Jax sâu thưr 7, hnuz 30/4/2016:

Đruôk ntông, cxêz tôngx đros trơưr hêir nênhs poz ziz Yên Châu luz nênhx

          Đruôk ntông thiêz cxêz tôngx ntơưv Yên Châu, tsuôk muôx iz luz đruôk, oz luz cxêz tôngx. Hur si chor đruôk thiêz cxêz tôngx ntơư, tsuv tâu đêi tsês chiê truôx trâu iz kror qơư hâur tsêr vênhx huôv hâur jos lok sik ntơưv thax tsav qơư tsik so nthuôr uô cêr lov jêv ntênhk hội. Cxuô lênhx khoz đruôk ntông thiêz cxêz tôngx, cê khoz cê tsax, đhiê đros trâu suôz đruôk, suôz cxêz tôngx đror uô lov jêv lul. Hêir nênhs poz ziz têx cxêz tôngx, zos muôz tôngx chox lok uô; đruôk zos muôz ntông thiêz muôz tơưr nhux chox lok bos trâu oz tos, thâuv khoz thiêz ntâuk ntơư thiêx đror jông. 

Zơưv Lừ Văn Bánh nhoz jos Nà Và, xã Viêng Lán, huyện Yên Châu, tỉnh Sơn la, shông no muôx 65 shông, zos iz lênhx pâuz ntâuk đruôk thiêz khoz cxêz tôngx hâur têx hnuz kriz uô ntênhk hội nthuôr uô cêr lov jêv.

           “Txix thâuv tsênhv zâu, cur tưz cơưv shâuk ntâuk đruôk thiêz khoz cxêz tôngx, yuôz kênhx. Nhiv no, txơưv lâuk hnuz nhôngl siêz, taz sik thâuv tưs txos trâu têx hnuz kriz ntênhk hội, nthuôr uô cêr lov jêv, cur cux tsênhv đros sđ ntauk đruôz thiêz khoz cxêz tôngx đros trâu đhiê pax vuôs”.

          Huyện Yên Châu muôx xar 18 cxênhz ziv chuôz zis, 10 hêir nênhs nhoz uô cê hâur thax tsav huyện; hâur ntơư, hêir nênhs poz ziz muôx chôngz txos 81%. Txơưv tsôngv px cxuô hêir nênhs sđ luz nênhx tsênhv yuôr ntâu cêr txov nhêv; taz sik, viv muôx cêr thôngx siêz, siz chos khơưk tsês chiê cxuô hêir nênhs têx txux chi, cêr nênhx vênhx huôv jông tsik chiê plox.

          Chênhr zos li hêik ntơư, xav txos trâu nhiv no, hur si huyện tưz muôx 400 paz tuz nxêik hluôk nhoz trâu cxuô jos nthuôr uô cêr lov jêv. Xav hâur iz luz jos cux muôx iz gơưv đruôk thiêz cxêz tôngx, tsik so nthuôr uô cêr lov jêv trâu têx hnuz kriz ntênhk hội hâur shông. Zơưv Quàng Văn Cường, thơưx sêiz car tsênhv qơư vênhx huôv huyện Yên Châu hêik pâuz:

           “Suôz trax, suôz gâux, suôz kênhx, thâuv tưs tưz muôx đros đrêiv hêir nênhs poz ziz huyện Yên Châu luz nênhx. Lar hêik zos đruôk thiêz suôz cxêz tôngx. Chênhr zos li hêik ntơư, pêz tsênhv zuôr cxươz cxiz tsôngv px sđ huôv tsar truôx zuk hêir nênhs têx txux chi, cêr nênhx vênhx huôv jông tsik chiê plox”.

          Ndax trâu têx hnuz ntênhk hội hâur shông, tsôngv px hêir nênhs poz ziz  nhoz cxuô luz jos hâur thax tsav huyện Yên Châu, thâuv tưs tưz hnor đruôk thiêz cxêz tôngx thiêz suôz trax suôz kênhx đror uô lov jêv lul, uô trâu cxuô hêir nênhs hâur thax tsav huyện ziv hnuz ziv muôx cêr thôngx siêz, cxiv kho luz nênhx truôx tuk, tsâu sor./.

                                                                      (Tsu cxêik, nhênhv-Tòng Anh)

Phênhv thưr 7/30/4/2016:

TSÊR THƯ VIÊNV NTƠƯR INRAHANI- QƠƯ TUÔR TSÊS NTƠƯR TSIV GRÊ TRÂU CÔNGV THÔNGX CHĂM

          Tuôx txos jos Chăm Mỹ Nghiệp, thiv trânr Phước Dân, huyện Ninh Phước, tỉnh Ninh Thuận nus tsêr thư viện ntơưr trâu nênhs Chăm lênhx tưs cux xar ciês txos luz bê Phú Năng Tuệ- lênhx nênhs xar tơưv tsưr ziv cxiv tsa tsêr thư viện ntơưr Inrahani. Têx fâu ntơưr lok nênhs Chăm xuz thơưx tâu tix lâuk Tuệ tso trâu hâur tuv ntơưr cxôngx shông 2005. Txos nhiv no, tsêr thư viện tưz huôx tôngv tâu 11 shông. Tror ndo txos hnuz xuz thơưx yênhx lix thư viện ntơưr, tix lâuk Phú Năng Tuệ puz pâuz:

 “ Pov pêz pox nhuôs mul yênhx châuv cei cêr mul tỉnh chiê kêr ntơưr nhênhv. Pox nhuôs Chăm mak txov nhêv, uô nox uô hâuk, khưr trâu mê nhuôs mul cơưv ntơưr cux tưz lok six lax, txiêx nhoz tưs chiê zuôr ntơưr lol nhênhv. Hâur co cur txir zos iz lênhx nênhs xar tơưv pax huôv, nhênhz chơưv vênhx huôv Chăm Inrahani tưz tuôr tsês tâu lok six ntâu ntơưr 2,3 châuv shông đhâu. Cxôngx co cur xar cxiv tsa tsêr thư viện ntơưr, cur tâu cur txir paz max uô”        

          Cxôngx pox nhuôs Chăm li zoz qơưx tsênhv tsênhz, tix lâuk Phú Năng Tuệ tưz cxiv tsa tsêr thư viện ntơưr Inrahani. Tix lâuk Hán Văn Luận, tsar ban coar lik phố Mỹ Nghiệp, thị trấn Phước Dân, huyện Ninh Phước, tỉnh Ninh Thuận cux zos iz hâur têx lênhx nênhs yax six tuôx thư viện kêr ntơưr heik:

 “ Tuv ntơưr Inrahani paz lok six ntâu trâu pox nhuôs hâur jos, pox nhuôs muôx ntơưr nhênhv, têx lênhx lâuk nênhs mak kêr ntơưr mul tsêr nhênhv. Thư viện no muôx lok six ntâu ntơưr tsiv grê heik txos vênhx huôv, lix xưv mênhx cxưx Chăm No zos thư viện ntơưr tsiv grê đros thiêz pêz”.

          Hâur 10 shôngk ntâu đhâu, thư viện ntơưr Inrahani tưz muôx 8 cxênhz ntâu fâu ntơưr, tiv zix zos Từ điển bách khoa toàn thư, têx fâu heik txos vênhx huôv têx mênhx cxưx tsơưs nênhs VN, nhênhz chơưv vênhx huôv CHăm, ntơưr lâul Chăm 300 shông, ntơưr giáo khoa Chăm… Thư viện ntơưr phưx vưv trâu tsôngv box jos Mỹ Nghiệp, têx tsêr cơưv THPT nhoz tiv phaz thiêz têx lênhx nênhs nhiêv nhênhv ntơưr tuôx cxôngx têx qơư txơưr đuô tuôx nhênhv, tiv zix zos tsôngv box nênhs Chăm tsi pôngz nhiêx txiêx. Tix lâuk Phú Năng Tuệ heik: Thư viện no tax tâu mê njik têx yênhx tix hâur six hơưv đhâu zos khov lok six ntâu lênhx nênhs jông siêz gôngr côngv. 10 shông đhâu, muôx 30 ntâu lênhx cưk kriê, lênhx nênhs nhênhz chơưv vênhx khơưk muôz ntơưr trâu thư viện. Taz sik, kror tix lâuk Phú Năng Tuệ cxơưx zos:

 “ Ntâu shông no tsi tâu muôx lênhx nênhs jor thư viện, tsuôk khov txos đaz lâuk puz pox nhuôs kêr ntơưr, viv li hâux lưv heik kriê ntơưr cux xưk li coar lik ntơưr tsi tâu uô jông. Chiê thư viện huôx tôngv jong đuô hâur six hơưv zuôr txos, cur tsênhv krêz iz qar chiê pox nhuôs nhoz co nhênhv ntơưr thiêz zôngx ziv heik kriê pox nhuôs têx fâu ntơưr jông chiê pox nhuôs nriêr pâuz”.

          Têx fâu ntơưr nhoz thư viện ntơưr Inrahani tsi taz chiê pox nhuôs nriêr pâuz  yênhx tưv mak tsênhv paz côngv thôngx nênhs Chăm nhoz Mỹ Nghiệp thiêz têx lênhx nênhs nhiêv nhênhv ntơưr nhoz tỉnh Ninh Thuận muôz siêz yênhx tưv trâu zuk thiêz ndar txos hâur pâus vênhx huôv mênhx cxưx. Thư viện ntơưr Inrahani zos qơư tuôr tsês têx fâu ntơưr tsiv grê trâu côngv thôngx Chăm nriêr pâuz./.

( TTTPHCM-Txâur Vax cxeik nhênhv)