Jax sâu thưr 2.24.10.2016:

LÀO CAI UÔ JÔNG LUÔS HÂUX LƯV QÊZ SUÔ TÊX VUÔZ TSUÔZ KIÊS NÊNHS

          Tưz zuôr xar 3 luz hlik lok no, cxôngx thâuv tsêr meir jov hlươr têx vuôz tsuôz kiês nênhs tror huôx tôngv, niêv lâuk Nguyễn Thị Mai chuôz zis nhoz phường Duyên Hải, thành phố Lào Cai cux li ntâu chuôz zis nhoz no tưz tso tsês cêr cor cav por têx vuôz tsuôz kiês nênhs ntơưv kaz vas tsiz tâus. Cxôngx thâuv cxaz chuôz uô luôs hâux lưv qêz suô têx vuôz tsuôz kiês nênhs, tâu heik kriê tsưr ziv uô thiêz sâu têx vuôz tsuôz kiês nênhs lơưr cui tênhv, niêv lâuk Mai li thax tsav qơư nhoz hur đu đuô lok six ntâu.

          Lơưr cui tênhv, iz chuôz zis zuôr chiv chir pheiz têx zav vuôz tsuôz kiês nênhs yênhx 2 zav. Iz zav tâu nhân viên tênhx qơư tuôx qêz suô mul hâur niêx hnuz, iz zav mak txos têx hnuz thưr 3, thứ 5 thiêz thứ 7 yênhx ciêz thiêx li tuôx qêz suô. Niêv lâuk Nguyễn Thị Mai puz pâuz:

          “ Qir thơưx mak cưr thiêz ntâu lênhx nênhs txơưr pov lok six phưx txuôx viv hnuz tưs cux tsuv pheiz têx vuôz tsuôk kiês nênhs yênhx 2 zav. Taz sik thâuv tâu yax mông, heik kriê lok hâux lưv no li liv zix por vêv tênhx qơư mak cur pov zuôr trâus uô thiêz hâux lưv no chox lol chêx cuk lêx ntêr trâu tov kaz no”.

          Chiê muôz siêz têx ziv chuôz zis uô lơưr tsưr ziv pheiz têx vuôz tsuôz kiês nênhs uô 2 zav txơưr, chính quyênx xã, phường TP Lào Cai tưz đros CÔng ty TNHH MTV tênhx qơư đô thị tỉnh, têx nganhx muôx txơưx jênhv qênhz yuôx, cxơưz cxiz, yax mông thiêz muôx tsưr ziv yưr lir txos qơư đros têx lênhx nênhs tsi uô lơưr cui tênhv.

          Chiê muôx tsưr ziv bluô đros têx lênhx nênhs uô cxâuv chêi tsưx phưv tênhx qươ, công ty TNHH MTV tênhx qơư đô thị Lào Cai thiêz xí nghiệp tênhx qơư TP Lào Cai tsi sâu têx chuôz zis, tsưr tsix uô cxâuv cui tênhv li têx vuôz tsuôz kiês nênhs. Zơưv Nguyễn Mạnh Hùng, giám đốc xí nghiệp yưr sêiz car qêz suô têx vuôz tsuôz kiês nênhs Thành phố Lào Cai heik:

          “ Zos tax tâu 100% mak chor vuôz tsuôz kiês nênhs tsuv yưr lir ntơưv tsêr meir zuôr chuôz ndê, tax cxôngx 80 txos 100 tênhr iz hnuz. Chiê tax tâu uô ntêx côngz xưv vênhv tôngv, yax mông tsôngv box pheiz têx vuôz tsuôz kiês nênhs cov jông thiêz tiv oz zos pêz mul sâu thiêz thâux têx vuôz tsuôz kiês nênhs mak cux zuôr chuôz cxaz têx yêz thâux”.

          Tsêr meir sêiz car têx vuôz tsuôz kiês nênhs tỉnh Lào Cai zos qơư qêz suô têx vuôz tsuôz kiês nênhs lox tiv zix hâur tỉnh, tâu cxiv tsa lơưr công nghệ châu Âu, cxiv uô sâuv mênhv chêx đar 30 hecta, nhoz jos Tòng Mòn, xã Đồng Tuyên, Thành phố Lào Cai, đros tas nro pênhr cxiv uô zos 81 tỷ đeiv cxôngx pênhr ODA thiêz tỉnh li pênhr. Tsêr meir huôx tôngv cxôngx hli 10/2015 thiêz tsêr mêir no, iz hnuz jov hlươr tas 147 tênhr têx vuôz tsuôz kiês nênhs hâur  thax tsav thành phố Lào Cai, thị trấn Bát Xát thiêz thị trấn Sa Pa tỉnh Lào Cai, đhâu co uô yênhx qir zuôv... Tsêr meir li qơư tsov txos zos 85% têx vuôz tsuôz kiês nênhs sâu lol zuôr yưr lir tas. Zơưv Phạm Văn Tân, giám đốc Công ty TNHH tênhx qơư thiêz đô thị Lào Cai puz pâuz:

          “ Đhâu six hơưv huôx tôngv thiêz siv uô mak côgn ty cux nhênhz chơưv thiêz cxaz nzir meir jov, liv cov mê đuô, tsơưr lươngv cux tâu jông đuô chiê chox lol trâu niêv ciêz”.

          Lào Cai zos tỉnh xuz thơưx hâur thax tsav Tây Bắc uô công nghệ pheiz têx vuôz tsuôz kiês nênhs chiê jov uô qir campost. No zos công nghệ tâu zôngv ntâu tiv zix sâuv ntiêx têz nhiv no, chiê tror uô cov tâu truôx luôs hâux lưv qêz suô thiêz jov hlươr têx vuôz tsuôz kiês nênhs paz por vêv tênhx qơư. Pheiz têx vuôz tsuôz kiês nênhs tsi zôngx ziv, viv tsuv hlôngr yiêz tsôngv box li cêr cor cav hâur niêx hnuz. Viv li, đrâuv hâux lưv cxơưz tiês yax mông muôz siêz tsôngv box li siêz xar, txơưx jênhv mak hâux lưv hlôngr yiêz tsưr ziv qêz uô têx vuôz tsuôz kiês nênhs cov huv đros tsik uô vuôz tsuôx kiêk nênhs tênhx qươ hâur thax tsav đrôngl Lào Cai./.

                   (Thanh Thủy- Txâur Vax cxeik nhênhv)

Phênhv thưr 2 hnuz 24/10/2016:

Cxiv kho đuô Đảng piz uô txix yênhx lênhx đảng viên

Têx xor xưv nhiv kruôr hêik đhâu tsik ntêr lok no, chor nênhs zos đảng viên têx uô zuôv xưk li Trịnh Xuân Thanh lok sik chiê iz lênhx nênhs tsik zos đảng viên uô tsar ban sêiz car cêr hlâu đô thị thành phố Hồ Chí Minh, uô trâu chôngz lênhx pêx xênhv xar tiêk muôx đảng viên tsik jông thiêz cux tsik thav sir jos chiê tâu nhoz hâur đảng. Viv li, đảng viên tsuv sir jos thiêz zos nênhs uô ntêx hlo chiê chor hluôk sir jos cov tâu nhoz hâur đảng. đảng viên Phạm Thái Ngọc, bí thư đoanx nhoz saz Bộ tênhv qơư puz pâuz:

“Đảng viên mak zuk tsuv pâuz sir jos cơưv shâuv, ciês txix thâuv tâu nhoz hâur Đảng. uô tâu li thiêx hla đhâu tâu têx phiv liv chiê zos yênhx lênhx Đảng viên sir jos viv pêx xênhv. Tiv oz thiêz tsuv ndax ndênhk lok cxuô kror muôx, shưz xar hâur hâux lưv thiêz xênhz huôx”.

Tưz txos thâuv yênhx lênhx đảng viên, yênhx cơ sở Đảng tsuv sêiz shuôk, cxiv kho đuô zuk têx luôs hâux lưv uô, uô trâu pêx xênhv njênhs njôngr. Chôngz nênhs thav tiêk, côngz xưv huôv tsar đảng, tsa nhoz đảng viên yiêz nhiv no tâu uô zongx ziv; taz sik cux tsuv tsov cưv txos tsơưr lươngv. Xêir tsov tâu chor nênhs siêz jông, tsiv txiêx  chiê nhoz hâur Đảng mak thiêx zuôr muôx chor đảng viên uô tâu truôx cxuô luôs hâux lưv hâur têz qươs. Pos Mai Kiều Liên, Bí thư Đảng ủy, Tổng giám độc công ty cổ phần cuô mik Việt Nam (Vinamik) hêik tiêk:

“Zov chênhr tiv zix cux zos lênhx nênhs. Thâuv pêz chiê nhoz hâur đảng, co tsuv zos nênhs jông, chiê sơưr đơưk cơưv shâuv lơưr, phiv liv mak tsuv muôx đảng viên uô, đảng viên tsuv cêr chêx tâu hâux lưv, tsuv sir jos uô trâu cxuô kror chuôz ndê”.

Sơưr đơưk njiê cươv shâuv đảng viên chiê uô nênhx, viv li đảng viên tsuv uô ntêx nyuôl trâu cxuô luôs hâux lưv. Đảng viên njiê trâu lênhx tov, nênhs sơưr thơưx nhoz zuk taz viv, viv li đảng viên zos nênhs sơưr thơưx mak hax zav tsuv ndax ndênhk, uô ntêx hlo. Zơưv Đinh Công Ty, Đại tá so lâul, 81 shông, 58 shông nhoz Đảng hêik:

“Tsuv uô tâu nghị quyết 4 khóa 11 lok cxiv tsa Đảng. Uô tâu li co sơưr đơưk thiêz njênhs Đảng. xar uô tâu li mak chor nênhs nhoz trung ương tror sâus tsuv uô ntêx hlo, thênhv kik tsuv uô cov jông, hêik tsơưs uô ntâu, zos nênhs uô ntêx hlo, thiêz shưz xar jông”.

Cux lok vênhv thix no, Đại tá Trịnh Khắc Thuyết, 65 shông, kuz phưv tham mưu trưởng quân chủng hải quân hêik tiêk:

“Chor nênhs lênhx tov, chor nênhs sêiz car nhoz thênhv siêz, thênhv kik tsuv zos nênhs chiê sơưr đơưk cơưv shâuv uô trơưk. Uô lênhx tov mak tsuv hêik tâu uô tâu thiêz tsv qênhz yuôx sê kror co zos lok tsik zos, tsuv uô cov txos qơư. Uô cov tâu mav chiê li, têx kror co zos kror chênhr chiê cxiv tsa đảng viên”.

Pov tâu tiêk, pêx xênhv njênhs trâu đảng, môngs lơưr đảng, uô lơưr đảng cov yênhx iz lênhx đảng viên tsik txiêx, uô tâu truôx cxuô luôs hâux lưv zok muôz. Yênhx lênhx đảng viên, uô tâu tiêr zuk hâux lưv mak thiêx muôx tâu iz chi bộ jông, đảng bộ jông, hur. Viv li, cxiv kho Đảng nhiv no tsuv piz uô txix yênhx lênhx đảng viên./.

                                  (TTTPHCM-Lik thox cxêik nhênhv)