Jax sâu thưr 6/6/5/2016:

MUÔZ THEOX CHÊNHV TRÂU NÊNHS MÊNHX CXƯX TSƠƯS NÊNHS CXAZ CHUÔZ CHIZ COAZ TSÔNGV BOX BO XEIR

          Hâur 4 six cxiv côx hôiv jê ntơưv no, chor teiv plor nênhs mênhx cxưx tsơưs nênhs tsav cxôngx 15,6% txos 17,27% hâur tas nro têx teiv plor côx hôiv. Teiv plor zos nênhs mênhx cxưx tsơưs nênhs cxaz chuôz Hôiv đồng cấp tỉnh six cxiv 2011-2016 zos 688 lênhx, tsav 18%; cấp huyện thiêz cấp xã tsav 20%. Ntơưv diễn đàn côx hôiv, ntâu teiv plor mênhx cxưx tsơưs nênhs tưz muôx têx gôngr côngv coaz tsôngv hâur côx hôiv li cuêz sachz, tiv zix zos têx chinhr sachz muôx lênhx coaz txos mênhx cxưx. Six cxiv khóa 13 nhiv kruôr đhâu, côx hôiv tưz seiz car jông hâux lưv uô chinhr sachz, phar luật lok coar lik, sir zôngv ar ntơưv têx qơư kôngz jôngr nuv. Cux hâur six cxiv no, jiês xuz thơưx Bôv trươngv, Chuv nhiệm Ủy ban mênhx cxưx Zax Seo Phưv tưz têz têx teiv plor li lul nus muôx lênhx coaz txos tsaz yênhx 135, qênhx shênhx thiêz tsưr ziv paz tsôngv box thax tsav khênhr muôx ntux nas, vênhv thix tsir têz tsir qơư txưv zơưx, thox cxov hâux lưv uô, ar uô xênhz yar trâu tsôngv box mênhx cxưx tsơưs nênhs. Hâux lưv no tso pov, teiv plor mênhx cxưx tsơưs nênhs ziv hnuz ziv muôx lul heik hâur têx chiz coaz tsôngv box bo xeir. Taz sik, lơưr zơưv Lù Văn Que, chuv nhiệm Mặt trận tổ quốc Việt Nam li Hôiv đồng heik kriê lok mênhx cxưx, txơưv tiêk têx six cxiv jê ntơưv no, chor teiv plor zos nênhs mênhx cxưx tsơưs nênhs hâur têx chiz coaz tsôngv box bo xeir siêz đuô pir đros têx tsôngv box, taz sik tsênhv yuôr iz cxiê mênhx cxưx tsi tâu muôx jiês tưs muôx lênhx nênhs hlôngr njêx muôs hâur têx chiz coaz muôx qênhx siêz tiv zix:

          “ Khóa 11 thiêz 12 muôx 22 mênhx cxưx tsi tâu cxaz chuôz côx hôiv. Khóa 13 muôx 78 teiv plor mênhx cxưx tsơưs nênhs mak muôx 24 mênhx cxưx tsi tâu cxaz chuôz côx hôiv thiêz tiv zix muôx 5 mênhx cxưx tsi tâu cxaz chuôz côx hôiv têx khóa. Cur thix ziv tsuv seiz shuôk đuô, chuôz ndê cxaz teiv plor nhoz têx mênhx cxưx viv hâux lưv no tso pov fênhx zav hâur têx mênhx cxưx”

          Tsênhz mênhx, têx mênhx cxưx tsơưs nênhs li yênhxx tưv jênhv pâuz tsênhv kis, kinh têr, vênhx huôv, xã hôiv tsênhv txov nhêv. Ntâu lênhx nênhs tsi pâuz ntơưr thiêz lul choz tszi viv li phêv liv hâur côngz xưv yax mông ứng cử thiêz bo xeir. Jiês xuz thơưx cxaz chuôz ứng cử lol hâur chiz coaz tsôngv box bo xeir, tix lâuk Hoàng Quốc Khánh, mênhx cxưx Giáy nhoz Lai Châu puz pâuz: Txơưv tiêk tâu chiz coaz heik kriê thiêz muôz theox chênhv cxaz chuôz têx lớp kriê cxaz nriêr pâuz xor mông phưx vưv hâux lưv ứng cử, taz sik đros ứng cử viên zos nênhs mênhx cxưx tsơưs nênhs nhoz têx tiv phaz tox siêz li tix lâuk, ho cxaz chuôz ứng cử viên jiês xuz thơưx viv li hâux lưv thôngz xor mông thiêz pênhr xưv vênhv tôngv txênhz cử, cxiv tsa tsaz yênhx huôx tôngv, zaz zâuv cử tri bo xeir tsênhv lok sik kis. No zos iz phêv liv đros têx ứng cử viên zos nênhx mênhx cxưx tsơưs nênhs. Tix lâuk Hoàng Quốc Khánh heik:

          “ Nhoz tox siêz, thax tsav mênhx cxưx tsơưs nênhs pêz tâu pâuz txos têx xor mông tsơưs, tiv 2 zos thax tsav mênhx cxưx tsơưs nênhs mak pox nhuôs yênhx tưv kis viv li thâuv mul njiz cử tri, vênhv tôngv mak tsuv pôngz ntâu đas jos đuô chiê pox nhuôs pâuz thôngz”.

          Tsi taz li ntơưv, têx ứng cử viên zos nênhs mênhx cxưx tsơus nênhs tsênhv muôx têx lênhx zos pox niêv, tsênhv hluôk, tsi nhoz hâur Đảng. No cux zos phêv liv hâur côngz xưv krêz uô vênhv tôngv bo xeir cux xưk li tz por qơư tsov txos zos tsơưs tiv zix 18% teiv plor côx hôiv zos nênhs mênhx cxưx tsơưs nênhs. Zơưv Nguyễn Lâm Thành, phưv chủ tịch côx hôiv li hội đồng mênhx cxưx xar tiêk, chêx cuk tâu bo xeir uô teiv plor zos khov ntâu txos hâux lưv xeir nênhs ứng cử thiêz hâux lưv vênhv tôngv txênhz cử. Viv li, chiê tax tâu qơư tsov txos, tsuv muôx cấp ủy Đảng, chinhr quyênx li chox kriê, thôngx ziv thiêz sir jos, têx chiz coaz, ban, nganhx, mặt trận tổ quốc Việt Nam li thôngx ziv hâur côngz xưv bo xeir, heik kriê ứng cử viên txos vênhv tôngv txênhz cử. Chiê cungz têx yênhx tưv, pênhr xưv huôx tôngv vênhv tôngv trâu têx ứng cử viên nênhs mênhx cxưx tsơưs nênhs, hnuz 21/4 nhiv kruôr đhâu, Côx hôiv li Hôiv đồng mênhx cxưx tưz tsưr tsix lớp kriê cxaz pênhr xưv vênhv tôngv trâu 90 lênhx ứng cử viên teiv plor côx hôiv khóa 14 thiêz teiv plor Hôiv đồng six cxiv 2016-2021 zos nênhs mênhx cxưx tsơưs nênhs nhoz 17 tỉnh faz Bắc. Kaz hlik no, 1 lớp kriê cxaz zuôr tror tâu tsưr tsix trâu têx ứng cử viên zos nênhs mênhx cxưx tsơưs nênhs nhoz têx tỉnh faz Nam. Zơưv Nguyễn Lâm Thành puz pâuz:

“ Ntâu ứng cử viên zos mênhx cxưx tsơưs nênhs, ho zos ứng cử viên nhoz tox siêz. Viv li lớp kriê cxaz no chiê paz têx ứng cử viên zos nênhs mênhx cxưx tsơưs nênhs muôx cxaz chênhz zênhv, yênhx tưv, pênhr xưv chiê uô têx jiês vênhv tôngv tsôngv box bo xeir trâu zuk, xar njôngr muôx chêx cuk tâu bo xeir siêz”.

          Ntâu lớp kriê cxaz li ntơưv zos lok six zuôr trâus chiê têx ứng cử viên zos nênhs mênhx cxưx tsơưs nênhs tâu bo xeir uô teiv plor. Taz sik tov kaz no, chiê chuôz cxaz teiv plor nênhs mênhx cxưx tsơưs nênhs cxaz chuôz têx chiz coaz tsôngv box bo xeir cux xưk li muôx cxix cxuô 54 mênhx cxưx hâur côx hôiv mak têx cấp, têx nganhx tsuv muôx têx hâux lưv uô zov chênhr đuô chiê njuôs xav, thox cxov, kriê cxaz têx cán bộ zos nênhs mênhx cxưx tsơưs nênhs. Cxôngx co gôngr phênhv uô zênhx liv Đảng li chinhr sách mênhx cxưx, chox tox siêz, thax tsav tsôngv box mênhx cxưx tsơưs nênhs yênhx trus phuôv tsar hâur têz qơưk li phuôv tsar cxuô./.

( TTT- Txâur Vax cxeik, nhênhv)

Phênhv thưr 6 hnuz 6/5/2016

PHÊNHV CHÊI TÊZ QƠƯS

Nus: Chor nênhs tâu hêik chiê ứng cử zos pox niêv, zos mênhx cxưx tsơưs nênhs tâu cuiz tênhv li chak?

Têz: Chor pox niêv tâu hêik nhoz ứng cử têiv plor côx hôiv zos ủy ban thường vụ côx hôiv njuôk xav lơưr đoanx chủ tịch Ban chấp hành trung ương Hội liên hiệp pox niêv Việt Nam li hêik pâuz, taz por muôx tsơưs tiv zix 35% chor nênhs hâur bê ntơưr chênhr chor nênhs ưngz cử têiv plor côx hôiv zos pox niêv.

Chor nênhs zos mênhx cxưx tsơưs nênhs tâu hêik pâuz ứng cử têiv plor côx hôiv zos ủy ban thường vụ côx hôiv njuôk xav lơưr Hội đôngx mênhx cxưx côx hôiv hêik pâuz, taz por muôx tsơưs tiv zix 18% chor nênhs hâur bê ntơưr  chênhr chor nênhs ứng cử têiv plor côx hôiv zos mênhx cxưx tsơưs nênhs.

Chor nênhs tâu hêik pâuz chiê ứng cử têiv plor hội đôngx cxuô cấp cux tsuv taz por muôx tsơưs tiv zix 35% chor nênhs hâur bê ntơưr chênhr zos pox niêv; chor nênhs ưngz cử zos mênhx cxưx tsơưs nênhs tâu xav jênhv huv đros qênhx shênhx tsênhv tsênhz nhoz yênhx tiv phaz.

Nus: Hâux lưv xav jênhv tas nro chor têiv plor hôiv đôngx cấp huyện tâu cuiz tênhv  li chak?

Têz: Hâux lưv xav jênhv tas nro chor têiv plor hội đôngx cấp huyện tâu uô lơưr tsưr ziv:

- Huyện tox siêz, poz hiêr muôx txix 40 cxênhz lênhx pêx xênhv tror hâur tâu bâux 30 lênhx têiv plor; muôs 40 cxênhz ntâu lênhx pêx xênhv mak nzir 5 lênhx pêx xênhv tâu bâux nzir iz lênhx têiv plor, taz sik tas nro tsik ntâu đuô 40 lênhx têiv plor;

- Huyện tsik zos li cuiz tênhv hêik tas sâur thiêz quận muôx txix 80 cxênhz lênhx pêx xênhv tror hâur tâu bâux 30 lênhx têiv plor; muôx chôngz đuô 80 cxênhz lênhx pêx xênhv mak nzir 10 cxênhz lênhx pêx xênhv tâu bâux nzir iz lênhx têiv plor, taz sik tas nro tsik chôngz đuô 40 lênhx têiv plor;

- Thị xã muôx txix 70 cxênhz lênhx pêx xênhv tror hâur tâu bâux 30 lênhx têiv plor; muôx chôngz đuô 70 cxênhz lênhx pêx xênhv mak nzir 10 lênhx pêx xênhv tâu bâux nzir iz lênhx têiv plor, taz sik tas nro tsik ntâu đuô 40 lênhx têiv plor;

- Thành phố nhoz tỉnh, thành phố hâur thành phố Trung ương sêiz shuôk muôx txox 100 cxênhz lênhx pêx xênhv tror hâur tâu bâux 30 lênhx têiv plor; muôx chôngz đuô 100 cxênhz lênhx pêx xênhv mak nzir 10 lênhx pêx xênhv tâu bâux nzir iz lênhx têiv plor, taz sik tsik ntâu đuô 40 lênhx têiv plor./.

(Thanh Thủy-Lik Thox cxêik nhênhv)