Jok nhoz yiêz Chiềng Yên: tưz bax cxuô chiê tok tsiêz

Zơưv Lại Xuân Thủy nhoz jok yiêz Chiềng Yên, xã Chiềng Cọ, thành phố Sơn La cux ndo njôngr txos 10 shông ntâu uô ntêx, thâuv chuôz zis muôx 4 lênhx nênhs txar qơư nhoz txix huyện Quỳnh Nhai, tỉnh Sơn La lok ntơưv no chiê tsês qơư nhoz kuz uo tsêr mêir đêx tênhv Sơn La. Tsik sưv thiêz muôx ntâu kror trâus cxơưx, zơưv chuôz zis tưz uô ntâu tsưr ziv uô nox, taz sik puôr lênhx tsik tâu. Đhâu oz pêz shông, tâu cán bộ tiv phaz thiêz pêx xênhv ntơưv qơư paz, đros tu zus buô, chuôz zis tiwz hlôngr uô chos cà phê, chos txir khơưz đuz thiêz txir đuôx. Nhiv no chuôz zis tưz muôx phênhv sâu truôx tuk, đros nhiêx liv txix 100 txos 200 triệu đêiv iz shông. Txos tsiêz, cux tsênhv ndo txos kuz qơư, taz sik zơưv thiêz chuôz zis cux lok six shir phaz viv luz nênhx ntơưv qơư nhoz yiêz cux tưz truôx tuk thiêz huôv tsar. Zơưv Lại Xuân Thủy hêik: “Thâuv txar lok qơư nhoz kuz, chuôz zis cux cxơưx, tsik pâuz zuôr uô nox li chak, tưz uô iz cxiê tsưr ziv taz sik cux uô tsik tâu nox. Đhâu co pêz cơưv shuav sơưr đơưk hâur xã, hâur jok li chênhz zênhv, nhiv no chuôz zis li phênhv sâu cux tưz truôx tuk”.

Jok nhoz yiêz Chiềng Yên muôx 65 ziv chuôz zis, zuôr xar 300 lênhx nênhs. Khov sir jos uô nox, đros muôx chính quyền tiv phaz thiêz pêx xênhv sơưr đơưk ntơuvư qơư nhoz yiêz paz, phênhv sâu lênhx nênhs hâur jok tâu zuôr xar 18 triệu đêiv iz lênhx nênhs iz shông; qênhx shênhx ntaz tuk tsik so tâu taz por. Thâuv tưs txos tsiêz, pox nhuôs ho siz zâuv tuôx ciêz đrôngs chiê zuôr cxuô zav phưx vưv uô xênhz yar, lok zôngv hâur chuôz zis, lênhx tưs cux shir phaz. Zơưv Đặng Duy KHẩn, iz lênhx pêx xênhv hâur jok puz pâuz:“Tu zus huôv tsar tâu mak phênhv sau cux tâu ntâu. Cur chuôz zis mak iz shông cux sâu tâu mê njik nox tsiêz cux shir phaz đuô, thiêz zuôr cxuô zav cux ntâu đuô”.

Têx hnuz no, cấp ủy, chính quyền xã Chiềng Cọ tưz tsưr tsix sêiz nus chor chuôz zis nhoz yiêz, chor chuôz zis pluôs, chuôz zis tâu sơưv cêr chêi chiê lênhx tưs cux muôx tâu iz luz tsiêz tsâu sor, shir phaz. Pos Tòng Thị Bó, bí thư Đảng ủy xã Chiềng Cọ, thành phố Sơn La puz pâuz: “Jiês tsiêz mak cấp ủy chính quyền tsik so tsov cưv sêiz nus chor chuôz zis pluôs, hâur co muôx jok Chiềng Yên li chor ziv chuôz zis pluôs”.

Hâur qiv hơưv thâuv ntux yiêz, chor nhuôs zâu tâu hnar trik yo yiêz shir phaz đhiê uô si. Ntơưv ntus chuz, chor zav nox tưz tâu pox nhuôs bax cxix cxuô, hêik tơưv tsênhv đuô pêx xênhv jok nhoz yiêz Chiềng Yên thiêz thành phố Sơn La li kror tsâu sor, cxix cxuô đuô./.

(Trấn Long-Lik Thox cxêik nhênhv)

          NJÊNHS NJÔNGR MUL LƠƯR ĐANGV

Zơưv Hloz Hôx li siêz xar lok cxiv tsa Đangv zos iz hâur têx di sản lox tiv zix tsês trâu Đangv, trâu mênhx cxưx. Ntâu canr bôv đangv viên tsênhv ndo njôngr têx ntơưr Hloz sâu tsês, Hloz choz chêv “ Pêz Đangv zos iz đangv tuôr qênhx. Iz lênhx đangv viên thiêz canr bôv tsuv ndo njôngr shưz xar cơưx mênhv, tsuv uô iz lênhx nênhs jông. Tsuv tuôr cov pêz Đangv hur si, tsiv nhos zos lênhx nênhs lênhs tov, zos tsôngv box li lênhx nênhs paz hâux lưv”. Ndo njôngr lo lul heik kriê co, cxuô lênhx đangv viên tưz sir tas đas jos gôngr côngv trâu mênhx cxưx li luz nênhx txưv zơưx, shir phaz. Zos iz lênhx bôv đôiv zơưv Hloz Hôx, mul lơưr Đangv uô jênhv vưv por vêv têz qơưk, zơưv Đặng Xuân Định, chủ tịch Hội bôv đôiv lâuk quận 1, Thành phố Hồ Chí Minh lok six jông siêz đros Bộ chính trị, Trung ương Đangv li têx chỉ thị, nghị quyết, tas nro puôr lênhx muôz siêz lênhx nênhs sơưr thơưx li pưs txux hâur hâux lưv zos lênhx nênhs uô ntêx nyuôk uô têx phongz yaox: “Uô ntêx Đangv li têx canr bôv cxôngx thênhv siêz tsuv uô ntêx nyuôk hâur cơưv shâuv uô lơưr chủ tịch Hồ Chí Minh li cêr uô nênhx jông. Canr bôv thênhv siêz uô uô ntêx. Canr bôv kis đuô uô cơưv shâuv uô lơưr. Txos cxuô lênhx tsôngv box uô lơưr. Zos pêz tsi uô jông mak hâux lưv no zuôr tsi yênhx côngz”.

Zos nênhs choz tsiz, hla đhâu ntâu ntu tơưv txênhz cơưx mênhv, cheix ntux yiêz shông no zơưv Nguyễn Trọng Xuất, phưv chủ nhiệm câu lạc bộ truyền thống kháng chiến Thành phố Hồ Chí Minh, kuz phưv tsar Ban tuyên huấn khu ủy Sài Gòn- Gia Định lok six jông siêz viv pêz Đangv muôx nghị quyết Trung ương 4 lok six jông lok cxiv tsa, hlôngr yiêz Đangv. Zơưv njênhs njôngr Nghị quyết Trung ương 4 jiês no zuôr uô hlôngr yiêz jông hâur côngz xưv cxiv tsa, hlôngr yiêz Đangv: “Cxiv tsa Đangv kror xuz thơưx zos tsuv cxiv tsa chủ nghĩa nhiêv têz nhiêv qơư. Kror mak cxênhx hluôk cơưv shâuv tâu cxôngx Đangv li Nghị quyết zos nhiêv têz nhiêv qơư, nhiêv zuk tsôngv box mênhx cxưx...co zos Việt Nam li pênhr xưv thiêz siêz njê. Cur xar tiêk co zos cxênhx hluôk li têx jax cơưv lok six jông”.

Tsiv nhos đros têx cxênhx đangv viên mul uô ntêx li siêz njênhs njôngr, kỹ sư Lê Duy Phúc, iz đangv viên hluôk uô côngz xưv ntơưv Tsênhv qơư điều độ, Tổng công ty tênhv jos TP Hồ Chí Minh nhiv kruôr tâu kruôk zos iz hâur 10 lênhx công dân jông nhoz hâur thành phố heik: “Đhâu têx jax chuôv cơưv chỉ thị 05 lok cơưv shâuv thiêz uô lơưr Hloz Hôx li siêz xar, cêr uô nênhx jông; heik kriê Nghị quyết Trung ương jiês tiv 4 lok cxiv tsa hlôngr yiêz Đangv, cur jênhv pov zuk tsuv nhoz uô nênhx jông đuô. Tsuv siz jê đuô đros tsôngv lax pêx xênhv, pâuz tâu tsôngv box siêz xar chiê cxôngx co tso tơưv têx tsưr ziv jông phưx vưv tsôngv box”.

Iz cheix ntux yiêz tsênhv lol txos. Đangv, Hloz Hôx thiêz cheix ntux yiêz thâuv tưs cux đros đreiv têz qơưk. Đros pênhr xưv chính trị tâu shâuv đhâu zuôr xar 90 cheix ntux yiêz, đros siêz xar tơưv jông, car seiz đuô têx tsi tâu uô tâu chiê kho đuô, hlôngr yiêz, thiêz tiv zix tâu tsôngv box thôngx ziv, pêz Đangv zuôr lênhs tov têz qơưk hla đhâu têx phêv liv, chox mênhx cxưx Việt Nam ziv hnuz huôv tsar, vav mênhx./.

( TTHCM- Txâur Vax cxeik nhênhv)