Jông siêz thâuv cưr cxiêx Then tâu côngz jênhv zos iz zav txux chi vênhx huôv jông

78 shông hnuz nhôngs, nghệ nhân ưu tú Lưu Đình Bạo, nhoz jos Quan Nưa, xã Dương Quang, đrôngs Bắc Kạn, tỉnh Bắc Kạn tưz muôx 38 shông reik đros đreiv cưr cxiêx Then. Zos iz lênhx nênhs txơưx cưr cxiêx Then nto be hâur thax tsav, zơưv heik: Cưr cxiêx Then tsi taz zos phongz cxưx jông mak tsênhv zos tsôngv box nhoz no li luz nênhx vênhx huôv, chinhz yênhx, zos tsôngv box li njux plis:

          “Cưr cxiêx Then tâu côngz jênhv li no cur lok six jông siêz, pêz ziv muôx cxaz đas jos phuôx huiz thiêz kruôr kriê trâu tuz nhuôs thiêz ntâu cxênhx nênhs txơưr. Cur kriê tsi tâu, cur mê nhuôs kriê tsi tâu mak tov kaz no cưr cxiêx zuôr trâus pôngz plox lơưv”.

          Nghệ nhân Mã Trung Trực tâu xênhz zus thiêz hloz lox nhoz thax tsav niêv pas Ba Bể, tỉnh Bắc Kạn. Tsi taz zos nghệ nhân nto bê viv muôx suôz cưr cxiêx lok six jông mnôngs, txơưx ntâus trax tính tix lâuk chiv chir uô tâu mak tix alauk tsênhv yênhx lix câu lạc bộ heik cưr cxiêx then ntâus trax tính, cê tuôr tsês phongz yaox, cê phưx vưv tsôngv kruô tuôx ndis shuôk pas Ba Bể. Hâur tix lâuk luz tsêr lơưx cux zos qơư tsưr tsix têx lớp kriê ntâus trax tính, kriê cưr cxiêx Then trâu têx hluôk nênhs, mê nhuôs thiêz têx lênhx nênhs nhiêv cưr cxiêx then, trax tính hâur thax tsav, tix lâuk 2 niêv txir cux zos cưk kriê kriê trâu sđ. Tâu mông cưr cxiêx Then tâu UNESCO côngz jênhv, tix lâuk Mã Trung Trực puz pâuz:

          “Cur zos lênhx nênhs tuôr tsês vênhx huôv cưr cxiêx then, trax tính thiêz kriê heik cưr cxiêx, ntâus trax tính, cur pov lok six jông siêz viv cxênhx hluôk nhiv no lok six tsov cưv txos vênhx huôv no. Thiêz co cux zos đas jos chiê cur pov zuk tsuv muôx txơưx jênhv kriê ntâu đuô thiêz têx tul tsi zuk pâuz trâu cxênhx hluôk nênhs”.

          Lạng Sơn cux zos iz hâur têx qơư muôx vênhx huôv cưr cxiêx Then jông. Tas nro tỉnh muôx nhos 100 câu lạc bộ heik cưr cxiêx Then nhoz Hội tuôr tsês cưr cxiêx têx mênhx cxưx tỉnh Lạng Sơn. Hâur lưv sir jos chiê nênhs Tày, Nùng, Thái li cưr cxiêx then tâu côngz jênhv zos di sản vênhx huôv phi vật thể tưz lax, tuôr tsês thiêz phuôx huiz tâu tsiv grê di sản co ziv zos txơưx jênhv lox đuô. Zơưv Phan Văn Hòa, Phưv giám đốc Sở vênhx huôv thiv thao thiêz ju lix tỉnh Lạng Sơn heik:

          “Muôx tâu cêr txưv haox jông li ntơưv zos đas jos chiê pêz tror tuôr tsês, phuôx huiz tsiv grê cưr cxiêx then sâuv thax tsav tỉnh. Co zos heik kriê têx tsênhv qơư vênhx huôv thiv thao thiêz thôngz xor mông, Phongx vênhx huôv thôngz xor mông têx huyện, thành phố chiê lơưr heik txos têx câu lạc bộ nhoz têx xã, thị trấn, jêx jos phuôx huiz têx jax cưr cxiêx then sâuv thax tsav”.

          Iz tiêv nênhs reik đros đreiv đros cưr cxiêx then, NSND Triệu Thủy Tiên- Kuz tsar đoanx nghệ thuật tỉnh Lạng Sơn, nhiv no zos Phưv chủ tịch Hội tuôr tsês cưr cxiêx trâur lâus Lạng Sơn tsênhv sir jos chiê cưr cxiêx Then tâu ntâu lênhx nênhs hâur côngv thôngx pâuz txos đuô. Pos tưz ntâu jiês chox cưr cxiêx then mul Hà Nội chiê piêr kriê:

          “Mul niêv đrôngs lox chiê heik cưr cxiêx then zos cur li siêz xar njôngr, cux zos ntâu lênhx nênhs, tiv zix zos têx lênhx nênhs nhiêv cưr cxiêx then xưk li pêz li siêz xar njôngr. Mul niêv đrôngs heik cưr cxiêx then chiê ntâu lênhx nênhs đuô pâuz txos cưr cxiêx then. Tsôngv kruô nhoz niêv đrôngs, tsôngv kruô saz đrâuv têz qơưs tos jênhv, tuôx seiz thâuv pêz heik cưr cxiêx then mak pêz txơưv pâuz tiêk lơưr nhiêv txos cưr cxiêx then. Têx tsiv grê jông hâur heik cưr cxiêx then tsênhz tsênhz tâu ntâu lênhx nênhs pâuz txos”

          (Đọc trên nền nhạc hát then)

          Nhiêv thiêz moz siêz tuôr tsês, têx nghệ nhân, nghệ sĩ tsênhv sir jos heik kriê cưr cxiêx then chiê chôngz lênhx nênhs pâuz txos thiêz tsik chiê cưr cxiêx then Việt Bắc trâus pôngz plox./.

(Công Luận,Hoàng Khánh- Txâur Vax cxeik nhênhv)