Jax sâu  thưr 2, hnuz 9/5/2016:

Zav nox tsi hur-lênhx nênhs sir zôngv nhoz Sơn La li cêr cxơưx

Heik lok têx qơư zuôr muôs têx plaz hnhur nhux, pos Lê Thu Hồng, nhoz Phường Quyết Thắng, TP Sơn La nyei thiêz heik cxơưx hlo. Pos heik pâuz, chuôz zis lok six nhiêv nox têx plaz hnhur nhux, taz sik 2, 3 hnuz no pos tsi car zuôr chox lok uô nox, viv tsi pâuz tsênhz qơư têx plaz hnhur no zuôr kror tưs lok. Lar heik zos hâur têx hnuz đhâu lok no, đhâu seiz thiêz mnôngs têx xor mông hâur ti vi, hâur đeix, têx lưv lươngv muôx vax huôv ntêk tâu ntâu txuz fax thâux têx plaz hnhur nhux tưv tsi ngaz tuk, tsi pâuz tsênhz qơư zuôr, tưz tsư pok nziês, uô trâu pos ziv chênhr phax đuô thâuv muk ciêz zuôr jâuz.

“ Pêz lok six cxơưx. Zos tsi ndo seiz jông, pêz zuôr tsuv têx zav nox muôx ntâu yuôx, tsi nga ztuk li heik tas ntơư mak zuôr uô hiêv lox txos chuôz zis, têx nhuôs đas jos”.

Ntơư zos tas nro hur si têx lênhx nênhs sir zôngv hâur thax tsav TP Sơn La li cêr cxơưx heik cxuô, lar heik zos têx lênhx pos, lênhx niêv buôk ti muk zuôr têx jâuz nox hâur niêx hnuz. Tsi tâu muôx iz jiês tưs trâus cxơưx lox lok tsi ngaz tuk zav nox li nhiv no. Tsênhz tiês, tsi zos nhiv no lênhx nênhs sir zôngv li moz siêz txos têx xiv huv tsi ngaz tuk, mak tsuôk zos đrav ntêx tsi pov ciês ntơưv kror muôs, taz sik nhiv no hnor mông têx yêz thâux têx plaz hnhur tsi hur, tsi ngaz tuk ntơư trâus ntêk tâu ciês hâur thax tsav qơư nhoz, ziv uô trâu tsôngv box sđ cxơưx.

Lar heik hâur 2 hnuz 17 thiêz 19/4, ntơưv huyện Quỳnh Nhai thiêz Thuận Châu lưv lươngv muôx vax huôv tỉnh Sơn La tưz qênhz pov thiêz sâu tsês tâu 500 ntâu cir plaz hnhur nhux tưv, tưz tsư pok tsênhv fax thâux muk muôs trâu luôs lưv tuk. Lok sik hnuz 20/4, đhâu qênhz yuôx shuôs ntơưv pos Vũ Thị quế nhoz tổ 2, phường Tô Hiệu qơư zuôr muôs têx xiv huv li heik sâuv, lưv lươngv muôx vax huôv tưz qênhz pov 40 cir grêix tuôr, zuôr xar 500 cir têx hmôngr mos muôx  ntơưr Trung Quốc lo, thiêz ntâu zav yuôx saz têz qơưs đrâuv. Taz sik pos Quế muôx tsi txâuk têx ntâuz ntơưr xav jênhv chor xiv huv co zos zuôr kror tưs lok.

Ntơư tsuôk zos têx txuz muôx yưv jê lok no tâu qênhz pov, tsênhz tiês têx xiv huv tsi taz por ngaz tuk tsênhv ziv hnuz ziv muôx ntâu muôs hâur têx ciêz đrôngs. Taz sik, chiê qênhz pov, qênhz yuôx thiêz xưv bluô têx lênhx nênhs zuôr muôs têx xiv huv, zav nox tsi taz por ngaz tuk ho lok six phiv liv, tiv muôx tsi txâuk chuôz zênhx, lênhx nênhs uô hâux lưv qênhz yuôx…. Zơưv Hoàng Viết Hùng, Đội tsar Đội seiz car ciêz đrôngs số 1, TP Sơn La heik pâuz:

“  Têx cơ quan luôs hâux lưv qênhz yuôx shuôs têx xiv huv tsi hur, tsi taz por ngaz tuk hâur thax tsav cux lok six lax qênhz shuôs tâu. Chênhr viv li cux uô phiv liv  trâu têx lênhx nênhs uô hâux lưv qênhz yuôx, xưv bluô têx lênhx tiz nênhs uô cxâuv”.

Yuôr ntơưv têx xã thax tsav tox siêz đêz đrôngs, khênhr liv zôngv tsôngv box tsi yuô muôx txux chi, tsưr ziv jênhv pâuz, khênhr zuôr têx xiv huv fênhx zis, chor tuz luôv tưz thâux gra têx xiv huv tas hax sir zôngv, tsi taz por ngaz tuk muk muôs trâu tsôngv box. Tsuôk hâur 4 luz hlik hâur shôngk shông no, lưv lươngv seiz car ciêz đrôngs Sơn La tưz qênhz yuôx, xưv bluô zuôr xar 300 txuz uô cxâuv cik txos têx xiv huv tsi ngaz tuk zav nox. Phênhv ntâu zos têx xiv huv li: Nduôr thax tas hax sir zôngv, đêx hâuk, grêix tuôr, grêix keiz txiêk, plaz hnhur nhux tưv, kê keiz  ok, zax zuôv nhiês zuôr saz đrâuv luôs 2 chas têz qơưs lok, tsi pâuz tsênhz qơư. Iz chas ntơư, hâux lưv qênhz yuôx, xưv bluô têx lênhx nênhs uô cxâuv, lưv lươngv seiz car ciêz đrôngs Sơn La tsênhv tror sir jos yax mông, fuô kriê têx chei, cui tinhv lok ngaz tuk zav nox chiê gra siêz têx qơư tsiv uô, zuôr muôs têx xiv huv li heik sâuv hâur thax tsav txux chi, tsưr ziv jênhv pâuz. Zơưv Nguyễn  Viết Thông,  Chi cục Phưv Chi cục seiz car ciêz đrôngs tỉnh Sơn La heik pâuz:

“ Chi cục zuôr chox kriê têx qơư car uô   đreiv luôs hâux lưv no hâur Chi cục đros têx ngênhx muôx vax huôv sir jos cxaz chuôz têx đoanx qênhz yuôx lênhx ngênhx, cux li sir jos car seiz, qênhz shuôs hâur thax tsav, cov pâuz tsênhz, pâuz mênhx ciêz đrôngs têx txơưr txar chiê qênhz yuôx, xưv bluô zênhx max têx lênhx nênhs uô cxâuv lơưr chei têz qơưs”.

Iz chas lưv lươngv muôx vax huôv têx tsưr ziv uô, chiê por hưv đas jos, lênhx nênhs sir zôngv, tsuv xeir têx zav nox pâuz tsênhz qơư muôs./.

( Hồng Việt-Riê lâux cxeik, nhênhv)

Phênhv thưr 2 hnuz xiêz 9/6/2016:

BO XEIR CÔX HÔIV THIÊZ HÔIV ĐÔNGX:

BO XEIR 4 CẤP HÂUR IZ HNUZ: TSUV XEIR TSOV COV TÂU TRUÔX

No zos jiês tiv oz tas nro têz qơưk tsưr tsix bo xeir 4 cấp hâur iz six hơưv. Tiv zix, jiês bo xeir côx hôiv thiêz Hôiv đôngx jiês no tâu tsưr tsix uô cê. Hnuz ntênhs lox tsênhv tâu tas nro Đangv, tsôngv box ndar txos đros siêz shir phaz thiêz njênhs njôngr.

          Heik txos hâux lưv chính trị zuôr txos li kror coaz tsôngv, zơưv Lê Minh Thông, Phưv tổng thư ký côx hôiv, phưv chánh văn phongx Hôiv đôngk bo xeir têz qơưk xar tiêk: Bo xeir côx hôiv khóa 14 thiêz Hôiv đôngk têx cấp six cxiv 2016-2021 tsi taz tsưr tsix jông tiv zix chiê tsôngv box uô qênhx bo xeir mak thôngz đhâu jiês bo xeir tror phuôx huiz txơưx jênhv tsôngv box, phuôx huiz cêr niêv côngv siêz mênhx cxưx, hla đhâu cxuô phêv liv hâur qênhx shênhx nhiv no. Thôngz đhâu jiês bo xeir, iz jiês thiêz, tsôngv box Việt Nam khav tênhv siêz sir jos tuôr truôx hôx fênhx, tsưr qênhx têz qơưk, tror uô lơưr txo cêr Đảng thiêz zơưv Hloz Hôx xeir tsov. Thôngx cxix, đhâu bo xeir, cưv tri cux xeir têx lênhx nênhs muôx txâuk shưz xar, pênhr xưv uô têz qơưk, tiv phaz li têx côngz xưv. Zơưv Lê Minh Thông cux puz pâuz, côngz xưv bax trâu tsôngv box li hnuz ntênhs lox nhoz 4 cấp tsênhv tâu uô jông:

          “ Jiês bo xeir côx hôiv khóa 14 thiêz bo xeir Hôiv đồng têx cấp tâu tsưr tsix hâur qênhx shênhx tsov cưv. Viv li côngz xưv bax trâu jiês bo xeir, côngz xưv yax mông, vênhv tôngv thiêz krêz uô bo xeir tsuv tâu uô jông. Tiv zix no zos jiês xuz thơưx pêz tsưr tsix bo xeir côx hôiv thiêz Hôiv đôngk têx cấp lơưr Hiến pháp 2013, iz banv Hiến pháp muôz siêz qênhx lênhx nênhs, tsôngv box li qênhx tsênhv tsênhz”.

          Viv bo xeir teiv plor côx hôiv thiêz teiv plor hôiv đôngk têx cấp hâur iz hnuz, viv li hâux lưv tsuv krêz uô nhoz têx chiz coaz TW thiêz chinhr quyênx tiv phaz lok six ntâu, chor canr bôv cxaz chuôz côngz xưv bo xeir tsuv huiz tôngv ntâu. Zơưv Nguyễn Văn Pha, phưv chủ tịch Ủy ban TW Mặt trận Tổ Quốc Việt Nam xar tiêk: bo xeir côx hôiv thiêz Hôiv đôngk têx cấp hâur iz hnuz, ntơưv iz qơư bo xeir, cử tri tsuv xeir têx teiv plor nhoz têx cấp txơưr đuô, viv li zos tsi nhênhz chơưv jông mak lax xeir tâu lênhx nênhs zuk bo xeir lol hâur chiz coaz têz qơưk:

          “ Hâur iz six hơưv cử tri tsuv xeir, nhênhz chơưv têx lênhx ứng cử viên nhoz cxuô cấp, zos tsi uô jông nhênhz chơưv mak zuôr lax bo xeir tâu. Chênhr viv li, chiê khưx phưx têx hâux lưv muôx yưv hâur cxix luôk chinhr triv: Đangv, chinhr quyênx. MTTQ muôx chuv trương krêz đar thiêz chuôz tsar tsưr ziv vênhv tôngv bo xeir lơưr pháp luật chiê nênhs ứng cử muôx theox chênhv vênhv tôngv bo xeir, chiê cử tri pâuz txos lênhx ứng cử co li tsaz yênhx huôx tôngv thiêz xeir lênhx nênhs tsiv nhos tiv zix”.

          Đros tas nro cxix luôk chinhr triv li siêz sir jos uô zênhx liv jiês bo xeir côx hôiv thiêz Hôiv đôngk têx cấp six cxiv 2016-2021, jiês no têx tinhv, niêv đrôngs li têx phêv liv, tsi tâu pâuz thôngz puôr lênhx tâu ciêr chênhr chox kriê, đros chinhz yênhx cê uô cê zuôr chênhz zênhv thiêz chuv tôngv xar tơưv hâur côngz xưv bax trâu jiês bo xeir nhoz têx tiv phaz, taz viv. Hâur iz hnuz, cử tri zuôr cuiz tênhv xeir têx lênhx nênhs muôx txâuk shưz xar, pênhr xưv hlôngr njêx muôs trâu tsôngv box cxaz chuôz têx chiz coaz têz qơưk thiêz tiv phaz. Viv li, jiês bo xeir no li yênhx côngz mak khov ntâu txos cử tri li ntơưr bo xeir. Cử tri Nguyễn Viết Thủy, quận Bắc Từ Liêm, Hà Nội xar njôngr:

          “ Zos iz lênhx tiz nênhs, taz sik hâur yênhx tsov lênhx cử tri zuk li đeiv ntơưr bo xeir lok six coaz tsôngv chiê cuiz tênhv lênhx nênhs muôx pênhr xưv. Xar njôngr lênhx nênhs tâu uô teiv plor zuôr sir jos viv tsôngv box li qênhx liv. Tưz zos teiv plor mak tsuv siêz đơưz, siêz ndax. Tsôngv box li têx vênhv thix luz nênhx, phuôv tsar kinh tế xã hôiv, tsuv muôx têx ziv chênhr gôngr côngv trâu côx hôiv”.

          Tas nro têz qơưk tưz truôx siêz trâu hnuz mul bo xeir 4 cấp côx hôiv thiêz Hôiv đôngx. Iz lênhx cử tri tsuv uô jông xeir cov trơưk lênhx nênhs tâu uô hâur têz qơưk li chiz coaz. Đhâu co, tso tơưv siêz njênhs njôngr têx teiv plor tsôngv box bo xeir, sik côngv tês cxiv tsa têz qơưk zos tsôngv box li, viv tsôngv box, chox têz qơưk thiêz tiv phaz hlôngr yiêz, sik côngv đros ntiêx têz thiêz huôv tsar./.

(TTT- Txâur Vax cxeik, nhênhv)