Jax sâu thưr 2 hnuz 2/5/2016:

Tso tơưv tsưr ziv  chos 10 cxênhz hec ta mắc ca txix nihiv no txos shông 2020

PV: Thor cox puz pâuz, tiv li chak hâur tsưr ziv tso tơưv đề án chos tsoz mắc ca txix nhiv no txos shông 2020, Bộ kôngz nuv thiêz huôv tsar nôngx cxênhz tsuôk tso chêi chos 10 cxênhz hec ta tsik chos 20 cxênhz hec ta li tưz hêik xuz thơưx?

Thư trưởng Hà Công Tuấn: Cêv kuôk mắc ca tưz tâu uô hâur iz ntu ntêr, tâu uô lok six jông chiê taz por khoa học, pêz puôr lênhx pâuz tsoz mắc ca zos tsoz ntêr hnuz, nhiv kruôr zuôr lok hâur Việt Nam thiêz zos tsoz chos zuôr njiêz uô hax huv, viv li tsuv sêiz shuôk txix chêx cur uô siv chiê khav tênhv tâu kror huv đros tsar tov đêx ar hâur ntu hloz lox. Thôngx cxix sêiz shuôk cxix cxuô txix sâu đê, uô, tsês chiê taz por tsơưr lươngv cux xưk li nhênhz chơưv ciêz đrôngs chiê huôv tsar mắc ca truôx đrênhk. Hâur qênhx shênhx sêiz shuôk cux tưz nus ntâu taz viv hâur têz qơưk thiêz ntiêx têz txix co thiêx khav tênhv tâu huôv tsar mắc ca cov truôx  thiêz muôx chêx cur tiv zix. Pêz tưz muôx ntâu jax cơưv chênhz zênhv txix cêv kuôk tsoz chos txơưr đuô, viv li, thâuv cêv kuôk mắc ca tsuv tsuv tsik uô hnuz no chos cax ntus txiêr uô hiêv trâu pêx xênhv.

PV: Xưk li cox tưz hêik, mắc ca zos tsoz chos yiêz thiêz ntêr hnuz viv li phiv liv lok qơư muôl muôs zos kror zuôr muôx yưv. Viv li pêz tsuv xav li chak lok kror no thor cox puz pâuz?

Thứ trưởng Hà Công Tuấn: Zos li lơưv, muôx ntâu njuôk xav: muôx njuôk xav tiêk qơư muôl muôs mắc ca zuôr kriz đar thiêz huôv tsar sêi, taz sik đros njuôk xav co cux muôx njuôk xav tiêk njuok xav chuôz ndê siêz tưz tsik zos qơư muôl muôs haur têz qơưk xưz mak zos iz cxiê luz têz qơưk sâuv ntiêx têz. Hâux lưv taz por zoz qơưx nhoz phênhv cungz đros qơư sâu zuôr txos tưs mak tsik tâu muôx iz kror tưs hêik cov tsênhv tsênhz. Viv li, cux tsênhv tror sêiz kaz, ntâuk gri hâur ntu zuôr txos. Mắc ca zos tsoz chos chiê zuôr nôngz uô hax huv, viv li tưz tsik zos huôv tsar jông chiê muôx txir xưz mak tsuv uô đros sâu đê, uô thiêz tsês chiê nôngz mắc ca chiê taz por tsơưr lươngv. Tsênhv tsênhz, tưz muôx têx jax cơưv xưk li nhoz Ốt-xtrây-li-a chos mắc ca chos mắc ca zuôr muôs gri kruôr txix 3 txos 4 đô la cir, taz sik ntâu luz têz qơưk nhoz Châu Phi chos tsuôk muôs tâu 1 txos 1,5 đô la. Đros gri no, chor nênhs nhênhz chơưv ntâuk gri zuôr tsik muôx liv. Viv li, pêz tsuv tsưr tsix sik côngv truôx chor doanh nghiệp đros pox nhuôs chiê thâuv chos mắc ca sâu đê tâu mak tsuv muôz lok uô ciês chiê taz por tsơưr lươngv.

PV: Taz por tsơưr lươngv nôngz zos kror zov chênhr gôngr phênhv gra siêz mắc ca li tsiv gri thâuv muôs, taz sik tsênhv tsênhz nhoz ntâu tiv phaz chuôs li phênhv ntâu chor nôngz tsik tâu sêiz shuôk thiêz coangr lik tưz thiêz tsênhv tâu chos, Viv li Bộ zuôr hêik li chak trâu pêx xênhv cux xưk li chor tiv phaz uô huv li tsưr ziv cêv kuôk tưz tso tơưv, thor cox puz pâuz?

Thứ trưởng Hà Công Tuấn: Ntu đhâu chor nôngz mắc ca chos ntơưv thax tsav Tây Nguyên tsik tâu qênhz yuôx jông lok tsơưr lươngv. Viv li, hâur Bộ kôngz nuv thiêz huôv tsar jêx jok tox siêz li cêv kuôk, tsưr ziv zov chênhr xuz thơưx zos tsuv coangr lik tâu chor nôngz. Tsênhv tsênhz zos 10 zav nôngz mắc ca tưz tâu têz qơưk côngz jênhv. Pêz zuor tror chox kriê chiê khav tênhv, côngz jênhv nzir. Tiv oz zos nôngz mắc ca zos zav nôngz tâu uô txuôv, zos chos zav nôngz tsik txuôv mak zuôr njiz phiv liv ntâu. Bộ kôngz nuv thiêz huôv tsar jêx jok tox siêz tso tơưv thax tsav chos mắc ca nhiv kruôr tso tơưv tsưr ziv cêv kuôk tsoz chos no ntu zuôr txos. Pêz xav jênhv txix nhiv no txos shông 2020 tsuôk chos muôx 10 cxênhz tsoz mắc ca. Hêik chor tiv phaz thax tsav Tây Bắc thiêz Tây Nguyên sâuv tsưr ziv cêv kuôk cxuô tas nro têz qơưk cxiv tsa cêv kuôk tsênhz txos yênhx tiv phaz thiêz kruôz kriê pox nhuôs txix chos, tsoz phưz txos sâu đê mắc ca. Thôngx cxix paz tsar tov trâu chor doanh nghiệp cxaz chuôz sik côngv đros pêx xênhv taz por qêhx shênhx sâu zuôr thiêz muôl muôs hax huv cov muôx chêx cur tiv zix./.

Thor uô cox tsâus ntâu!

                           (Lik Thox cxêik thav)

Phênhv thưr 2, hnuz 2/5/2016

40 shông têz qơưs VN thôngx ziv bo xeir côx hội

Zuôr xar iz shông đhâu ntâuk zênhx trok châuz, têz qơưs thax zênhz 30/4/1975, txơưv têz qơưs tsênhv yuôr ntâu cêr txov thiêz phiv liv taz sik tsôngv box sđ 2 faz Nam-Bắc tsưr ziv, siêz vav xar njôngr zos muôx iz cơ quan lês car uô têx hâux lưv, chei têz qơưs thiêz tas nro cxix luôs chính trị. Tsênhz tiês thâuv ntu ntơư, pêz têz qơưs cux tsênhv pheiz uô 2 faz, nhiêk muôx nhiêk hâu nov car, ntơư zos chính phủ VN Dân chủ Cộng hòa thiêz Chính phủ Cách mạng tax faz Nam VN. Đhâu cơưv Hiệp thương chính trị hli 11/1975, têz qơưs VN jiês bo xeir côx hội cxuô tưz tâu quyết tinhv zos hnuz 25/4/1976. 40 shông, đhâu xor xưv lox no, đros ntâu lênhx tsôngv box VN, co zos cêr lịch sử thâuv tưs tưz nhoz đreiv hâur sđ siêz tsi plox. Ntơưv đrôngs Hà Nội, txix ciês thâuv tas cik sơưr nzor, nhoz ntâu txox cêr muk lok, tưz pov lov jêv ntưk siz zâuv muk tso ntơưr bo xeir. Têx qơư tso ntơưr bo xeir khênhr tâu tsưr tsix, uô jông trâu ntơưv têx thax tsav muôx ntâu tsôngv box nhoz.  Txơưv tsi tâu muôx cxix cxuô têx chuôz zênhx zuôr trâus txos li nhiv no taz sik cêr shir phaz, lov jêv li heik ntơư mak tsi zôngx ziv muôx tâu. Zơưv Trần Phượng nhoz phường Chương Dương, quận Hoàn Kiếm, thâuv ntơư zos iz lênhx tuz lênhv nhiv kruôr muk uô lênhv lok tror ndo đuô: “ tuôr đeiv ntơưr bo xeir hâur têk, cur lok six shir phaz, cê tso zuk đeiv ntơưr bo, cê tso trâu têx fôngx zưs tuz lênhv tưz tâu tas siv nênhx”.

“ No zos iz cêr lịch sử mak ntâu lênhx nênhs VN li pêz ndo njôngr hâur đruôz siêz tsi plox. Jiês bo xeir no zos heik lok 30 shông pêz têx tuz lênhv, tsôngv box sđ sir jos tir ntâuk trok châuz chiê muôx tâu li hnuz no. Zuk cêr shir phaz thâuv ntơư jông siêz cơưk, cê khur xiv trâu têx fôngx zưs tuz lênhv tâu tas siv nênhx tsi tâu đros pov, pâuz txos hnuz tso ntơưr lov jêv heik co”.

Ntơưv TP Sài Gòn-Nhiv no zos TP HCM, uô ntêx hnuz tso ntơưr bo xeir, yênhx châuv vạn lênhx công nhân, tsôngv box, lênhx nênhs muôx txux chi, shux xênhz….tưz grêk tâus cêr đros muk tso ntơưr bo. Hur tiz si cxuô thax tsav, têx cơ quan, taz viv bộ đội, tsêr kho moz, tsêr cơưv ntơưr, jêx jok….puôr lênhx pov đei qix liêz vok chiê hơưv tok hnuz tso ntơưr bo xeir. Yuôr ntơưv đrôngs faz Trung Đà Nẵng, ziv txos jê jux juk, tsôngv box sđ ziv shir phaz, jông siêz đuô bax tok txos hnuz tso ntơưr bo xeir. Zơưv Lâm Tuyền-iz lênhx canr bôv so lâuk nhoz quận Hải Châu heik, cử tri nhoz ntâu thax tsav, suôv qơư tưz max mav tiz jông sâu bê têx lênhx nênhs tâu bo xeir, siz chos seiz lax thiêz thôngx iz siêz xeir tsov lênhx nênhs lês car uô têx nuv lox têz qơưs:

“ Lênhx tiz nênhs tưs muk uô lênhv, uô tâu nuv jông, tâu Đảng thiêz Mặt trận heik kriê mak tâu bo xeir hlo. Lơưr xar tiêk, lênhx nênhs lês uô Đảng, têz qơưs têx hâux lưv zos lênhx nênhs moz siêz, sir đas jos, tsưr ziv viv têx nuv têz qơưs, viv px. Lơưr nyei muôx cuz nxor, nyei tsi muôx cêr thôngx siêz, viv li cử tri siêz vav xar njôngr cov bo tâu têx lênhx heik ntơư lok lês uô têx nuv lox, chox car tsôngv  px chiê sđ muôx cêr thôngx siêz, uô nênhx shir phaz lus”.

Jiês bo xeir hnuz 25/4/1976 tưz yênhx hnuz hội thôngx ziv tas nro têz qơưs. 23 tsov ntâu lênhx cử tri đros thiêz sđ puôr lênhx muôx vax huôv siz luôs tâu tso ntơưr bo tưz siz zâuv lov jêv ntưk muk tso ntơưr, bo tâu 429 lênhx đại biểu muôx txâuk tsưr ziv, pênhr xưv lês uô têx nuv lox têz qơưs. Jiês tas nro sđ tso ntơưr bo xeir no tưz uô tâu yênhx côngz jông đros thiêz xar muôx 99% cử tri muk tso ntơưr. Txơưv tiêk ntơư zos jiês tiv 2 bo xeir cxuô hâur tas nro têz qơưs taz sik cux tâu hu zos côx hội khóa 6 viv thâuv ntơư têz qơưs tsi tâu thôngx ziv, faz Bắc cux tsênhv tsưr tsix bo xeir thiêz jiês bo xeir no tưz taz por uô tâu jông trơưk li chei pêz têz qơưs. Lơưr PGS-TS Nguyễn Trọng Phúc, kuz Viện tsar viện lịch  sử Đảng, Học viện chính trị quốc gia HCM, co zos kror zov chênhr thiêz jông yax. Jiês bo xeir shông 1976 tsênhv muôx liv lok six lox trâu thôngx ziv tas nro têz qơưs:

“ Côx hội khóa 6 jiês cơưv xuz thơưx tâu cơưv lok thâuv kaz hli 6, hâur hli 7 shông 1976, quyết tinhv hlôngr yiêz pêz têz qơưs bê hu yênhx têz qơưs Cộng hòa XHCN  Việt Nam, xav tinhv xeir têz qơưs qix đei, đrôngs tsênhv qơư. Tiv 2 cux tsuv heik mênhx txos, ntơư zos đhâu 30 shông tir ntâuk trok châuz, tsưx phưv têz qơưs phiv liv li ntơư, jiês bo xeir hli 4/1976 cux muôx liv jông thiêz lox bâuv li jiês bo xeir hnuz 6/1/1946 đros thiêz chênhz yênhx uô tsưr tas nro tsôngv box sđ. Têx li heik sâuv lok six zov chênhr, viv tas nro 2 faz Nam-Bắc, sđ têx côngz đas jos, tsưr ziv, lar heik zos tas nro tsôngv box cêr sik thôngx siêz chiê uô tâu. Li ntơư, jiês bo xeir shông 1976 muôx liv lok six lox lok sâuv thôngx ziv tas nro têz qơưs côngv iz siêz, iz tsưr ziv, hâur cêr muk”.

Nhạc nền bài ca thống nhất

40 shông tưz đhâu lok xav txix thâuv têz qơưs VN thôngx ziv jiês bo xeir ntơư, taz sik txos nhiv no cux tsênhv nhoz đreiv hâur sđ đruôz siêz tsi plox. Co zos têx tsưr ziv, cêr thôngx siêz siz chos cxiv tsa thiêz tsưx phưv truôx têz qơưs./.

( TTT-Riê Lâux cxeik, nhênhv)