Jax sâu thưr 6.22.7.2016:

SƠN LA: LAV PHÊV VIV AR TÊZ TRÂUS TSO TSÊS KHÔNGZ

          Zơưv Quàng Văn Bun, kuz phưv bí thư Đảng ủy xã, nhiv no zos Bí thư chi bộ jos Hôm, xã Chiềng Cọ, TP Sơn La zos iz hâur têx lênhx nênhs tâu pov thiêz ndo njôngr lok thax ar đar 23 hecta no li lix xưv. Têx shông 1990, no zos văn phongx tỉnh ủy Sơn La li xí nghiệp tu zus li thax ar. Txos shông 1991, ar trâus sâu uô greiv lơưv ntâu, tsi tuôv zênhv tâu zoz qơưx tu zus, viv li xí nghiệp tso tsês. Đhâu co, thax ar no tâu choz trâu tỉnh li Công ty tu zus shuôz njês 1, thiêz njuôs xav zuôr cxiv tsa pas tu zus shuôz njês uô nôngz. Tsênhz mênhx, côngz tsinhx tưz tâu krêz uô, taz sik tiv muôx tsi txâuk đêx, viv li ho tso tsês ntơưv co. 20 shông ntâu đhâu, nhiv no têx nda jêz tưz trâus poz vâu, đrox tuôx siêz tas. Tiv tsi muôx txâuk ar uô xênhz yar, viv li ntâu ziv chuôz zis nhoz jos Hôm tưz nzaz nzơưv chiê uô liêx chos blêx, chos poz cưk, taz sik tsi muôx đêx, viv li yar lengx tsi siêz. Zơưv Quàng Văn Bun puz pâuz:

          “ Tsênhz mênhx chiê ar tsês li no mak lok six lav phêv, taz sik pêz muôz pheiz trâu tsôngv box mak ho uô cxâuv, pêz tsi car pheiz trâu tsôngv box uô xênhz yar. Nhoz no zos tsôngv box chiv chir uô xưz, muôx têx lênhx uô ntâu, têx lênhx uô tsơưs. Zos tsi uô tâu xiv huv mak lok six lav phêv, pêz cux khur xiv”.

          Lơưr zơưv Quàng Văn Lẻ, chủ tịch UB xã Chiềng Cọ, zos thax ar no pheiz trâu tsôngv box chos kôngz lôngk thiêz cà phê mak iz shông cux chox lol phênhv sâu zos yênhx tỷ đeiv. Zơưv Lẻ heik:

          “ Thax ar no tsês chiê ntêr lơưv. Uô mak tsi uô, six fênhx tsês chiê li no xưz. Tsôngv box hâur xã, tiv zix zos tsôngv box jos Hôm lok six tsi jông siêz”.

          Đhâu zuôr xar 20 shông trâus tso tsês, shông 2013, thax ar no tâu tỉnh choz trâu Công ty nông trại njuôz, muôx qơư uô xưv nhoz TPHCM uô tsưr yưv pênhr cxiv tsa tsêr meir tsiv uô cà phê, sâu zuôr thiêz tsiv uô cà phê. Taz sik, đhâu 3 shôngk jênhv ar, côngz tsinhx cux tsênhv tsi tâu tâu uô tiêr. Txos hli 4 shông no, công ty thiêx heik têx zav meir tuôx luôv ar chiê tuôr tsês ar. Heik lok qir tiv côngz tsinhx kênhz tâu krêz uô. Zơưv Lê Việt Cường, phưv giám đốc công ty nông trại njuôz puz pâuz:

          “ Nhiv no công ty tsênhv njiz phêv liv hâur hâux lưv hlôngr yiêz tsêr meir. Saz tỉnh thiêz thành phố cux lok six thôngx ziv đros tsưr ziv taz sik doanh nghiệp cux tsi tâu muôx cuiz tênhv hlôngr yiêz. Lok ntâuz ntơưr mak công ty tsênhv uô, taz sik cux njiz phêv liv viv li tsi tâu muôx cuiz tênhv mak công ty cux tsi tâu krêz uô dưv án”.

          Ar têz lok six tsiv grê, chiê thax ar phuôx huiz tâu chêx cuk, tsôngv box xar njôngr UB tỉnh Sơn La thiêz Thành phố Sơn La tsov cưv chox kriê tsưr yưv pênhr uô trơưk cam kết, nzor khưx phưx qênhx shênhx tsês chiê ar khôngz li no ntâu shông đhâu./.

( Hồng Việt- Txâur Vax cxeik nhênhv)

Phênhv thưr 6 hnuz 22/7/2016

PHÊNHV NRIÊR PÂUZ PHÁP LUẬT

Tiz nênhs, chuôz zis muôx txơưx jênhv li chak chiê gôngr phênhv tir tar nto tsiv hâur chuôz zis?

Grê 31 thiêz grê 32 luật phax tar nto tsiv hâur chuôz zis shông 2007 cuiz tênhv lok tiz nênhs, chuôz zis li txơưx jênhv hâur phax tar nto tsiv chuôz zis li đrav kaz:

* Tiz nênhs li txơưx jênhv:

1. Uô lơưr pháp luật li cuiz tênhv lok phax tar nto tsiv hâur chuôz zis, siz zuôr thiêz chuôz zis, pox niêv txir nênhx vã xhuôv siz luôs, phax tar zax zênhz, muôs pax muôs chêr thiêz têx txiêz nanv xã hôiv txơưr đuô.

2. Ndar six hơưv tir thêir nto tsiv hâur chuôz zis thiêz hêik trâu cơ quan, tsưr tsix, nênhs muôx qênhx pâuz.

* Chuôz zis li txơưx jênhv:

1. Kruôz kriê, hêik nênhs hâur chuôz zis uô lơưr pháp luật li cuiz tênhv lok phax tar nto tsiv hâur chuôz zis, siz zuôr thiêz chuôz zis, pox niêv txir nênhx vax huôv siz luôs, phax tar zax zênhz, muôs pax muôs chêr thiêz têx txiêz nanv xã hôiv txơưr đuô.

2. Tu plâuz trâu chor nênhs hâur chuôz zis; tir thêir nênhs nto tsiv cov tso tsês; tsoz phưz nênhs trâus saz lok sik njiz phiv liv tiv nto tsiv hâur chuôz zis.

3. Sik côngv đros cơ quan, tsưr tsix thiêz côngv thôngx hâur phax tar nto tsiv hâur chuôz zis.

4. Uô chor tsưr ziv txơưr đuô lok phax tar nto tsiv hâur chuôz zis lơưr pháp luật phax tar nto tsiv hâur chuôz zis li cuiz tênhv./.

(Thanh Thủy-Lik Thox cxêik nhênhv)