Jax sâu thưr 3 hnuz 26/72016:

Jax 3: Txox cêr tưs paz trâu qênhx shênhx tsik muôx hâux lưv uô nhoz Tây Bắc

Zơưv Nguyễn Đức Lành, phưv giám đốc sở lox tôngv-xaz pênhz thiêz xã hội tỉnh Lào Cai puz pâuz: vênhv thix cêir chêx hâux lưv uô trâu chor nênhs tsik muôx hâux lưv uô tsênhv zos kror phiv liv trâu cxuô cấp chinhr quyền hâur tỉnh, tiv zix zos paz muôx hâux lưv uô huv đros nganhx nghêx thox cxov. 6 cxênhz lênhx shux xênhz đhâu cơưv tiêr ntơưr thor tsik tâu hâux lưv uô ntơưv Lào Cai nhiv no đrâuv qir tiv xêir cơưv tsik huv mak pưk txux yax kriê, thôngz mông lok lox tôngv, hâux lưv uô sâuv tas nro tỉnh cux tsênhv phuôx huiz tsik tâu tâu huv đros; đros co, têx qơư zuôr uô hâux lưv hâur thiêz đrâuv têz qơưk ntơưv Lào Cai tsênhv ziv hnuz ziv xar nriêr nênhs lox tôngv zos chor nênhs txơưx:

 “Chiê taz por huv đros nhoz zoz qơưx sir zôngv lox tôngv thiêz nganhx nghêx chiê tsik lav phêv mak cơ quan têz qơưk thiêz nênhs lox tôngv li txơưx jênhv cux zos iz phênhv. Taz sik lơưr luật lox tôngv mak zuôr uô tâu cxuô kror hâux lưv tsuôr zos tsik zuôv chêi, iz lênhx nênhs tsuv cơưv ntâu nghêx mak thiêx zuôr xêir tâu hâux lưv huv đros, truôx tuk đuô, muôx phênhv sâu siêz đuô”.

Zơưv Nùng Văn Nim, phưv giám đốc Sở lox tôngv-xaz pênhz thiêz xã hội tỉnh Lai Châu hêik: Đrâuv chor cử nhân, kỹ sư tsik muôx hâux lưv uô, shông 2015 Lai Châu tưz thox cxov nghêx trâu 5.100 ntâu lênhx nênhs, taz sik tsuôk muôx 110 lênhx nênhs muôx hâux lưv uô yiêz đhâu thâuv cơưv tiêr. Qir tiv zos tiv phaz nhiv kruôr muôx 1.000 ntâu doanh nghiệp, taz sik phênhv ntâu zos hov tov thơưx thiêz zâu viv li cux paz trâu tsơưs lox tôngv phôv thôngz uô hâux lưv, tsik tâu hêik txos chor lox tôngv cơưv tiêr đại học thiêz cao đẳng. đros chor shux xênhz tưz cơưv tiêr tsêr cơưv nhiv no tsênhv tsik tâu muôx hâux lưv uô, tsưr ziv uô ntêx zos tsuv tror muk cơưv nghêx chiê tror lok nriêr hâux lưv uô huv đros kinh tế kôngz nuv nhoz tiv phaz lok sik muk uô hâux lưv saz đrâuv têz qơưk. Tsuôk zos uô tâu li co mak vax tsêr thiêx zuôr thêv tâu nux gri.

Thav lok vênhv thix no đros Ban chox kriê Tây Bắc, pos Hoàng Thị Hạnh, phưv ban chox kriê Tây Bắc puz pâuz: Qênhx shênhx shux xênhz tas nro têz qơưk cơưv tiêr ntơưr tsik muôx hâux lưv uô cux zos iz kror muôx nhoz Tây Bắc. chor shux xênhz cơưv cao đẳng, đại học lơưr thôngz sâu tsik tâu cxuô nhiv no zos 50 cxênhz ntâu lênhx. Kror zov chênhr zos chor shux xênhz tơưv tsêr cơưv tsik muôx hâux lưv uô phênhv ntâu zos mênhx cxưx tsơưs nênhs. Nriêr tsik tâu hâux lưv uô cux muôx ntâu qir tiv; hâur co, têx jâuv zos tiv cêv kuôk lok côngz xưv cán bộ, công chức thiêz viên chức tsik tâu huv đros nhoz tiv phaz. Tiv 2 zos tsơưr lươngv chor shux xênhz hâur xêir zuôr muk cơưv tsik đhâu thik tưr cơưv tiêr ntơưr nhiv no cux tsênhv tsuv tror sêiz shuôk đuô tsưr ziv thox cxov cán bộ mênhx cxưx tsơưs nênhs. Viv li, hâur six cxiv no tsênhv sir jos uô tsưr ziv thox cxov cov huv đrosphênhv lox tôngv huv đros tsênhv tsênhz, kror liv nhoz tiv phaz; iz zav li kror tưs zos kôngz nuv, kror tưs zos đêx nuv; kror tưs zos qơư kriz uô tâu ntâu doanh nghiệp, tổ uô xênhz yar tõ thơưx thiêz zâu chiê zaz zâuv chor nênhs thox cxov no. Sir jos thox cxov pênhr jos huv đros yênhx ntu sik txơưr. Kror tiv 2 zos gra siêz chor cơ sở kriê nghêx li tsơưr lươngv thox cxov. Pos Hoàng Thị Hạnh, phưv Ban chox kriê Tây Bắc hêik:

 “Hâur tas nro cxuô jiês cơưv 6 luz hli hâur shôngk shông lok sik ntâuk gri shông mak trưởng ban chox kriê Tây Bắc cux tưz hêik đros chor tỉnh sir jos uô iz cxiê kror hâux lưv chiê paz muôx chor tsưr ziv chiê uô li chak txix thox cxov txos sir zôngv huv đros. Tsênhv tsênhz zos: Chor tsêr cơưv tsuv njuôk xav nganhx nghêx cơưv ciês thâuv tsênhv nhoz sâuv tsêr cơưv. Đhâu thâuv cơưv tiêr, chiê muk cơưv đại học thiêz cao đẳng, Trung cấp cux zos kror zov chênhr chiê huv đros zuk tiv phaz. Kror tiv oz thiêz tsuv hêik trâu pêx xênhv pâuz tiêk cơưv ntơưr tsik zos lok uô cán bộ, lênhx tov mak tsuv hêik trâu lơưr pâuz tsênhz zuk uô đaz tsik chiê paz tâu trâu xã hội”.

Kror paz njuôk xav hâux lưv uô trâu chor shux xênhz ciês thâuv tsênhv nhoz sâuv tsêr cơưv ntơưr zos kror tsuv uô nhiv no, chiê phênhv tưs paz khưx phưx trâu qênhx shênhx tsik muôx hâux lưv uô nhiv no nhoz tox siêz faz bắc. đros co zos côngz xưv yax kriê trâu pêx xênhv pâuz tâu cơưv ntơưr tsik thav zuôr zos muk cơưv đại học, cao đẳng mak kror zov chênhr zos uô li chak chiê paz trâu xã hội. Thiêz iz kror tsuv uô zos yênhx tiv phaz hâur phênhz hâux lưv uô zos tsuv tsưr tsix chor huôx tôngv ciês tiv phaz chiê chor shux xênhz jênhv pâuz zuk li txux chi. Uô tâu li co, cêir chêx tsik muôx hâux lưv uô trâu tox siêz thiêx li muôx luk têz thiêz cêr bâu suôr cơưv ntơưr chiê muôx tâu iz luz nênhx jông đuô, tsik yuô txov nhêv thiêx zuôr zos kror tsênhv tsênhz./.

(PV TTTB-Lik Thox cxêik nhênhv)

Phênhv thưr 3, hnuz 26/7/2016

PHÊNHV NÔNGX MÊNHX ZUÔR TSUV PÂUZ

Luk Hmôngz: ( số 12)

Hnuz tso: Thưr 3 hnuz 26 hli 7 shông 2016

Nhạc hiệu chuyên mục “ Nhà nông cần biết”

Tsôngv box…! Nzaz nzơưv têx muôx jông ntơưv qơư zos muôx ntâu jôngr ntông, tox trôngz, tix lâus Vax Xênhv Zax nhoz jok Dế Xu Phình A, xã Dế Xu Phình, Mù Cang Chải, tỉnh Yên Bái chuôz zis tưz sir jos thiêz pheiz têx mur uô ntâu xuz chiê tu zus.

Zus mur cxuz cêr yeiz pluôs.

( Hlôngr suôz)

Shông 2012, tâu kêr txeik têx pênhr nhiêx huôv tsar uô nox thiêz paz tsưr ziv lok sâuv tu zus mur, tix lâus Vax tưz truôx siêz bo cxiv uô trâur nuv tu zus mur zuôr jiz. Đros têx têx sir jos, tsưr ziv uô, txix tu zus zuôr xar 10 xuz mur, txos nhiv no tix lâus tưz muôz têx mur pheiz, zus tâu xar muôx 100 xuz. Tix lâus Vax shir phaz heik pâuz tiêk: “tu zus mur tsi yuô txov, ho muôx phênhv sâu tâu nhiêx txiêx siêz. Shông nhiv kruôr, cur chuôz zis muôs têx jiz mur ntơư tưz sâu tâu muôx nhos 100 ntâu tsov đeiv nhiêx. Cur chuôz zis nhiv no tưz muôx txâuk nox txâuk hnar, txos cheix yeiz tưz tsi trâus têz qơưs paz paz cxur nox li đrav ntêx lơưv”.

Nguyễn Văn Toản, đhâu 3 shông sir jos tu mur thiêz pheiz têx mur tu zus uô ntâu xuz, txos nhiv no tưz muôx zuôr xar iz cxênhz xuz mur, hâur ntơư muôx 600 xuz nhoz ntơưv xã Dế Xu Phình thiêz zuôr xar 400 xuz ntơưv têx xã txơưr đuô. Shông 2014, tâu phongx Kôngz nuv huyện Mù Cang Chải paz nzir tsưr ziv lok sâu tu zus; viv li tix lâus Toản tưz muôz têx mur pheiz uô tâu yênhx puô xuz thiêz muôs trâu niêv ciêz. Hâux lưv tu zus mur tưz gra lok phênhv sâu tâu truôx trâu tix lâus chuôz zis, iz shông tâu muôx nhos 500 tsov đeiv. Đros têx tsưr ziv pâuz tâu, tix lâus tưz paz heik kriê tsưr ziv tu zus thiêz pheiz nôngz mur puz trâu têx ziv chuôz zis txơưr đuô ntơưv qơư tu zus chiê cxuz cêr yeiz pluôs. Tix lâus heik pâuz tiêk: tsưr ziv thiêz siêz xar njôngr nhiv no zos xar cxiv uô qơư muôs cov tâu truôx têx jiz mur Mù Cang Chải, txar jav tsi chiê muôx têx xiv huv chuôr, xiv huv tsi muôx tsơưr lươngv shơư trâu.

Mù Cang Chải zos thax tsav muôx jông qơư lok tox trôngz hâur pêk, jôngr ntông. Shông 2014, huyện tưz fuô uô ntâu trâur nuv tu zus mur zuôr jiz trâu ntơưv têx xã. Têx lênhx tsưr tsêr cxaz chuôz puôr lênhx tâu cơưv shâuv tsưr ziv tu zus, sâu muôz thiêz tso têx jiz mur. Đhâu iz shôngk fuô uô, têx tsưr ziv tu zus mur heik sâuv puôr lênhx uô tâu trơưk siêz xar, lar heik zos têx chuôz zis cxaz chuôz trâur nuv no tsênhv ziv hnuz ziv huôv tsar uô ntâu, muôx phênhv sâu tâu truôx li tix lâus Khêik Xênhv Thox, Vax Xênhv Zax, Nguyễn Văn Toản, Bùi Hoàng Phượng….

Tsôngv box…..! Phênhv nôngx mênhx zuôr tsuv pâuz hnuz no, zos Đeix TNVN đros tsênhv qơư cxiz kôngz têz qơưs uô./.

( VOV4-Riê Lâux cxeik, nhênhv)