Sơn La: Uô jông luôs hâux lưv seiz car ciêz đrôngs hâur ntu zuôr txos tsiêz têz qơưs

Hâur têx hnuz no, muk ndis seiz têx qơư ciêz đrôngs hâur thax tsav cxuô  huyện, TP nhoz Sơn La zôngx  ziv seiz pov tâu têx xiv huv phưx vưv tsôngv box tok nox tsiêz têz qơưs tưz muôx muôs ntâu đuô, lar heik zos têx huv sir zôngv li: Nduôr thax, tsôngk trik yo, têx chuôz zênhx zôngv hâur chuôz zis…..

Qơư muôs huv Vân Coóng zos iz hâur têx qơư muôs ntâu têx xiv huv li heik sâuv ntơưv TP Sơn La. Txix ciês hâur hli 12, qơư muôs huv no tưz bax lok six ntâu têx xiv huv, grê muôs huv đros thiêz taz por tsơưr lươngv. Nhiv no, qơư muôs huv heik sâuv tưz tsar ndê six hơưv muôs huv hâur niêx hnuz txix 7 six tas cik sơưr nzor txos 10 six tsâuk ntux thiêz muôs txos trâu tar su hnuz 29 tsiêz thiêx so. Niêv lâuk Nguyễn Thị Vân, tsưr qơư muôs huv heik ntơư heik pâuz:

“Lok sâuv grê muôs mak pir li shông uô ntêx cux civ pêk tsơưs. Pêz qơư muôs huv taz por zuôr tuôr truôx grê muôs li ntơư tax txos hnuz uô kaz”.

Ntơưv tsêr muôs huv Hapromats TP Sơn La, muôx xar 100 tênhr xiv huv cxuô zav tưz tâu bax tsês chiê paz taz por tsôngv box sđ zoz qơưx sir zôngv hâur six hơưv tsiêz. Trơưk li têx chor sâu xor xưv seiz njiê pov, chor huv ntơư puôr lênhx pâuz tsênhz qơư, lo chiv grê muôs hur si, taz por ngaz tuk vêv xênhz zav nox. Niêv lâuk Nguyễn Thị Hồng, nhoz jok 8, phường Tô Hiệu, TP Sơn la heik:

“Hâur ciêz đrôngs nhiv no muôx lok six ntâu xiv huv phưx vưv tsiêz. Pêz lok six tso siêz, tsi trâus cxơưx tsav muôx tsi txâuk hax huv nox tsiêz”.

Taz sik, txix nhiv no txos tsiêz têz qơưs, grê iz cxiê zav xiv huv zuôr trâus txos li: Kôngz krâur, zav nox tsiv uô tâu,  zav nox nhôngk, chơưr bia, đêx hâuk, nduôr thax….., njuôk xav, têx jiês cux tsênhv zuôr muôs tus grê txơưr thiêz. Co cux zos six hơưv têx hax huv chuôr, hax huv tsi muôx tsơưr lươngv zuôr muôx yưv, muôs ntâu hâur ciêz đrôngs, lar heik zos ntơưv têx thax tsav tox siêz đêz đrôngs. Ban chox kriê 389 tỉnh Sơn La tưz chox kriê cxuô lưv lươngv muôx vax huôv sir jos uô jông hâux lưv qênhz yuôx, qênhz shuôs têx ciêz đrôngs. Iz chas ntơư, heik têx doanh nghiệp muôx cxix luôs phênhz pheiz hâur thax tsav, têx ban seiz car ciêz đrôngs qênhz shuôs jông grê muôs têx xiv huv; sir jos qênhz yuôx shuôs tsơưr lươngv xiv huv, vêv xênhz ngaz tuk zav nox; qênhz pov thiêz xưv bluô ntov jông chor nênhs uô cxâuv chei, tsar ndê grê muôs têx xiv huv tsi trơưk cui tinhv…..

Zơưv Nguyễm Viết Thông, Chi Cục phưv Chi cục seiz car ciêz đrôngs tỉnh Sơn La heik pâuz: Tsuôk hâur iz hlik ntâu fuô uô luôs hâux lưv seiz car truôx jông têx ciêz đrôngs phưx vưv tsiêz têz qơưs, Chi cục seiz car ciêz đrôngs Sơn La tưz qênhz yuôx 470 txuz, xưv bluô zuôr xar 350 txuz uô cxâuv chei muôs hax huv, bluô nhiêx tâu iz tỷ đeiv ntâu. Têx uô cxâuv phênhv ntâu zos muôs huv tsi pâuz tsênhz qơư, huv tsi muôx tsơưr lươngv:

“Chi Cục seiz car ciêz đrôngs tỉnh tưz chox kriê têx đội lês car uô luôs hâux lưv no hâur tas nro thax tsav tỉnh sir jos uô jông hâux lưv seiz car hâur thax tsav, pâuz tsênhz têx txơưr txar thiêz xưv bluô tâu zênhx max têx tsi jông muôx yưv hâur thax tsav qơư”.

Uô jông luôs hâux lưv seiz car ciêz đrôngs, tỉnh Sơn La tsênhv  sir jos uô trâu tsôngv box sđ nhoz no muôx iz luz tsiêz truôx tuk thiêz shir phaz./.

(Hồng Việt-Riê Lâux cxeik, nhênhv)

Paz trâu shux xênhz, tsêr cơưv phôv thôngz nhoz xã, jêx jok txov nhêv tiv zix

Tiv iz, zos shux xênhz niêv txir zus mor tsênhv cơưv ntơưv tsêr cơưv phôv thôngz mênhx cxưx niêv txir zus mor;

Tiv oz, zos shux xênhz niêv, txir lok sik nênhs sêiz jor nhoz ntơưv chor xã, jêx jok txov nhêv, tsênhv cơưv ntơưr trâu chor tsêr cơưv cxênhx iz, cxênhx oz zos xã thax tsav 3, jêx jok txov nhêv nhoz thax tsav mênhx cxưx tox siêz; chor xã txov nhêv tiv zix thax tsav ntus đêx hiêr thiêz poz hiêr.

Tiv pêz, zos shux xênhz niêv, txir lok sik nênhs sêiz jor nhoz ntơưv xã thax tsav 3, jêx jos txov nhêv thax tsav mênhx cxưx tox siêz tsênhv cơưv ntơưr trâu chor tsêr cơưv cxênhx iz, cxênhx oz nhoz xã thax tsav 2, thax tsav mênhx cxưx thiêz tox siêz. Tsêr nhoz đêz tsêr cơưv lok sik cêr muk lok phiv liv xưk li cuiz tênhv hâur ntu 2.

Nghị định cuiz tênhv, đros shux xênhz cxênhx pêz zos mênhx cxưx tsơưs nênhs tsuv muôx li: 1- tsênhv cơưv ntơưv tsêr cơưv cxênhx pêz lok sik cơưv cxênhx pêz ntơưv tsêr cơưv phôv thôngz muôx ntâu cxênhx cơưv; 2 – shux xênhz thiêz niêv txir lok sik nênhs sêiz jor nhoz ntơưv xã thax tsav 3, jêx jok txov nhêv, thax tsav mênhx cxưx thiêz tox siêz, chor xã txov nhêv, thax tsav ntus đêx hiêr thiêz poz hiêr.

Nghị định cux cuiz tênhv chor tsêr cơưv phôv thôngz tâu sơưv tsênhv chêi paz zos: tsêr cơưv phôv thôngz niêv txir zus mor; tsêr cơưv phôv thôngz uô jâuz mor trâu shuv xênhz nox tsêx tsung ntơưv tsêr cơưv; zos chor tâu sơưv tsênhv chêi lơưr cuiz tênhv ntơưv Nghị định no.

Lơưr cuiz tênhv, tsêr cơưv phôv thôngx mênhx cxưx niêv txir zus mor tâu paz yưv pênhr zuôr, uô cxuô zav thiêz chuôz zênhx zos: Tsêr nhoz, txax pư, tsêr uô mor, qơư nox mor, tsêr đa đêx, côngz trinhx vêv xênhz, côngz trinhx đêx hur thiêz têx chuôz zênhx tsuv muôx trâu shux xênhz nhoz cơưv ntơưr, niêv txir zus mor lơưr quy tênhv tso tơưv.

Thôngx cxix, tâu zuôr nzir, kho đuô têx chuôz zênhx li zav sênhr suôz, mêir cxêik, cơư đuôz, phưx vưv xênhz huôx vênhx huôv thiêz têx chuôz zênhx txơưr đuô trâu shux xênhz niêv txir zus mor đros phênhv paz 100 cxênhz đêiv iz lênhx shux xênhz iz shông cơưv; tâu uô qơư trâu yuôx chơưv khoz moz zôngv uô cê trâu qơư nhoz niêv txir zus mor, zuôr têx zav yuôx tsuv muôx txâuk trâu zoz qơư chơưv kho moz hâur tsêr cơưv đros phênhv paz 50 cxênhz đêiv iz lênhx shux xênhz iz shông cơưv./.

(VOV4-Lik Thox cxêik nhênhv)