Jax sâu thưr 7 hnuz 21/1/2017

Jok cuz thaz kok blôngx njê lok sik kok tsơưz Giới Phiên Yến Bái tok tsiêz

Hâur têx hnuz zuôr txos tsiêz têz qơưs, nhoz thax tsav yên Bái, yar ntux cuz sor tov thơưx, lok six huv trâu pêx xênhv xã Giới Phiên jiêz cuz thaz kruôr. Njiê cxuô txox cêr muk lok hâur xã, saz tưz cux pov đơưz vos chor cuz thaz tsênhv jiêz yar cov kruôr. Sâuv chor nênhs nhoz no li njêx muôs hưk ntưk lus thâuv chêix ntux no, puôr lênhx pov njôngr cêr shir phaz.

Uô cuz thaz kok blôngx njê lok zos kok tsơưz muôx ntơưv xã Giới Phiên, thành phố Yên Bái, tỉnh yên Bái kuôk no xar muôx 60 shông. Ntu huôv tsar tiv zix mak tas nro jok muôx 120 ziv chuôz zis uô cuz thaz. Nhiv no chor chuôz zis uô cuz thaz hâur xã muôx zuôr xar 70 ziv. Thiêz tsik uô xưk li thâuv ntêx lơưv, mak tưz uô sêi đuô ntâu ntu. Mêir jov tưz tâu pêx xênhv sir zôngv, txo grêk đas jos uô; qơư jov cuz thaz tâu thêir txix kuôr hlâu đơưz, truôx đuô thiêz taz por vêv xênhz đuô. Txơưv tưz uô ntâu kror txix mêir, taz sik pêx xênhv Giới Phiên cux uô jông têx tsưr ziv kuz chiê cuz thaz muôx tsơưr lươngv li thâuv ntêx. Pos Phạm Thị Đạo nhoz jok 6, xã Giới phiên puz pâuz:

“Zuk zôngv ntâu đêx, uô hmôngr siêr mak zuôr tơưr, uô jông mak zuôr tsik muôx hlaz. Phênhv ntâu zos uô jông liv, đo cov siêr jông mak kaz xưz tsik uô chak”.

Iz hnuz, iz chuôz zis nhoz Giới Phiên uô xar muôx 150 cir hmôngr nhôngk, uô tâu 100 cir cuz thaz. Iz chuôz zis uô cuz thaz hâur 2-3 hli tsiêz zuôr sâu tâu txix 60-70 triệu đêiv, iz phênhv sâu tsik tsơưs trâu chor nênhs tsuôk pâuz tok khov trâu đrak liêx. Niêv tix Hà Thị Tuyên nhoz jok 6, xã Giới Phiên hêik:

“Shông no uô ma cux tâu. Iz puô cir hmôngr cux sâu tâu liv oz pêz puô cxênhz đêiv. Viv uô jông, muôx tsơưr lươngv viv li uô tâu bâuv chak mak muôs tas bâuv co”.

Kuôk no 2 shông, hợp tác xã uô xênhz yar, kinh doanh cuz thaz Giới Phiên tâu yênhx lix. Hâur shôngk shông 2016 Cục sở hữu trí tuệ tưz cungz jênhv tập thể trâu Hợp tác xã uô xênhz yar, kinh doanh cuz thaz kok blôngx njê lok zos kok tsơưz Giới phiên li chor hax huv cuz thaz hâur 10 shông. No zos tỉnh Yên Bái li kror hax huv kôngz nuv tiv oz tâu cungz jênhv tập thể, zos tsar tov chiê cuz thaz kok blôngx njê lok zos kok tsơưz Giới Phiên tâu muôs trâu chor qơư muôs lox, nto bê cux xưk li muôs tơưv saz đrâuv têz qơưk…zơưv Bùi Xuân Tiến, phưv chủ tịch UBND xã Giới Phiên, thành phố Yên Bái hêik:

“Xã sir jos yax kriê, hêik pox nhuôs tsênhv uô cuz thaz kok blôngx njê lok zos kok tsơưz tsov cưv txos côngz xưv taz por ngaz vêv xênhz zav nox hâur ntu uô. Tiv oz zos chiê paz tsar tov trâu chor chuôz zis uô cuz thaz mak pêz zuôr paz chiê lơưr txêik tâu têz qơưk li pênhr nhiêx liv kik chiê yưv pênhr uô”.

Chor hnuz no, cuz thaz Giới Phiên tâu chor nênhs sâu zuôr chox muk muôs ntơưv têx thành phố lox hâur thôngz têz qơưk chiê phưx vưv zoz qơưx tsiêz. Iz cir cuz thaz kaz ntơưv Giới Phiên muôx gri 40 cxênhz đêiv, txos chor ciêz lox hâur tỉnh Yên Bái mak muôx gri 60 cxênhz đêiv, txos trâu chor thành phố lox sâuv thôngz têz qơưk mak gri zuôr siêz đuô. Chor shông jê lok no, iz shông txix Giới Phiên muôx zuôr xar 600 tấn cuz thaz tâu muôs sâuv ciêz đrôngs. Njuôk xav shông no têx jâuv zuôr muôs muôx 1000 tấn./.

                                                                                                                  (Đinh Tuấn-Lik Thox cxêik nhênhv)

Phênhv thưr 7, hnuz 21/1/2017:

Cưk kriê tox siêz Sơn La, tuôr truôx cêr nênhx vênhx huôv jông

Cưk kriê Lò Văn Thắng xênhz zus uô nênhx hloz hâur ziv chuôz zis niêv txir xênhz zus chôngz lênhx thiêz gruôs cơưv txux chi, gruôs cơưv shâuv zuk hêir nênhs têx cêr nênhx vênhx huôv jông. Thâuv hloz lox muôx 10 shông, tưz tâu niêv txir kriê cơưv zuk hêir nênhs poz ziz têx ntơưr, pâuz sâu pâuz nhênhv. Đhâu ntơư, cux tso tsês tsik cơưv cxaz nzir thiêz chuôs li hêir nênhs poz ziz têx ntơưr tưz trâus plox lơưv jux juk. Chênhr zos li hêik ntơư, cưk kriê Thắng tưz muk zok nriêr nus chor lâuk pâuz thôngz hêir nênhs poz ziz têx ntơưr sâu, nriêr txos cxuô tsênhv qơư kriê ntơưr hâur thax tsav tỉnh cov pâuz cxaz nzir hêir nênhs poz ziz têx ntơưr sâu thiêz tror sâu đuô cov huv đros.  Txos shông 2010, cưk kriê Thắng, tưz muôz têx ntơưr poz ziz chox lok cxiv kho đuô cov huv đros poz ziz đơưz Mộc Châu. Uô ntêx tsuôk kriê trâu têx nênhs cxênhz jê; đhâu ntơư, pov tâu têx muôx liv co, cưk kriê Thắng tưz kriz lớp kriê cơưv ntơưr poz ziz jiês xuz thơưx trâu ntơưv jos Nà Bó 1, xã Mường Sang. Cưk kriê Lò Văn Thắng hêik pâuz:

“Cur uô ntêx nyuôk kriê ntơưr poz ziz, viv ntơưr poz ziz tưz muôx thâuv nzor lok. Kror tiv oz,  cux zos txix iz ziv chuôz zis zênhx nhiêv zuk hêir nênhs têx txux chi, cêr nênhx vênhx huôv jông thiêz têx txux chi ntơư tsuv tuôr tsês tsik chiê plox”.

Cưk kriê Thắng lớp kriê cơưv ntơưr poz ziz, muôx 32 lênhx cơưv thiêz tsôngv px hâur jos, lênhx tưs xar cơưv, cur cux kriê tsik tas thêv nhiêx. Đhâu ntơư, cux muôx chôngz lênhx ntâu tus, tưz yênhx cưk kriê ntơưr poz ziz trâu ntâu luz jos hâur thax tsav xã Mường Sang thiêz cux kriê tâu 10 lớp, muox 300 ntâu lênhx cơưv; hâur ntơư muôx 70 lênhx cơưv zos uỷ ban huyện sik đros kriz cơưv. Zơưv Lường Văn Hoạt, hêik pâuz:

“Ntâu lênhx tuôx cơưv ntơưr poz ziz; thâuv tưz cơưv pâuz, cur cux đros kriê ntơưr poz ziz trâu tsôngv px hauar jos; Shông 2013, kriz lớp cơưv kriê ntơưr poz ziz trâu jos Bó 1; shông 2014, kriz lớp kriê cơưv trâu jos Nà Bó 2; shông 2015-2016, cux kriz ntâu lớp kriê nzir thiêz”.

Xar muôx 40 shông kriê ntơưr, cưk kriê Thắng tưz tâu têx fôngx zưs hêir nênhs poz ziz njênhs njôngr thiêz ntơư cux chênhr zos iz luôs hâux lưv muôx liv, tuôr tsês zuk hêir nênhs têx txux chi, cêr nênhx vênhx huôv jông tsik chiê plox./.

                                                                                                            (Tsu cxêik nhênhv-Lường Hạnh)