Jax 1: Pêz hêir nênhs Hmôngz zênhx muôx siêz nhiêv têz nhiêv qơư

 

          Nhạc nền Mông……..

          Jos Hmôngz Lao Khô, xã Phiêng Khoài, huyện Yên Châu, tỉnh Sơn La-hâur 45 shông đrav ntêx zos thax tsav jêik tuz lênhv Laox tir ntâuk tros châuz, cxiv kho têz qơưs. Nhoz thax tsav no, zơưv Cay xỏm Phôm vi Hản, chủ tịch Đảng têz qơưs Laox tưz tâu zơưv Tráng Lao Khô thiêz px hâur jos zus thiêz jêik. Zơưv Tráng Lao Lử zos Tráng Lao Khô iz lênhx tuz tsênhv  uô nênhx nhoz trâu ntus đriv Lok tsuôk –VN thav tiêk:

          “Hâur ntu ntơư mak txov nhêv hênhr, hur si zos har jôngr xưz. Tros châuz tuôx txix Xiêng Khọ-Laox thiêz txix Yên Châu, tsik so tuôx sox cux tsik pov Việt Minh. Px jos Lao khô tưz zus thiêz jêik zơưv Cay xỏm Phôm vi Hản đros trâu đoanx tir ntâuk tros châuz laox. Zơưv Lao kho tưz zus thiêz jêik chủ tịch, Cay xỏm Phôm vi Hản tsik chiê tros châuz pâuz”.

          Ntơưv tỉnh Điện Biên, zơưv Xấu x Muôk zos iz lênhx tuz lênhv lâuk đrav ntêx, tir ntâuk tros châuz trâu Tủa chuôx, uô nênhx njênhs njôngr đros Đảng, cxiv kho têz qơưs txix hâur ntu tsênhv hluôk thiêz cux zos iz lênhx yax kriê px huôv tsar cêr uô nênhx zos đrêiv Đảng têz qơưs têx chêi tso tơưv. Zơưv Xâur x Muôk thiêz px Hmôngz ntơưv no, puôr lênhx njênhs njôngr Đảng, njênhs njôngr zơưv hloz Hôx.

          “Hâur ntu ntơư, zos tsik đros tros châuz mak tsuv trâus tros châuz tuô por tsês, zos lênhx tưs đros tros châuz thiêx tsik trâus tuô; taz sik pêz cux đros Việt Minh đros jêik cán bộ”.

Sâuv thax tsav Sìn Hồ, tỉnh lai Châu, shông 1952, tưz trâus tros châuz pháp kuôz zuôv px uô krêr; cux li cxuô lênhx tuz hluôk nhoz xã Sà Dề Phìn, zơưv por x Muôk tưz trâus tros châuz zuôv uô krêr. Trâus têx cêr tsiv txov ntơư, zơưv por tưz zênhx max đros px sđ tir ntâuk tros châuz paz lok tsuôk thiêz yax tsôngv px sđ uô nênhx zos đrêiv Đảng têz qơưs têx chêi tso tơưv.

“Zơưv hloz Hôx hêik, iz zos côngz xưv chính trị, oz zos côngz xưv yax kriê mak zov chênhr cơưs. Uô siêz truôx bo đros Đảng têz qơưs, tsik mnôngs trơưk têx nênhs fêv hâuz nziêk”.

Nhạc nền……….

Đros trâu zơưv Tráng Lao Khô; zơưv Por x Muôk, Xâur x Muôk, zos oz lênhx tuz lênhv lâuk đrav ntêx nhoz Tủa Chuôx, tir ntâuk tros châuz pháp, Mỹ hâur shông 1979 thiêz hâur ntu ntơư, pêz chor tuz hluôk Hmôngz cux muôx chôngz lênhx ntâu tus đros tir ntauk tros châuz cxiv kho têz qơưs thax zênhz./.

                                                                   (Tsu cxêik nhênhv)

 

 

Jax 2: Nênhs fêv-Têx tsưr ziv, siêz xar tsi jông hâuz nziêktsôngv box Hmôngz

 

Nền nhạc Mông tiết tấu nhanh………

Hâuz nziêk tsôngv box Hmôngz uô têx kror tsik jông, tsik trươk têz qươs têx chêi tso tươv tsênhv zos têx nênhs fêv tsưr ziv hâuz nziêk tsôngv px sđ. Tsôngv box Hmôngz nhoz Mường Nhé muôx têx ndo njôngr hâur đruôz siêz tsi plox lok txuz Hmôngz uô têx kror tsik jông muôx yuv ntơưv jok Huổi Khon, xã Nậm Kè, huyện Mường Nhé, tỉnh Điện Biên txix hnuz 30/4 txos hnuz xiêz 6/5/2011. Têx nênhs fêv tưz hâuz nziêk đas tiêk “zuôr muôx lênhx tiz nênhs lok sơưr uô thơưx chox car tsôngv box sđ” ntơưv Mường Nhé thiêz lơưr zuôr chox sđ muk trâu iz têz qơưs yiêz, nưk muôx nưk nênhs car, nhoz têz qơưs yiêz sđ zuôr muôx luz nênhx jông đuô, nox kaz hâuk luôs thiêz bluô nux đuô….. Hnor têx nênhs fêv hâuz nziêk đas li ntơư xar nyê muôx tsênhz tiês, yênhx cxênhz lênhx tsôngv box Hmôngz nhoz têx xã hâur huyện Mường Nhé, tỉnh Điện Biên thiêz nênhs Hmôngz nhoz iz cxiê thax tsav li: Lai Châu, Lào Cai, Sơn La, Yên Bái, Hà Giang thiêz iz cxiê lênhx Hmôngz Tây Bắc đrav ntêx khiêr têz qơưs muk Đắc Lắc, Đắc Nông tưz siz zâuv đrông ntưk lok trâu jok Huổi Khon, xã Nậm Kè, huyện Mường Nhé, tỉnh Điện Biên chiê uô muôx yuv têx kror tsik jông, uô cxâuv chêi têz qươs. Tix lâus Lò A Tsuô, iz lênhx tsôngv box nhoz ntơưv jok Huổi Khon trâus têx nênhs fêv nziêk đas, zuôv đros hu zâuv chôngz cưr tix nênhx tsa đros uô têx tsi jông heik:

“ Thâuv ntêx lơưr chor nênhs fêv nziêk đas zuk. Lơưr tiêk lơưr zuôr tsa iz luz têz qơưs Hmôngz. Li ntơư zuk txơưv xar tiêk, zuôr muôx tsênhz tiês, li đros lơưr uô. Tov kaz no, tâu hâu nov, têx tuz lênhv tuôx heik kriê, zuk thiêx pâuz tiêk, ntơư zos uô cxâuv chêi têz qươs”.

Nền nhạc Mông tiết tấu nhanh…..

Têx nênhs fêv tsi so hâuz nziêk tsôngv box khiêr têz qơưs chiê uô têz qơưs tsi truôx tuk; nziêk tsôngv box đros muôs zuôr, uô luôv zax zênhz tsi trơưk chei….Tsuôk hâur 6 luz hlik hâur shôngk shông no, ntơưv têx tỉnh thax tsav Tây Bắc tưz muôx xar 390 ziv chuôz zis, 1.500 lênhx nênhs khiêr têz qơưs tsi trơưk chei, ntâu chuôz zis hâur têx ziv no zos tsôngv box Hmôngz. Iz chas ntơư, seiz tsôngv box tsi yuô muôx txux chi tsưr ziv jênhv pâuz, têx nênhs fêv tưz hâuz nziêk tsôngv box đros uô têx nuv tsi trơưk chei li: Nhiês zuôr muôs zax zênhz đhâu đriv têz.... Đại Tá Nguyễn Văn Việt, chính ủy Bộ CH bộ đội pênhz phax tỉnh Sơn La heik pâuz:

“ Đriv têz Sơn La lok six phiv liv, tsôngv box luz nênhx tsênhv yuôr ntâu txov nhêv thiêz tsôngv box nhoz 2 saz đriv têz, ho muôx cêr nênhx cêr tsa jông, siz sưv thiêz zax zênhz muôx grik kinh tế siêz. Chênhr viv li, têx nênhs nhiês zuôr muôs, thâux gra zax zênhz nhoz 2 saz đriv têz muôx yưv phiv liv. Iz chas ntơư, têx nênhs uô zênhz, tror chos zênhz nhoz thax tsav heik co cux ziv hnuz ziv muôx ntâu, tsik zôngx ziv qênhz shuôs tâu”.

Nền nhạc Mông……

Pâuz tsênhz têx nênhs fêv siêz xar, tsưr ziv hâuz nziêk zos pêz Hmôngz luôs hâux lưv zov chênhr tsuv ndo njôngr chênhr phax tsik chiê têx nênhs nênhs fêv  ruôr hiêv txos ./.

                                          (Riê Lâux cxêik nhênhv)

 

 

Jax 3: Nus Đại tá Lò Văn Bích, phưv giám đốc công an tỉnh Lai Châu

 

 

          1. Nus: Nhoz jông Đại tá Lò Văn Bích! Uô cox tsâus ntâu viv tưz jênhv lul cxaz chuôz pêz tsaz yênhx hnuz no. Thor nus Đại tá, six hơưv đhâu, sâuv thax tsav têx tỉnh Tây Bắc heik cxuô thiêz tỉnh Lai Châu heik taz muôx iz cxiê lênhx nênhs fêv yax mông, hâuz zâuv tsôngv box Hmôngz tsir têz tsir qơư txưv zơưx mul lơưr vax tsưr, uô têx hâux lưv tsi trơưk chei têz qơưk. Zos li lơưr li tsưr ziv uô tsênhv zos tul tsi zov?

          ĐT Bích: Six hơưv đhâu, têx nênhs fêv nhoz saz đrâuv li têx tsưr ziv huôx tôngv tưz uô iz cxiê pưv phênhv tsôngv box mênhx cxưx Hmôngz njênhs thiêz mul lơưr, sik zâuv uô têx hâux lưv tsi trơưk cêr chei têz qơưk. No cux zos têx nênhs fêv li tsưr ziv chiê hâuz zâuv tsôngv box tsir têz tsir qơư, tsir mul đrâuv luôk oz chas têz qơưk.

          2. Nus: Zos li Công an tỉnh Lai Châu li côngz xưv tơưv txênhz tir tar têx lênhx nênhs fêv no tax chêx cuk li chas, thor cox puz pâuz?

          ĐT Bích: Pêz tưz uô kiểm điểm yênhx puôk lênhx nênhs muôx lênhx coaz. Thôngx cxix, seiz shuôk đuô cxeix laov chiê chox tik cêr cxâuv tiv huôx tôngv sik hâuz zâuv tir tar chính quyênx 4 lênhx nênhs, chiê zaoz zux phax tar cxuô hâur tas nro xã hội. Txos nhiv no, têx lênhx nênhs co tưz tâu zaoz zux thiêz jux jus yênhx lênhx nênhs jông.

          3. Nus : Công an tỉnh Lai Châu li têx tsưr ziv tsênhv chiê tror tơưv txênhz muôx chêx cuk đros têx lênhx nênhs fêv li têx tsưr ziv uô zos tul tsi, thor cox puz pâuz mê njik zov?

          ĐT Bích: Công an tỉnh chuôz tsar côngz xưv pâuz thôngz qênhx shênhx, krêz uô têx tsưr ziv nghiệp vụ, chuv tôngv phax tar iz cxiê nênhs fêv li tsưr ziv huôx tôngv sâuv thax tsav. Thôngx cxix pêz cux heik trâu tỉnh cxiv tsa, hlôngr yiêz chính trị cơ sở, phuôx tôngv phongz yaox tas nro tsôngv box por vêv txiv ngaz têz qơưk. Chuôz tsar côngz xưv yax mông vênhv tôngv, tsôngv box tsuv tsưv ziv tsi mnôngs nênhs fêv li têx lul hâuz zâuv, đas nziêk. Tuôr truôx txiv ngaz chính trị, phuôv tsar kinh tế, vênhx huôv xã hội sâuv thax tsav.

          Nus : Thor uô cox tsâus ntâu tưz tsês six hơưv đros pêz sik thav hâur tsaz yênhx hnuz no, Phôngv đại tá muôx jông đas jos, thâuv tưs cux uô tiêr jông jênhv vưv tâu Đảng, têz qơưk thiêz tsôngv box choz zok...!

“ Nam : Pêz Hmôngz tsi mnôngs lơưr nênhs fêv”

                   “ Nữ : Pêz Hmôngz tsi mnôngs lơưr nênhs fêv”

 

Jax 4: Đơưk uô tâu zênhx max têx tsi jông muôx yưv

Nền nhạc Mông……….

Đhâu thâuv muôx yuv txuz chôngz lênhx nênhs siz zâuv tuôx trâu ntơưv jok Huổi Khon, xã Nậm Kè, Đảng bộ-hâu nov tsênhv qươ huyện Mường Nhé, tỉnh Điện Biên tưz zênhx max vênhv tôngv, phênhz tsênhz mênhx trâu tsôngv box pâuz to tâuz lok têx nênhs fêv tsưr ziv hâuz nziêk. Txix ntơư, tsôngv px sđ tưz tror lok zuk qơư nhoz, truôx tuk luz nênhx. Iz cxiê lênhx nênhs tiv siêz cuz đhâu, uô tâu têx nuv tsi trơưk chei, tưz trâus ntêk cơư tik cêr cxâuv. Hâux lưv vênhv tôngv tsôngv box; cxiv kho cxix luôs chính trị ntơưv qơư, cxiv uô têx trâur nuv paz tsôngv box huôv tsar uô nox uô hnar tâu Đảng bộ, hâu nov ntươv qươ paz max txos, chiê truôx tuk thax tsav đriv têz. Thượng tá Nguyễn Phú An, zênhx tsar zênhx pênhz phax Nậm Kè-Mường Nhé heik:

“ Cxuô cấp hâu nov đros têx lưv lươngv nhoz hâur thax tsav sir jos uô hâux lưv qênhz shuôs, muk têx jêx jok yax kriê tsôngv box sđ pâuz tsênhz lok têx nênhs fêv tsưr ziv hâuz nziêk. Pêz cux sir jos paz tsôngv box sđ huôv tsar uô nox cxuz cêr yeiz pluôs”.

Ciês hâur shông 2012, Thủ tướng Chính phủ tưz cir quyết tinhv 79 thôngz đhâu Đêx anr phênhz qơư nhoz, truôx tuk luz nênhx trâu tsôngv box, huôv tsar uô nox uô hnar, taz por côx phax-txiv ngaz huyện Mường Nhé txos shông 2015. Lơưr đêx anr, tsưr ziv no, zuôr phênhz qơư nhoz, truôx tuk luz nênhx trâu 10 cxênhz ziv chuôz zis, 62 cxênhz lênhx nênhs, nhoz 153 jok thiêz tas shông 2015, hur si huyện muôx 11.900 ntâu chuôz zis, 6,7 vạn lênhx nênhs phênhz qơư nhoz truôx trâu ntơưv 120 jok. Tsưr ziv uô no zos six hơưv jông chiê trâu huyện Mường Nhé chêx tsôngk huôv tsar uô nox, truôx tuk luz nênhx trâu tsôngv box. Zơưv Lù Văn Thanh, Chủ tịch UBND huyện Mường Nhé heik:

“ Huyện xav tinhv, no zos six hơưv jông thiêz zôngx ziv trâu huyện sei đrơưv phênhz qơư nhoz trâu tsôngv box, huôv tsar uô nox uô hnar thiêz taz por côx phax txiv ngaz. Huyện tưz sir jos yax kriê thiêz tsưr tsix trâu têx ziv chuôz zis uô ntươr thor yeik txar muk nhoz uô cê trâu têx jêx jok, chor tsưr ziv uô ntơư tưz tâu thôngz đhâu”.

Nhạc mông.......

Đros trâu hâux lưv yax kriê tsôngv box tsi mnôngs, tsi uô trơưk têx nênhs fêv hâuz nziêk thiêz yax kriê tsôngv box cxuô thax tsav sir jos uô jông hâux lưv sơưr tơưv txênhz, phax tir thêir têx nênhs fêv tsik chiê uô ruôr hiêv txos sđ luz nênhx. 

Xav 6 luz hlik hâur shôngk shông 2016 , ntơưv thax tsav têx tỉnh Tây Bắc tưz qênhz pov 8 cxênhz ntâu txuz muôs zuôr zax zênhz tsi trơưk chei, ntêk tâu zuôr xar 2.900 lênhx nênhs. Lar heik, ntâu mông heik lok têx nênhs fêv nhiês zuôr muôs, uô luôv zax zênhz tưz tâu tsôngv box Hmôngz heik trâu lưv lươngv muôx vax huôv pâuz, tir thêir tâu zênhx max tsik uô ruôr hiêv txos sđ luz nênhx./.

                                     (Riê Lâux cxêik nhênhv) 

 

Xor xưv lok chinhr phuv li yưv pênhr hâur ntu 2011-2015 trâu têx thax tsav tsôngv box mênhx cxưx tsơưs nênhs

         

Đhâu qênhz yuôx, hâur ntu 2011-2015 nhoz thax tsav mênhx cxưx thiêz tox siêz muôx nhos 154 tsênhv chei mênhx cưx tsênhv muôx txux zôngv uô. Njiêz luv, cxix luôk tsênhv chei tâu uô hâur luz nênhx chinhr trị, kinh tế, vênhx huôv, xã hội, taz por txiv ngaz côx phax. Lênhx nênhs, cxix luôk tsênhv chei uô sâuv tas nro têx thax tsav, txos têx ziv chuôz zis thiêz iz cxiê mênhx cxưx tsênhv tsênhz. Pênhr jos uô tsênhv chei tâu tsov cưv yưv pênhr jông, hâur 5 shôngk đhâu, nhiêx txiêx têz qơưk tưz yưv trâu thax tsav mênhx cxưx thiêz tox siêz, têx tsênhv chei mênhx cxưx zos 135 cxênhz tỷ đeiv; đrâuv co tsênhv jênhv tâu têx tsưr tsix ntiêx têz li tsov cưv paz txưv nhiêx txiêx zos 38 tsov đeiv ntâu Euro (bâuv 1000 tỷ đeiv ntâu.

 

 

Jax 5: Nus zơưv Cầm Thanh-Vụ trưởng vụ tsênhv chêi mênhx cxưx, Ủy ban mênhx cxưx

 

1/ PV: Thor cox puz pâuz, hâur chor shông đhâu, Đảng-chính phủ tưz tsês tsik tsơưs chiê yưv pênhr trâu chor thax tsav mênhx cxưx tsơưs nênhs. Zos li têx tsênhv chêi co tâu yưv pênhr li chak?

Zơưv Cầm Thanh: Đảng thiêz têz qơưk lok six tsov cưv txos têx vênhv thix mênhx cxưx, côngz xưv mênhx cxưx thiêz sik côngv cxuô mênhx cxưx muôx pưk txux zov chênhr. Đhâu co, tưz tso tơưv ntâu cêr chêi zov chênhr muôx chêx cur trâu tsôngv box mênhx cxưx tsơưs nênhs, thax tsav mênhx cxưx thiêz tox siêz, đros tsưr ziv zos: Côngv thôngx cxuô mênhx cxưx Việt Nam “Siz bâus, sik côngv siêz, sik tsov cưv, sik paz chiê sik đros huôv tsar”.

2/ PV: Cox ntâuk gri Chính phủ li têx chêx cur uô tâu jông hâur tsênhv chêi yưv pênhr trâu chor thax tsav no hâur ntu 5 shông đhâu?

Zơưv Cầm Thanh: hâux lưv kriz uô tsênhv chêi mênhx cxưx tưz sâu tâu têx chêx cur zov chênhr, pênhr jos yưv tâu tsov cưv đuô pir li ntu uô ntêx. Khov co tuz gôngr phênhv uô hlôngr yiêz ntâu têx jêx jok thax tsav tsôngv box mênhx cxưx tsơưs nênhs thiêz tox siêz, tiv zix zos kinh tế-xã hội. Iz zav li tsaz yênhx 135 ntu 3 tưz yưv pênhr uô tiêr 20 cxênhz ntâu côngz trinhx cxuô zav phưx vưv trâu uô xênhz yar thiêz pêx xênhv. Chor tiv phaz thax tsav mênhx cxưx tsơưs nênhs thiêz tox siêz chor shông đhâu  tror tuôr chiê chuôz ndê kinh tế txix 8 txos 10%, Thôngz đhâu co, tsôngv box mênhx cxưx tsơưs nênhs li uz nênhx tâu gra siêz đuô, chor chuôz zis pluôs nhoz chor xã, jêx jok tâu txo grêk ntâu. Côngz xưv phax tar txiêz nanv xã hội tâu sir jos uô thiêz tax tâu ntâu chêx cur jông. Tsik chiê chor nênhs fêv hâuz nziêk uô hiêv txos pêx xênhv; iz thênhv jux juk cêir chêx tsir qơư nhoz tsik zos chêi. Tsôngv box tso siêz uô nox thiêz njênhs njôngr trâu Đảng thiêz têz qơưk li lênhx tov.

3/ PV: Kror tưs zos têx phiv liv muôx yưv hâur tsôngv box mênhx cxưx tsơưs nênhs thiêz tox siêz nhiv no, thor cox puz pâuz nzir?

Zơưv Cầm Thanh: txơưv tưz tax tâu ntâu chêx cur zov chênhr lok huôv tsar kinh tế-xã hội, taz sik thax tsav mênhx cxưx thiêz tox siêz cux tsênhv yuôr ntau kror txov nhêv, phiv liv xưk li ntux têz uô hiêv tiv qiv hơưv txơưr txar, cxuô zav tsênhv tsik tâu cxix cxuô, chor chuôz zis pluôs tsênhv yuôr ntâu, qênhx shênhx phamv cxâuv zax zênhz tsênhv phiv liv…tsuv tâu cxuô cấp, cxuô nganhx sir jos tsov cưv txos, muôx tsưr ziv uô jông, muôx chêx cur đuô hâur ntu zuôr txos.

4/ PV: Lơưr cox, chiê uô muôx chêx cur đuô Đảng li têx tsênhv chêi đros thiêz thax tsav tsôngv box mênhx cxưx tsơưs nênhs tsuv sir jos uô têx tsưr ziv tưs?

Zơưv Cầm Thanh: Hâur ntu zuôr txos, 2016-2021, hâur kriz uô chor tsênhv chêi trâu thax tsav tsôngv box mênhx cxưx thiêz tox siêz, lơưr cur mak tsuv sir jos kriz uô jông 2 tsaz yênhx tsưr ziv têz qơưk zos thiv pluôs truôx đrênhk thiêz cxiv tsa jêx jok yiêz. No zos oz tsaz yênhx lox muôx tsiv gri zov chênhr trâu thax tsav mênhx cxưx thiêz tox siêz. Huiz tôngv cxuô pênhr jos trâu kinh tế-xã hội. Uô jông chor tsênhv chêi mênhx cxưx nhiv no muôx. Chuôz cxaz uô chor tsênhv chêi, tsưr ziv chiê taz por truôx ngaz tuk chính trị, xã hội, ntus đriv. Cêir chêx jông chor vênhv thix xã hội tsênhv phiv liv nhiv no nhoz thax tsav mênhx cxưx thiêz tox siêz. Chuôz cxaz thiêz hlôngr yiêz congz xưv yax kriê, hêik tsôngv box uô truôx jông lơưr Đảng, têz qơưk li têx cêr chêi. Chuôz cxaz thiêz gra siêz tsơưr lươngv trâu chor cán bộ tiv phaz, tiv zix zos cán bộ zos nênhs mênhx cxưx tsơưs nênhs./.

PV: Thor uô cox tsâus ntâu!

(Bích Thủy-Lik Thox cxêik nhênhv)

 

 

 

Jax 6: Truôx jông nhoz Huổi Khon

Nền nhạc Mông vui tươi….

 

Tix lâus Lò A Chua, pêx xênhv nhoz jok Hmôngz Huổi Khon 1, xã Nậm Kè, huyện Mường Nhé, tỉnh Điện Biên tưz trâus chor nênhs fêv hâuz nziêk đas uô têx kror tsk jông shông 2011. Đhâu tsênhv tsênhz, tâu cán bộ, chính quyền yax kriê, tix lâus tưz jênhv pâuz tâu chor nênhs fêv li nziêk đas. Đảng, chính quyền tsov cưv paz tsêr nhoz, ar uô xênhz yar, nhiv no tix lâus thiêz chuôz zis tưz tso siêz uô nox, uô hâuk, tsik njênhs chor nênhs fêv nziêk đas lơưv:

“Nhiv no chuôz zis tưz tror lok đros tsôngv box Hmôngz nhoz zuk jok, sik côngv siêz, sik đros uô nox, uô hâuk. Hâur jok tsik yuôr lênhx tưs njênhs chor nênhs fêv nziêk đas lơưv”.

Tas nro jok Hmôngz Huổi Khon 1 muôx 56 ziv chuôz zis, 334 lênhx nênhs. Txix Đảng, chính phủ têx tsênhv chêi paz, nhiv no jok tưz muôx chi bộ đảng, muôx tênhv tênhz tơưl pov cêr, muôx cêr muk lok, muôx tsêr cơưv trâu chor nhuôs cơưv ntơưr. Jok ntâu shông lok no tsik yuôr nênhs tsir têz tsir qoư nhoz tsik zos chêi, tsik muôx nênhs muôx zênhk zax zênhz. Zơưv Shôngx A Kỷ, tsưr jok Huổi Khon 1 puz pâuz:

“Nhiv no pox nhuôs tưz truôx tuk, tsik tsir qơư nhoz lơưv, sir jos cxiv tsa chuôz zis thiêz jêx jok cov muôx nox muôx hnar. Pox nhuôs cux tsik njênhs, tsik mnôngs lơưr chor nênhs fêv nziêk đas lơưv”.

Nền nhạc Mông vui tươi….

Pox nhuôs nhoz Huổi Khon nhiv no tsik muôx lênhx tưs tsênhv njênhs chor nênhs fêv, mak tso siêz uô nox, sik côngv siêz cxiv tsa jêx jok tsâu sor, shir phaz./.

                                      (Bích Thủy-Lik Thox cxêik nhênhv)

 

 

Jax 7: Pêz Hmôngz Mù Cang Chải huôv tsar uô blêx liêx tơư ntêir chiê txo grêk yêiz pluôs thiêz uô du lix

 

 

Nhạc nền Mông….

Hâur ntu đrav ntêx, pêz hêir Hmôngz nhoz Mù Cang Chải tsuôk tsêz chos iz chiv kôngz  hâur iz shông.Taz sik hâur oz pêz shông đhâu lok no, tâu hâu nov huyện yax kriê, tsôngv px hâur thax tsav tưz tsêz chos oz chiv blêx liêx tơư ntêir hâur iz shông, sâu tâu 30 tạ/ha. 4 cxênhz ha blêx liêx tơư ntêir nhiv no tưz uô tâu oz chiv iz shông. Pir li jos Trống Tông, xã Chế Cu Nha, muôx 82 ziv chuôz zis, puôr lênhx uô tau oz chiv blêx liêx hâur iz shông, sâu tâu 4-5 tấn blêx. Zơưv Hú x Hơưx nhoz jos Trống Tông hêik:

“Hâur ntu đrav ntêx, tsêz chos iz chiv blêx, sâu tâu tsơưs, tsik so niz cêr txov nhêv. Nhiv no uô oz chiv blêx liêx tơư ntêir, cux muôx luz nênhx tsâu sor jux juk”.

Nhạc nền Mông…..

Shông 2007, sâuv 500ha blêx liêx tơư ntêir nhoz 3 xã: Chế Cu Nha; La Pán Tẩn; Zế Su Phìn, tưz tâu Bộ vênhx huôv côngk nhav zos blêx liêx tơư ntêir jông jav hâur têz qơưs. Nhiv no, huyện Mù cang Chải muôx txos 4 cxênhz ha blêx liêx tơư ntêir. Pos Lương Thị Xuyến, phó chủ tịch uỷ ban huyện Mù cang Chải hêik pâuz:

“Pêz tsênhv yax kriê px kriz uô nzir blêx liêx tơư ntêir thiêz xêir têx thax tsav blêx liêx tơư ntêir jông jav chiê uô du lix, tsôngv kruô tuôx sêiz shuôk”.

Nhạc nền….

Thâuv tưs pêz hêir nênhs Hmôngz cux zênhx muôx luz siêz nhiêv kruô, chơưx kruô jông; tâu tsôngv kruô tuôx sêiz shuôk ndis ntux njênhs njôngr thiêz ntơư cux zos cxươz cxiz px Hmôngz huôv tsar truôx blêx liêx tơư ntêir li hêik sâu./.

                                                                            (Tsu cxêik nhênhv)