Từ Viết Bồng-Lênhx nênhs trâul moz viv uô hâux lưv tir thêir têx nênhs fêv, uô ntêx nyuôs hâur cxuô luôs hâux lưv

“Thâuv pêz châuv trơưk tsav fov tuô mak chor nênhs fêv zênhx max đhiê khiêr thiêz trâul ntos uô ntuz fov tas, thâuv pêz gak mul hâur kror tsuô, chor nênhs fêv ntơư tror tis lok tuô taz sik fov tsi đror, lơưr zênhx max thâu hôngz poz txơưz tuôx. Pêz hnor nhêv hôngz poz đror, thâuv co zuk khiêr tsi zênhx, tsuôk kêix tâu trâu iz faz xưz, hôngz poz tơưs tuôx li trâul zuk moz, nyar lok chuôs tsi. Têx nênhs fêv lơưr pov zuk trâul moz li co, tưz đhiê lok huôz zuk triêv fov, 2 tus nênhs fêv ntơư muôz zuk niêk trâu pêv têz, pêz siz câur, siz ntâuk iz qiv hor ntêr, thâuv ntơư lênhx tưs cux siêz cuz, xar cov zênhx tsi pâuz nyei đaz tsi hlo. Txos thâuv pêz chor công an chiên sỹ tuôx txos, thiêx tuôx đros paz ntêk tâu 2 tus tiz nênhs fêv co, thâuv ntơư zuk cux tas đal jos, lok txos tsêr muk ciês trâu tsêr kho moz xưz”.

 Zuôr xar 30 shông đhâu, zơưv Từ Viết Bồng cux tsênhv ndo njôngr hâur đruôz siêz tsi plox lok hnuz 13/8/1996, thâuv ntơư zơưv uô tsar Công an xã Quang Kim, huyện Bát Xát, tỉnh Lào Cai, buôk ti tir ntâuk thiêz cxov chor nênhs uô tuz saz nhiês nhux tưv, uô iz thax tsav qơư nxor hnho, tsi truôx tuk hâur ntâu shông siz lơưr liês.

Chênhr zar tsâuk hnuz co tưz uô trâu zơưv trâul moz, tsi muôx đas jos uô nox, uô hâux lưv 41%, taz sik zơưv cux shir phaz, viv 2 tus nênhs fêv ntơư tưz trâul ntêk tâu, tsi ntêr tov kaz co chor nênhs fêv đros lơưr iz paz cux jux juk trâul ntêk cxov tas, gra cêr truôx tuk trâu hur si thax tsav Quang Kim thâuv ntu co.

Tov kaz no, zơưv Bồng tsênhv lês uô ntâu zav hâux lưv txơưr đuô li: Phưv Chủ tịch Ủy ban xã, Chủ tịch Mặt trận tổ quốc xã, thiêz nhiv no zos Chủ tịch Hội bôv đôiv lâuk xã Quang Kim. Txơưv tiêk nhoz kror tưs, uô zav hâux lưv tưs lok zơưv cux Bồng thâuv tưs tưz uô tiêr tâu jông cxuô luôs hâux lưv zok muôz.

Hâur huôv tsar kinh tế, zơưv Từ Viết Bồng tsưr ziv huôv tsar cêr uô nox-tu zus shuôz njêl-tsiêx cxu-chos jôngr ntông cux zos iz hâur têx tsưr ziv huôv tsar uô tâu jông hâur thax tsav. Phênhv sâu tâu txix tsưr ziv uô li heik sâuv cux uô trâu zơưv chuôz zis muôx nox muôx tsês, txoz cxơưx trâu luz nênhx, tso têx tuz nhuôs muk đros luôs lưv tus cơưv ntâuz cơưv ntơưr. Zơưv Bồng 2 tus mê nhuôv nhiv no cux tưz hloz lox yênhx nênhs tas, muôx hâux lưv uô truôx. Zơưv Đoàn Trung Hiếu, Phưv Chủ tịch Ủy ban xã Quang Kim heik pâuz: “Đôngx chir Bồng zos iz hâur têx lênhx canr bôv trâul moz uô ntêx nyuôs hâur cxuô luôs hâux lưv thiêz cux zos lênhx trâul moz viv tsưx phưv têz qơưk sir jos hla đhâu têx phiv liv hâur huôv tsar uô nox uô hnar, truôx tuk luz nênhx, gra siêz phênhv sâu tâu trâu chuôz zis, paz uô jông lơưr phôngz yaox Hôiv bôv đôiv, hôiv tuz lênhv lâuk-trâul moz trâul saz taz sik tsi nyei txov, tsi nyei phiv liv xưk li zơưv Hloz Hôx têx luk kriê”.

Hok zơưv Từ Viết Bồng mak tsơưs thav kriê trâu luôs lưv lênhx lưv tus pâuz lok zuk têx moz gênhs thâuv ntêx, nhiv no cux tsi so tror huôv uô moz ntơư thâuv ntux txơưr txar. Zơưv cux muôx 2 jiês tsuv fêis kho moz kror muôs tiv têx moz li heik sâuv uô ruôr hiêv. Txơưv li ntơư, taz sik muôx têx tsi tâu muôx jiês tưs viv têx li heik co mak luôs lưv tus pov zơưv Bồng zuôr tsi moz siêz lês uô têx hâux lưv uz no, zơưv Bồng heik: “Zuk thâuv tưs tưz sir jos uô ntêx nyuôs hâur cxuô luôs hâux lưv, lar heik zuk zos iz lênhx trâul moz viv tsưx phưv têz qơưk, cux cê zos Chủ tịch Hôiv bôv đôiv lâuk, mak xuz thơưx zos tsuv uô jông hâux lưv vênhv tôngv chuôz zis, tiv 2 zos cxiv uô têx tsưr ziv huôv tsar uô nox uô hnar. Ntu têz qơưk tiêx tuk, truôx njês mak uô reik đros trâu huôv tsar uô nox, thâuv uô nox uô hnar tâu truôx lơưv, mak đros chor nênhs muôx côngz têz qơưk hâur thax tsav qơư uô cxuô luôs hâux lưv uz no zuôr truôx jông đuô”.

Zos gâuk li tsưr ziv xar, ntơư zos lênhx uô ntêx nyuôs hâur iz paz muôx 200 lênhx bôv đôiv lâuk xã Quang Kim, zơưv Từ Viết Bồng thâuv tưs cux uô ntêx nyuôs, moz siêz lês uô jông têx hâux lưv, shir phaz lus sik pheiz kênh têx tsưr ziv huôv tsar uô nox, paz max luôs lưv tus muôx luz nênhx txov nhêv, heik sđ sik đros phêiz kênh ar têz uô cêr mul lok, nhoz sik thôngx siêz, siz hluz siz paz, siz chos cxiv tsa xã Quang Kim cov ziv hnuz ziv hlôngr yiêz, huôv tsar jông./.

(An Kiên-Riê Lâux cxeik, nhênhv)