Jax sâu thưr 6, hnuz 21/10/2016:

Lai Châu chuôz piz tso cuô mik ntông cao su jiês xuz thơưx

         Txix ciês thâuv tsôngv px Lai Châu muôz ar chos ntông tso cuô mik cao su thiêz tsôngv px sđ puôr lênhx njênhs njôngr tiêk: Hâur têx shông tsik ntêr sâuv no, têx ntông tso cuô mik ntơư cux zuôr gra cêr tsâu sor trâu tsôngv px sđ hâur thax tsav chos ntông cao su. Têx cêr shir phaz thiêz tok njôngr ntơư, hâur têx hnuz no tưz muôx tsênhz tiês, đhâu hâur 10 shông chos. Zơưv tao Văn Khằm, nhoz jos Can Hồ, xã Lùng Thàng, huyện Sìn Hồ shir phaz lul hêik:

 “Hâur ntu đrav ntêx, tsuôk muôz têx ar ntơư tsêz chos kôngz cux sâu tsik tâu pês tsơưs. Nhiv no huôv tsar chos ntông tso cuô mik cao su, xar njôngr sđ zuôr sâu tâu ntâu cuô mik cao su cov muôx luz nênhx truôx tuk”.

         Jiês no, Tập Đoanx sêiz car chos ntông cao su zuôr tsô cuô mik hâur 70 ha  ntông cao su; chuôz piz tso cuô mik txix hnuz xiêz 9/8. Xav txos trâu nhiv no, chor cuô mik cao su sâu tâu 20 ntâu tấn; njuôk xav hâur 1ha sâu tâu 7-8 tạ cuô mik cao su. Hâur chêix tso cuô mik ntông cao su zos tâu tso txix hli 4 txos hli 12 hâur niêx shông. Zơưv Trần Ngọc Thuận, bí thư Đảng uỷ, thơưx sêiz car Tập đoanx chos ntông cao su VN hêik pâuz:

 “Nhiv no hur si cxuô đêiv ar chos ntông tso cuô mik ntơưv faz Bắc li: tỉnh Điện Biên, Sơn La, Lai Châu. Đhâu 8 shông huôv tsar chos txos trâu nhiv no thiêz tso cux muôx ntâu cuô mik. Iz chas nhiêx hli mak chor uô ntơư cux tsênhv tâu phêiz iz đraz chor cuô mik tưz tso tâu”.

         Nhiv no, tỉnh  ntus đriv Lai Châu muôx zuôr xar 13 cxênhz ha ntông cao su, zos 3 công ty sêiz car thiêz 400 ntâu ha chos trâu ntơưv huyện Phong Thổ; huyện Nậm Nhùn. Công ty cao su Lai Châu, nhiv no sêiz car 7 cxênhz ha ntông  tso cuô mik, zos chos trâu ntơưv oz huyện Sìn Hồ thiêz Phong Thổ.

Trơưk li njuôk xav, txos shông 2017, Lai Châu tsênhv zuôr kriz đar nzir 1 cxênhz ha ntông  tso cuô mik. Txơưv nhiv kruôr tso, cuô mik tsik muôx ntâu; taz sik tưz muôx nênhs tuôx uô ntơưr zuôr cuô mik cao su. Tập đoanx công nghiệp Cao su VN cux zuôr chuôz piz cxiv uô tsêr máy chiê liv  cuô mik cao su. Zơưv Đỗ Ngọc An, chủ tịch uỷ ban tỉnh Lai Châu hêik pâuz:

        “Ntông cao su zos tsoz chos sâu tâu ntêr shông trâu tsôngv px thax tsav faz Bắc. 1 vạn ntâu ziv chuôz zis yêik nhoz      thax tsav qơư yiêz chiê cxiv uô tsêr máy tênhv tênhz Sơn La thiêz Lai Châu; jos Huổi Quảng, jos Chát thiêz cxuô qơư cxiv uô tsêr máy tênhv tênhz, nhiv no tsôngv px sđ cux muôx luz nênhx truôx tuk, viv chos ntông tso cuô mik. 13 cxênhz ziv chuôz zis chos tâu 13 cxênhz ntâu ha ntông cao su thiêz pêz cux xav tâu tiêk: Ntơư zos tsoz chos zuôr paz txo grêk tâu yêiz pluôs trâu tsôngv px sđ”

       Txix thâuv tso cuô mik ntông cao su, tsôngv px chos ntông cao su nhoz thax tsav faz Bắc tưz muôx phênhv sâu tâu nhiêx txiêx chox lok cxiv kho ziv chuôz zis muôx luz nênhx truôx tuk jux juk./.

                                                                                              (Tsu cxêik, nhênhv-Khắc Kiên)

Phênhv thưr 6 hnuz 21/10/2016:

PHÊNHV HÊIK KRIÊ

Têx kror yiêz hâur chêi bảo hiểm xã hội (Cxiv kho đuô)

1. Cxaz nzir nênhs cxaz chuôz BHXH

        Luật BHXH (Cxiv kho đuô) jiês no kriz đar nênhs tsuv cxaz chuôz BHXH zos:

- Nênhs lox tôngv muôx hux thôngx lox tôngv txix 01-03 hli;

- Nênhs lox tôngv zos nênhs saz đrâuv têz qơưk tuôx uô hâux lưv ntơưv Việt Nam muôx ntơưr tso chêi uô lox tôngv tâu cơ quan muôx qênhx Việt Nam cungz tâu cxaz chuôz BHXH lơưr chính phủ li cuiz tênhv;

- Nênhs huôx tôngv tsik chuyên trách nhoz xa, phường, thị trấn.

2. Chêi lok xênhz zus nhuôs

      - cxaz nzir cuiz tênhv lox tôngv txir nênhx muôx pox niêv xênhz zus mê nhuôs tâu sơưv nhiêx paz xênhz zus mê nhuôs 5 hnuz uô hâux lưv đros thiêz chiv chir zus mê nhuôs thiêz 7 hnuz hâux lưv đros thiêz tsuv fêik mê nhuôs, zus thâuv tsik tâu muôx 32 ciêz hnuz nhôngs; 10 hnuz zos xênhz zus mê nhuôs nzêiz thiêz cxaz nzir 3 hnuz iz tuuk mê nhuôs zos zus tuk nhuôs tiv pêz tror sâur; 14 hnuz zos zus oz tuk tror sâur sik tsuv fêik thâuv zus;

- Kho đuô tsar tov tâu sơưv chêi xênhz zus mê nhuôs zos tiêk lox tôngv pox niêv muôx six hơưv thêv nhiêx BHXH txix txâuk 12 hli taz sik tiv mê nhuôs tsik xưk li têx mê nhuôs txơưr đuô tsuv so hâux lưv chiê tsoz phưz mê nhuôs lơưr qơư njuôk, kho moz muôx qênhx hêik kriê mak tsuv taz por thêv nhiêx BHXH txix txâuk 3 hli tror sâur hâur six hơưv 12 luz hli uô ntêx thâuv zuôr xênhz zus;

       - Kho đuô six hơưv lox tôngv pox niêv so hâux lưv sơưv chêi tâu zus mê nhuôs, jênhv tu zus mê nhuôs tsik tâu muôx 6 hli hnuz nhôngs, cxaz nzir trâu lox tôngv txir nênhx jênhv tu zus mê nhuôs puôs tsik tâu muôx 6 hli hnuz nhôngs tâu sơưv BHXH xưk li lox tôngv pox niêv jênhv tu zus mê nhuôs puôs tsik tâu muôx 6 hli hnuz nhôngs;

       - Kho đuô cuiz tênhv zos tiêk tsuôk muôx niêv cxaz chuôz BHXH lok sik tas nro niêv txir cxaz chuôz BHXH mak niêv tuôs đhâu thâuv xênhz zus mak txir lok sik nênhs jênhv zus tâu so hâux lưv sơưv chêi xênhz zus mê nhuôs đros lênhx niêv li six hơưv tâu so; Zos tiêk niêv thêv nhiêx BHXH taz sik tsik tâu txâuk six hơưv thêv nhiêx BHXH lơưr cuiz tênhv sik trâus tuôs mak txir lok sik lênhx nênhs tu zus tâu so hâux lưv sơưv chêi xênhz zus mê nhuôs txos thâuv mê nhuôs txưv 6 hli hnuz nhôngs; cxaz nzir cuiz tênhv zos tiêk tsuôk txir cxaz chuôz BHXH mak niêv trâus tuôs đhâu thâuv zus tâu mê nhuôs lok sik njiz phiv liv đhâu thâuv zus mê nhuôs muôx tsik txâuk đas jos chiê tsoz phưz mê nhuôs muôx cơ quan njuôk, kho moz muôx qênhx li xav jênhv mak tuk txir tâu so hâux lưv sơưv chêi so zus mê nhuôs txos thâuv mê nhuôs txưv 6 hli hnuz nhôngs;

        - Cxaz nzir zos tiêk tsuôk tuk txir cxaz chuôz BHXH thâuv pox niêv zus mê nhuôs mak txir tâu paz iz jiês bâuv 2 hli nhiêx hli trâu iz tuk mê nhuôs; cxaz nzir iz hli trâu six hơưv lox tôngv pox niêv so zus mê nhuôs zos tiêk mê nhuôs trâus tuôs đhâu thâuv zus tâu; cxaz nzir cuiz tênhv chêi sêiz zus mê nhuôs trâu lox tôngv pox niêv paz xênhz zus mê nhuôs thiêz lênhx niêv hêikcov paz xênhz zus mê nhuôs lơưr luật siz zuôr thiêz chuôz zis kho đuô li cuiz tênhv./.

                               (Thu Thùy-Lik Thox cxêik nhênhv)