês ntông đaz tuôs lok đhol uô, taz sik ho zos zơưv chuôz zis vax tsêr nhoz hâur xuz jôngr niêx shông. Yênhx hnuz, K’Ten êr hnaz ba lô, đril pak mul qênhz shuôs, por hưv 32 ha jôngr ntông tâu choz car seiz. hok zơưv pox niêv zos pos Ka Khuy mak niêx hnuz sir jos huôv tsar uô nox, chos poz cưk, kok ntông, uô zuz ntông cà phê thiêz tu têx tsơưz iz ndis kaz vas tsiz tâus chiê hlôngr yiêz luz nênhx. Txơưv tiêk  tưz đros đreiv tuk txir, nhoz trơưr hâur xuz jôngr 2, 3 châuv shông lok no, taz sik ntâu jiês, pos Ka Khuy cux xar ntâu thiêz cê tu siêz trâu luz nênhx txov nhêv, cê hluz txos tuk txir phiv liv.

“Cux hluz. Zơưv heik, ưz 2 niêv txir txox hmông jông li ntơư zuôr pov kaz uô li chas. Thiêz nênhs sâu xor xưv heik, zos li cox pok heik cov tix lâus sir jos tsưx phưv truôx têx jôngr ntông thiêz 2, 3 châuv tuk ntông chiêz pêv trôngz lok tsi heik? Pos Ka Khuy têz tiêk, cur heik cur tuk txir tiêk sir jos tsưx phưv jông têx jôngr ntông, zuk luz nênhx pluôs, txov nhêv lok car qơưx. Zuk tsi cxoz nav têx har jôngr, ntor luôx uô ruôr hiêv têx ntông. Taz sik lơưr lok six nzuz cox cơưk, lơưr tưz hêv zuôr hlơưr vax hlơưr tsêr nax”.

Tưz muôx jiês uô nênhx nhoz hâur ntu tsi truôx tuk, muôx ntâu cêr txov thiêz phiv liv, tir ntâuk têx nênhs fêv tâu bax jông tsưr ziv thiêz triêv fov lok six riêz nênhs, taz sik K’Ten cux tsi cxơưx, tsi nyei. Chênhr viv li, zơưv thâuv tưs tưz sir jos phax tir thêir têx nênhs fêv, txơưv lơưr zuôr hênhr, zuôr hêv hlơưr vax hlơưr tsêr lok sik têx riêz nênhs txơưr đuô. 2, 3 châuv shông đhâu, K’Ten đros pox niêv nhoz đreiv pêv trôngz jôngr, txơưv luz nênhx tsênhv yuôr ntâu txov nhêv thiêz phiv liv; đas jos tưz ntâus jux juk, taz sik 32 ha ntâu har jôngr zơưv lênhk nhav car seiz, por hưv cux tsênhv jông li kuz, 59 tsoz ntông chiêz lox, yênhx puô shông ntông cux tsênhv chiêx njuôz xiêz. K’Ten pov shir phaz, jông siêz, viv zuk tsênhv pâux nzir trâu jôngr ntông, por hưv chiv xênhz đrox tsuôs thiêz tênhx qơư nox nhoz cov hur jông trâu thax tsav qơư cách mạng trôngz Nxư./.

(CTV VOVTN-Riê Lâux cxeik, nhênhv)