Jax sâu thưr 3 hnuz 25/10/2016

Yên Bái: caz njis ruôr hiêv yênhx puô hec ta đâux txis

Tix lâus Dương Trung Minh li chuôz zis nh0z xã Kiên thành, huyện Trấn yên, tỉnh Yên Bái iz ciêz no njiz ntâu phiv liv viv chuôz zis li chor đâux txir trâus caz njis nox blôngx tas. Tix lâus Minh puz pâuz, chuôz zis li 4 hec ta đâux txis txix 4 txos 5 shông tsuôk yuôr muôx oz shông xưz tưz zuôr jông sâu. Taz sik li nhiv no iz đraz chor no trâus caz ruôr hiêv, hâur co, xar muôx iz hec ta ntâu zuôr sâu tsik tâu. Tix lâus chuôz zis zos chuôz zis pluôs, tas nro tsêr tsuôk khov trâu vax ntông đâux txis, nhiv no thax tsav đâux txir trâus hiêv ntâu, tix lâus cxơưx hlo:

“Tsik pâuz uô li chak hlo viv tuôs ntâu hênhr, viv ntông zos củ li phênhv sâu chênhr”.

Đồng Song zos jok muôx thax tsav đâux txis trâus caz nox blôngx ntâu tiv zix hâur xã Kim Thành. Tsưr jok Triệu Đức Trung puz pâuz: tas nro jok muôx 600 ntâu hec ta đâux txis, mak zuôr xar 10 hec ta trâus caz ruôr hiêv; chor caz muôx txix oz pêz châuv tuk txos oz pêz puô tuk sâuv iz tsoz đâux txis. Ciês thâuv pov trâus caz ruôr hiêv, pox nhuôs hâur jok tưz uô ntâu tsưr ziv tir tar, taz sik chor caz njis co tsik zos tâu txo grêk tsơưs mak ziv hnuz ziv chôngz đuô. Zơưv triệu Đức Trung puz pâuz:

“Ciês thâuv pov nhuôs pov trâus caz ruôr hiêv mak pox nhuôs tưz chiv chir muk cho ntông, cov caz pôngz lok thiêz muôz tuô. Đhâu co cux muk zuôr yuôx lok tsuôs viv thâuv co tsênhv tsik tâu muôx ntâu, taz sik tsik muôx chêx cur thiêz ziv hnuz ziv muôx ntâu caz đuô”.

Lơưr phongx kôngz nuv thiêz huôv tsar jêx jok huyện Trấn Yên:caz nox blôngx đâux txis zos caz njis, tưz muôx jiês huôv xênhz hênhr trâu shông 1993, shông no ho tror huôv xênhz đuô. Txos six hơưv no, tas nro huyện tưz muôx 110 ntâu hec ta, hâur tas nro 10.200 hec ta đâux txis trâus caz njis nox blôngx. Tsêx trung nhoz tas nro chor xã chos đâux txis li: Y can, Hồng Ca, Lương Thịnh, Hưng Khánh, Quy Mông, tân Đồng…Hâur co Kiên thành zos tiv phaz trâus hiêv ntâu tiv zix. Nhiv no chor phongx ban uô hâux lưv no nhoz huyện tsênhv đros pox nhuôs kriz uô ntâu tsưr ziv chiê tir thêir caz njis hiêv txos ntông. Zơưv Nguyễn Tiến Triển, phưv trưởng phongx kôngz nuv-huôv tsar jêx jok huyện Trấn Yên puz pâuz:

“Đros thiêz xã kiên Thành muôx thax tsav trâus hiêv ntâu đuô chor xã txơưr đuô, huyện tưz paz trâu xã mêir tsuôs yuô thiêz yuôx chiê tsuôs tuô lov caz tsik chiê caz cik trâu thax tsav đar. Taz sik hâur ntu no caz njis tsênhv muôx nhoz ntâu fâuv, muôx fâuv tsênhv zâu, fâuv mak tưz zos caz njis lâul, fâuv mak tsênhv uô lưk, viv li chiê tir thêir mak tsuv tsuôs yuôx ntâu jiês”.

Lơưr Chi cục por vêv đrox tsuôs tỉnh Yên Bái, qiv hơưv chor hnuz zuôr txos zuôr zos tsar tov zôngx ziv chiê caz njis nox blôngx đâux txis huôv star. Viv li, chiê phax tar zav caz njizz no muôx chêx cur, pêx xênhv tsuv zôngv chor yuôx huv lơưr cơ quan uô hâux lưv no li hêik kriê./.

                                   (Thừa Xuân-Lik thox cxêik nhênhv)

Phênhv thưr 3, hnuz 25/10/2016:

NÔNGX MÊNHX ZUÔR TSUV PÂUZ

                                                   Luk Hmôngz (Số 25)

Tso hnuz:….hli…shông 2016

                                                   Chor uô: VOV4

Nhạc hiệu “Nôngx mênhx zuôr tsuv pâuz”

Tsôngv…!Chưx tsik tâu cêr yêiz pluôs Kruô x Shôngx nhoz jos Đề Sủa, xã Lao Chải, huyện Mù cang Chải-Yên Bái, zos iz lênhx uô siêz truôx bo kir txêik têx fôngx zưs cxênhz jê mê njik nhiêx chiê huôv tsar tu zus ok.

TU ZUS OK NTÊS KÊ

          Hlôngr suôz

          Txix hli 5 shông 2015, zơưv Kruô x shôngx tưz chuôz piz cxiv uô chôngx; qơư  đros trâu khơưz pak đêx thiêz zuôr tâu 200 tus ok nôngz chox lok huôv tsar tu zus; xav têx pênhr nhiêx uô ntơư tas 60 ntâu triệu; hâur ntơư, kir txêik hội nôngz kôngz huyện 5 triệu đêiv.

          Đros ntơư, zơưv kruô tưx muk cơưv shâuv tsưr ziv  huôv tsar tu zus ok ntês kê thiêz  cxuô faz tsưr ziv tir thêir caz moz ơưk trâu ok. Chênhr zos uô tâu trơưk tsưr ziv njuôk xav, nhiv no zươv kruô ziv chuôz zis chor ok tưz huôv vav txos 300 tus. Hâur 300 tus ok ntơư, hâur iz  ntês tâu 200 luz kê chiê muôs trâu ciêz đrôngl; muôs iz luz 3 cxênhz đêiv nhiêx. Đros ntơư, zơưv kruô ziv chuôz zis tsênhv huôv tsar chos cxuô zav txir ntông thiêz chos cxuô zav jâuz cov muôx txâuk cxuô zav jâuz  chox lok shơư hmôngr poz cưk trâu ok nox hâur yênhx hnuz.

          Iz chas huôv tsar tu zus ok, zơưv kruô ziv chuôz zis tsênhv tu zus tâu 10 tus nhux tưv nhux đas thiêz huôv tsar tu zus 10 ntâu tus buô đros trâu yênhx puô tus kêiz. Txix têx tsưr ziv huôv tsar tu zus tsiêx cxu, muôs trâu tuz luôv ciêz đrôngl, zơưv kruô ziv chuôz zis tưz sâu tâu 2 puô ntâu triệu hâur iz shông.

          Txix zơưv kruô têx tsưr ziv huôv tsar uô nox ntơư, txos trâu nhiv no, tsôngv px hâur jos Đề Sủa tưz muôx chôngz lênhx ntâu tus cơưv shâuv zơưv kruô têx tsưr ziv tu zus tsiêx cxu; hâur ntơư muôx 6 ziv chuôz zis tưz sâu tâu 70 ntâu triệu hâur iz shông. Pir li Vưx x Zax; Chơưr x Zax. Nhiv no, xav hur si chor tsiêx cxu lox zâuv hâur jos, muôx txos 5 cxênhz tus thiêz txiê têx luôs hâux lưv uô ntơư, pov njôngr tsôngv px sđ tưz muôx luz nênhx truôx tuk, tsâur sor jux juk.

          Phênhv nôngx mênhx zuôr tsuv pâuz ciêz no zos Đêix nta suôz đros tsênhv qơư cxiz kôngz têz qơư uô./.

                                                                             (Tsu cxêik, nhênhv-VOV4)