Jax sâu thưr 4.26.10.2016:

ZUÔR BẢO HIỂM Y TẾ CHIÊ ZÔNGV YUÔX  ARV KHO CHOR NÊNHS TRÂUS CIK CAZ MOZ HIV

          Bảo hiểm y tế muôx liv jông đros nênhs moz gênhk. Đros thiêz nênhs moz HIV, Bảo hiểm y tế ho ziv coaz tsôngv đuô viv lơưr tsuv zôngv ARV kho moz hâur niêx hnuz. Hâur co phênhv paz txưv yuôx ARV cxôngx ntiêx têz trâu nênhs moz HIV nhoz pêz têz qơưk tsênhv trâu txu grês mak tsưr ziv tâu tsov cưv hâur zôngv ARV kho moz zos: Seiz njuôs moz BHYT trâu nênhs moz HIV viv BHYT li têx liv zix gra lol. Zơưv Nguyễn Mạnh Dũng- Phưv giám đốc BHXH tỉnh Điện Biên puz pâuz:

          “ Nênhs cxaz chuôz BHYT mak trâus moz HIV tâu cuiv BHYT thêv tas nro têx yuôx muôx bê tâu Bộ y tế cui tênhv thiêz yuôx ARV. Đrâuv co tâu thêv têx hóa chất, chuôz zênhx y tế, jix vuv kỹ thuật, uô têx njuôs siv đros pox niêv muôx mê nhuôs hâur chêr lok sik thâuv xênhz zus nhuôs thiêz njuôs siv HIV lơưr zoz qơưx chuyên môn thiêz kho moz dưv phax...”.

          Li ntơưv, zos tsi muôx BHYT, nênhs trâus moz HIV zuôr pôngz lok six ntâu nhiêx txiêx thâuv zôngv yuôx ARV kho moz thâuv tsi yuôr phênhv paz txưv. Đros co, hâux lưv kho têx zav moz txơưr cux zuôr txu grês. Viv muôx ntâu lênhx nênhs muôx tsi txâuk nhiêx txiêx chiê kho moz. Kror co uô zênhr shar lox txos chêx cuk zôngv yuôx ARV kho moz. Hâur co, đros têx lênhx nênhs trâus moz HIV nhoz Điện Biên, đrâuv nênhs moz tâu cungz ntơưr BHYT lơưr nênhs pluôs mak têx lênhx nênhs moz zuôr xar pluôs ndê mul phênhv ntâu tsi zuôr BHYT, lok sik tsi muôx theox chênhv zuôr BHYT. Iz lênhx nênhs moz HIV nhoz phường Sông Đà- thị xã Mường Lay, tỉnh Điện Biên puz pâuz:

          “ Tsi zos nênhs moz tưs cux muôx nhiêx txiêx, muôx ntâu nênhs moz pluôs, txov nhêv hênhr. Zos hâur six hơưv zuôr txos tsi tâu sir zôngv yuôx tsi pôngz nhiêx txiêx mak cur zuôr sir jos zuôr BHYT chiê cur tror tâu sir zôngv yuôx”.

          Đros tỉnh Điện Biên, hâux lưv seiz njuôs thiêz kho moz zôngv BHYT trâu nênhs moz HIV qir uô côngxx hli 6 shông no. Đhâu zuôr xar 5 luz hlik krêz uô, tas nro tỉnh tưz muôx zuôr xar 2.800 nênhs moz HIV zôngv yuôx ARV kho moz muôx BHYT, tsav 40% ntâu tas nro nênhs moz zôngv ARV nhoz tỉnh. Bác sỹ Lương Đức Sơn- Phưv giám đốc Sở y tế Điện Biên puz pâuz:

          “ Pêz yuôr 60% nênhs moz HIV tsi tâu muôx BHYT. No zos têx nênhs moz mak pêz tsuv vênhv tôngv chiê lơưr zuôr BHYT, paz lơưr txu grês têx phêv liv lok nhiêx txiêx thâuv kho moz zôngv yuôx ARV”.

          BHYT tâu seiz zos kror paz txưv lok six ntâu đros nênhs moz HIV, viv đrâuv zôngv ARV kho moz, lơưr lok six zuôr trâus muox ntơưr BHYT chiê kho moz thiêz têx moz txơưr. Đrâuv cxơưz tiês yax mông chiê têx lênhx nênhs trâus moz HIV sir jos cxaz chuôz BHYT, Điện Biên cux zuôr trâus muôx tsênhv chei tsênhz mênhx lok paz txưv trâu nênhs trâus moz HIV muôx BHYT, paz thêv phênhv tưs têx nhiêx phir chiê têx nênhs moz tso siêz kho moz, jav tâu qênhx shênhx ntâu lênhx nênhs viv tsi muôx nhiêx txiêx kho moz mak tso tsês, uô moz njuôs xav cik txos côngv thôngx./.

( Lê Dung- TXâur Vax cxeik nhênhv)

Phênhv thưr 4 hnuz 26/10/2016

Têx phiv liv lox txix siz zuôr tsik tâu txưv shông

      Qênhx shênhx siz zuôr tsik tâu txưv shông muôx nhoz cxiê qơư thiêz tsêx tsung phênhv ntâu zos ntơưv têx thax tsav tox siêz, thax tsav ntus đriv, poz hiêr, qơư muôx chôngz tsôngv box mênhx cxưx tsơưs nênhs nhoz. Siz zuôr nzor tsik tâu txưv shông uô muôx yưv yêiz pluôs, tsik pâuz ntơưr, uô ruôr hiêv txos đas jos thiêz cêr coangz siv xã hội li:

Lok đas jos: Siz zuôr nzor tsik tâu txưv shông zuôr uô ruôr hiêv txos chor nhuôs zâu li đas jos, tiv zix zos chor nhuôs nxêik tsik tâu muôx 15 shông zuôr zôngx ziv trâus tuôs zos xênhz zus mê nhuôs ntâu pir li chor pox niêv muôx 20 ntâu shông tror sâur. Chor mê nhuôs muôx niêv tsik tâu txưv 18 shông zuôr tsik hnhar cir lok sik trâus tuôs đuô chor mê nhuôs txơưr đuô. No zos kror hêik pâuz lok đas jos, viv kror zôngx ziv trâus tuôs thiêz muôx moz nhoz lênhx niêv tsik tâu tsov cưv txos cov huv đros.

Lok tênhv qơư zoz zux: Siz zuôr nzor zuôr tsik tâu muk cơưv ntơưr thiêz uô tuôr thênhv ntâu txos cêr cươv txux chi, têx kror lok nhuôs zâu li đas jos cux xưk li đros chêr.

Lok kinh têr: Siz zuôr nzor uô trâu cêr nriêr nox lok sik paz lok kinh têr trâu chuôz zis muôx tsik ntâu uô muôx yưv yêiz pluôs ziv hnuz ziv chuôz ndê.

Lok cêr uô nênhx: Thâuv siz zuôr nzor mak zuôr tsik tâu nhoz so, tsik tâu uô si, cxaz chuôz têx huôx tôngv uô si thiêz tâu cxaz chuôz chor xênhz huôx vênhx huôv vênhv nghệ huv đros zuk hnuz nhôngs.

Lok xã hội: Siz zuôr nzor tsik tâu txưv shông zuôr uô phiv liv zov chênhr trâu huôv tsar xã hội; Lar hêik zos zuôr muôx yuv chôngz lênhx nênhs tsik txơưx njê, nênhs trâus sêv khiz luz chêr chôngz zuôr uô phiv liv txos xã hội. Đuô li, phênhv ntâu chor gơưv niêv txir siz zuôr thâuv tsênhv zâu, tsuv so ntơưr, cươv tsik tiêr ntơưr, uô trâu yêiz pluôs, ntâu gơưv niêv txir siz đrâux siz tso, phiv liv ciês txos trâu nhuôs zâu li qênhx liv.

Cxuô lênhx nênhs tsuv muôx têx huôx tôngv tsênhv tsênhz xưk li yax kriê, vênhv tôngv đros chor tsưr ziv xưv lik  truôx lơưr pháp luật li chor cuiz tênhv thiêx cê zoz zux, cê kruôz zuôv đros chor nênhs phamv cxâuv. Uô tâu li thiêx zuôr txo grêk tsơưs ntâu tiv zix qênhx shênhx siz zuôr nzor xưk li nhiv no./.

                                                (Hồng Việt-Lik Thox cxêik nhênhv)