Muôz nhiêx hli so lâuk, nhiêx BHXH trâu chor nênhs ciês ntơưv tsêr-hâux lưv uô muôx liv hâur ntu muôx moz gênhs

10 ntâu shông đhâu xav txix hnuz so lâuk, co zos jiês xuz thơưx pos Tòng Thị Uân nhoz phường Chiềng Lề, TP Sơn La tâu lênhk txeil têx nhiêx so lâuk ciês ntơưv tsêr. Hâur ntu tas nro têz qơưk tsênhv sir jos uô lơưr tsưr ziv kuôk cêv XH tsi khênhr sđ nhoz siz jê, nhoz chôngz nênhs uô cê, hâux lưv ngênhx BHXH đros bưu điện muôz têx nhiêx so lâuk, nhiêx têz qơưk paz ntơư  ciês ntơưv tsêr trâu px lok six jông:

“Muôx moz li no mak canr bôv bưu điện tuôx pheiz nhiêx hli ciês ntơưv tsêr, pêz lok six jông siêz thiêz shir phaz viv cux zôngx ziv iz kro trâu pêz, tsi tâu muk saz đrâuv, chuôs njiz, nhoz jê đros chôngz lênhx ntâu tus, viv li cur pov no lok six jông”.

Yuôr zơưv Lò Văn Tốt, 90 shông nhoz xã Chiềng Đen, TP Sơn La, tiv hnuz nhôngs siêz, tsi so trâul muôx moz gênhs, viv li muk gra tsi tâu têx nhiêx têz qơưk muôz paz ntơưv bưu điện. Hnuz no thâuv chor nênhs uô hâux lưv hâur bưu điện gra nhiêx tuôx ciês ntơưv tsêr trâu zơưv, zơưv lok six shir phaz, zơưv Tốt heik:

“Uô tsâus ntâu txos canr bôv, tưz gra nhiêx tuôx ciês ntơưv tsêr trâu cur, viv khênhr muôx moz thiêz lâuk lơưv tưz muk gra tsi tâuk. Uô tsâus lok six ntâu txos chor canr bôv, chính phủ thiêz têz qơưk”.

Sơn La zos tỉnh tox siêz, cêr mul lok phiv liv, ntâu jok nhoz kuôk đêz tsênhv qơư xã, đêz qơư bưu điện vênhx huôv yênhx châuv cêik cêr, mul lok tsuôk zos cheix yêz meir, têx lênhx nênhs uô hâux lưv hâur bưu điện tưz tsar yêz xa têx nhiêx heik sâuv muk yênhx ntu cêr đêz trâu chor lâuk nênhs, sir jos uô tiêr luôs hâux lưv zok muôz hâur têx hnuz co. Uô ntêx thâuv zuôr sơưr cêr muk, lơưr puôr lênhx uô trơưk têx tsưr ziv lok phax tir thêir moz, chox ntâuz bos kror ndâux thiêz thâuv tưs tưz gra đros têx hưx đêx cuô yuôx nzuôr têk tuô, lov caz moz:

 “Cur zos Quàng Thị Hương, uô hâux lưv hâur bưu điện vênhx huôv xã Chiềng Đen, TP Sơn La. Luz jok nhoz kuôk đêz tsênhv qơư xã yax zos 12 cêik. Txơưv đêz li ntơư lok cur cux sir jos muk cov txos trâu cxuô luz jok, khov têx hloz ntơưv qơư li: Tsar jok paz max, chiê paz cur uô tiêr luôs hâux lưv xa thiêz gra têx nhiêx so lâuk tâu txos trâu têx lâuk nênhs”.

Pos Nguyễn Thị Huệ, Tsar phongx Kế hoạch kinh doanh, Bưu điện tỉnh Sơn La heik pâuz: Jiês muôz têx nhiêx so lâuk, têz qơưk chor nhiêx paz no trâu chor lâuk nênhs tâu uô ntơưv 412 jok, muôx nhos 65 cxênhz lênhx nênhs tâu sơưv têx nhiêx têz qơưk paz, nênhs muôx côngz têz qơưk thiêz nênhs tâu sơưv nhiêx so lâuk. Chiê uô tiêr luôs hâux lưv no, tsi chiê têx lâuk nênhs, nênhs tâu sơưv tsuv nhoz tok têx nhiêx paz, nhiêx hli ntêr hnuz, bưu điện tỉnh tưz hu zâuv zuôr xar 300 lênhx nênhs đros uô têx hâux lưv co:

“Lok sâuv sxx hơưv, hnuz nhôngs mak pêz cux sir jos muôz têx nhiêx ntơư trâu chor lâuk txix hnuz 16 txos 25/4. Yuôr đuô li, chor nênhs muôz tsi tâu tâu trâu lơưr li hâur six hơưv kuôk cêv, mak tas six hơưv, hnuz nhôngs kuôk cêv pêz zuôr muôz thiêz muôz cov tas trâu hnuz xiêz 10/5”.

Li ntơư, tỉnh Sơn La muôx 6 vạn ntâu lênhx nênhs tâu têz qơưk muôz nhiêx paz tâu gra tuôx txos ciês ntơưv tsêr. Hâux lưv no tâu uô trơưk li Thủ tướng Chính phủ Chỉ thị 16 lok tsi nhoz chôngz nênhs uô cê, txar jav moz siz cik trâu chôngz lênhx nênhs thiêz phax tar moz Covid-19. No cux zos hâux lưv huv đros têx tỉnh tox siêz li Sơn La./.

(Thanh Thủy-Riê Lâux cxeik, nhênhv)

Lào Cai: ATM cxur paz trâu tsôngv box tsơưs nênhs pluôs nhoz Sa Pa

Luz mêir ATM zuôr paz tso cxur trâu chor nênhs pluôs, yênhx puô lênhx nênhs nhoz chor jok Nậm Sang, Nậm Kéng, Bản Sài…phênhv ntâu zos mênhx cxưx Xa Phó đros iz cxiê mênhx cxưx li Tày, Hmôngz, Cho tưz tuôx txos lok six nzor.

Viv chor chuôz zis puôr lênhx zos chuôz zis pluôs thiêz zuôr xar pluôs, viv li ban tsưr tsix tưz cuêz tênhv muôz trâu iz chuôz zis pluôs 10 cir cxur, chuôz zis zuôr xar pluôs 5 cir cxur đhâu luz mêir ATM zôngv mêir điện thoại sơưr đêz chiê tso cxur lok. Lênhx tưs tâu paz cxur mak cux lok six shir phaz:

“Iz kror thâuv yêiz bâuv li iz poz thâuv tsâu. Txơưv tâu ntâu thiêz tsơưs lok cux lok six jông thiêz shir phaz”.

“Chuôz zis txov nhêv, muôx oz niêv tuz xưz, mê nhuôs cux muôx 60 shông trâus tuôs iz chêr tsuôk nhoz iz kro xưz. Tâu paz cxur li no mak jông hênhr lơưv”.

Chor nênhs siêz jông đros muôz cxur paz trâu pox nhuôs nhoz Nậm Sài, zos iz luôs hâux lưv uô muôx liv paz trâu pâuz pox nhuôs ntơưv no, thâuv muôx caz moz phiv liv muk tsik tâu kror tưs, tsuôk nhoz hâur tsêr thiêz pâuz khov trâu chor blêx sâu tâu iz chiv hâur shông. Niêv tix Lê Thị Trang txix Hà Nội tuôx hêik:

“Nhoz têx thành phố lox mak muôx lok six chông nênhs siêz jông, taz sik chiê tuôx txos trâu têx qơư nhoz đêz, tox siêz mak cux lok six lax, kror no mak sơưr đơưk tsuv sir jos sik côngv siêz chiê uô, luz mêir ATM no mak lok six huv đros”.

Chiê muôx tâu luz máy ATM tso cxur no, txix chor nênhs sâu pov chir ntơưv Lào Cai thiêz têx fôngx zưs siêz jông li tsưr ziv xar xuz thơưx, tsêr cơưv Cao Đẳng Lào Cai tưz hêik chor cưk kriê ntơưr sik đros uô tâu thiêz muôz cxur muk paz trâu pox nhuôs. Pos Nguyễn Thị Bích Thủy, Phưv Trưởng khoa Tênhv-Điện tử-Tsêr cơưv Cao đẳng Lào Cai puz pâuz:

“Pêz tưz sir jos kriz uô, tsik xav đruôz hnuz hmo ntux, sơưr đơưk puôr lênhx sir jos uô hur si, tar su tsuôk nox su tas mak piz kriz uô ciês, hmo ntux mak uô txos 9-10 six iz tas hmo, txix têx sir jos co mak pêz tưz uô tâu luz mêir no”.

Hâur hnuz xuz thơưx, luz mêir ATM tso cxur no, tưz tso muôx 2 tấn ntâu cxur paz trâu 200 ntâu ziv chuôz zis. Thiêz hâur  ntu zuôr txos no, pêz zuôr chox luz mêir no muk trâu chor thax tsav qơư txov nhêv txơưr đuô xưk li thax tsav ntus đriv, têx qơư Công nghiệp chiê tso cxur muôz paz trâu pêx xênhv./.

(An Kiên-Lik Thox cxêik nhênhv)