Tsôngv box mênhx cxưx Lào Cai li siêz njênhs njôngr trâu Đại hội Đảng jiês tiv XIV

          Xã Yên Bình muôx 8 mênhx cxưx sik đros nhoz uô nênhx li mênhx cxưx Cho, Cao Lan, Nùng, Hà Nhì, Tày, Giáy…. Luz nênhx thâuv ntêx tsuôk khov txos tsiv uô kôngz nuv. Têx shôngk jê ntơưv no, khov muôx Đảng, têz qơưk li têx tsaz yênhx, dự án paz txưv thax tsav tsôngv box mênhx cxưx tsơưs nênhs thiêz tox siêz, jêx jos muôx ntâu hlôngr yiêz jông, tsôngv px luz nênhx tâu hlôngr yiêz tsênhz mênhx. Têx hlôngr yiêz no tso pov tsênhz nhoz jos Khuôn Giỏ, qơư muôx 12 ziv chuôz zis trâus pôngz lơưv tsêr nhoz tiv jiês đêx cuôr yôngz kaz shông 2024, nhiv no tâu bax qơư nhoz yiêz, paz uô tsêr nhoz yiêz truôx jông, đros muôx têx cêr mul lok, tênhv tênhz tơưk pov cêr, thiêz đêz hur sir zôngv. Zơưv Triệu Công Lý- iz hâur têx ziv chuôz zis tâu bax ar nhoz thiêz tâu paz cxiv uô tsêr nhoz đhâu coz nas chuô Yagi puz pâuz: “Qir thơưx cux lok six cxơưx, tsi xar tiêk zuk zuôr uô tâu tsêr nhoz li no. Muôx tâu luz tsêr no cur lok six shir phaz, uô tsâus têz quưk pox nhuôk jêx jos tưz paz max. Tuôx nhoz ntơưv no mak tso siêz đuô, tsi cxơưx muôx đêx cuôr yôngz, tox poz li qơư nhoz kuz thiêz. Tuôx ntơưv no muôx chôngz lênhx nênhs sik đros nhoz jê mak shir phaz đuô”.

          Zơưv Nguyễn Văn Thống, Bí thư Chi Bộ jos 6, xã Yên Bình puz pâuz, ntu 2020-2025, jos jênhv tâu têx cấp li tsov cưv. Txos nhiv no, 100% cêr zaoz thôngz jêx jos tâu uô bê tông, cxix luôk tênhv tênhz tơưk pov cêr lus, muôx tsêr vênhx huôv, têx huôx tôngv vênhx huôv, thiv thao huôv tsar đuô. Tas nro jos tsi yuôr ziv chuôz zis pluôk, chor ziv chuôz zis bluô nux tax 30% ntâu, phênhv sâu fênhx pheiz lênhx nênhs tax 60 tsov đeiv ntâu iz shông lok shông 2025, 100% mê nhuôk tâu nox hâuk txâuk tsơưr pưr… No zos chêx cuk jông hâur six cxiv nhiv kruổ đhâu thiêz zos tsôngv px li siêz njênhs njôngr txos Đảng li têx chủ trương, quyết sách hâur six cxiv zuôr txos.

          Ndar txos Đại hội 14, jos tsưr tsix ntâu huox tôngv li yax mông, kho đuô cxix luôk tênhv tênhz tơưk pov cêr, uô vêv xênhz tênhx qơư:“Hâur jos, pêz tsưr tsix ntâu huôx tôngv tsênhv tsênhz chiê chuôz cxaz chinhz yênhx txơưx jênhv thiêz siêz sir jos cxiv tsa Đảng, cxix luôk chính trị nhoz tiv phaz. Tsôngv px sir jos cxaz chuôz gôngr ziv chênhv lok dự thảo ntâuz ntơưr muôz trâu Đại hội Đảng jiês tiv 14 đros chinhz yênhx jênh chuv, krêz đar. Pêz cux tsưr tsix ntâu jiês thik nriêr pâuz lok lix xưv Đangv, têx jiês Đại hội thiêz ntu pêz Đảng huôv tsar. Đhâu têx huôx tôngv no, Đảng jê tsôngv px đuô, thôngx cxix chuôz cxaz siêz njênhs txos Đảng”.

          Pos Trần Thị Thuý Hải, Phưv bí thư thường trực Đảng uỷ xã Yên Bình, tỉnh Lào Cai puz pâuz, têx shôngk jê ntơưv, tsôngv px nhoz 35/35 jêx jos luz nênhx hlôngr yiêz hâur yênhx hnuz. Ndar txos Đại hội 14- ntu huôv tsar yiêz, xã phuôx tôngv ntâu phongz yaox tưr thik, piêr kriê, nriêr pâuz lok Đảng; thôngx cix sir jos uô tiêr têx chỉ tiêu KTXH shông 2025. Suôv câuv shông 2025, 100% cêr zaoz thôngz jêx jos tâu cxiv uô truôx jông đar txix 3-5 yiv; phênhv sâu tax 142% ntâu tsưr ziv; ju lix mak tos 150 cxênhz jiês kruô tuôx ndis seiz uô si; 23 xiv huv OCOP jông. Phênhv sau fênhx pheiz tax 60 tsov đeiv ntâu; chor ziv chuôz zis pluôk txu grês tsuôk yuổ 0,75%, ntâu jêx jos tsi yuôr chuôz zis pluôk. Pos Hải khav tênhv:“Pêz njênhs njôngr Đảng li Đại hội 14 zuôr tso tơưv têx chủ trương, chính sách jông paz huôv tsar kôngr jôngr nuv, tiểu thủ công nghiệp thiêz hạ tầng số, huv đros thax tsav tox siêz. Thôngx cxix tror tsov cưv txos têx chính sách zaoz zux, y tế thiêz nox nhoz xã hội, gôngr phênhv txu grês têx phêv liv trâu tsôngv px chiê tsôngv px sir jos huôv tsar uô nox, muôz siêz tsơưr lươngv luz nênhx. Pêz cux xar njôngr têx nghị quyết hâur six cxiv zuôr txos zuor nzor uô tsênhz mênhx, paz cxơưz huôv tsar KTXH thiêz muôz siêz tsôngv px li luz nênhx”.

          Txix têx luz tsêr nhoz thax tsav qơư nhoz yiêz txos têx cêr bê tông yiêz jông, txix têx tsêr vênhx huôv jêx jos txos yênhx jêx jos tox siêz, siêz njênhs njôngr lok Đảng li Đại hội 14 tsênhv chuôz cxaz đas jos chiê tsôngv px têx mênhx cxưx sir jos tưr tsiv uô xênhz yar kôngz nuv, gôngr đas jos cxiv tsa têz qơưk. Đros tsôngv px li siêz thôngx ziv thiêz cấp uỷ, chính quyênx li siêz sir jos, tsôngv box tox siêz Lào Cai njênhs njôngr Đại hội zuôr krêz tơưv iz ntu huôv tsar yiêz, chox thax tsav ntus đriv ziv hnuz ziv hlôngr yiêz, tsâu sor./.

                                                                                                                    Trịnh Xuân-Txâur Vax cxeik nhênhv

Đaiv hôiv Đảng tas nro têz qơưk jiês tiv XIV: Quy chế uô hâux lưv thiêz Quy chế bâux xêir ntơưv Đaiv hôiv

Ban Chấp hành trung ương Đảng xav jênhv hâux lưv tso tơưv thiêz tsưr tsix kriz uô jông chor Quy chế uô hâux lưv thiêz Quy chế bâux xêir ntơưv Đaiv hôiv Đảng XIV zos kror hâux lưv muôx tsiv gri zov chênhr, paz tsưr tsix tâu jông Đaiv hôiv. Trung ương tưz sêiz shuôk, sêiz lax, tso ziv chênhv trâu dưv thảo Quy chế uô hâux lưv thiez dưv thảo Quy chế bâux xêir ntơưv Đaiv hôiv jiês no, paz uô tâu huv zos lơưr Điều lệ Đảng, Ban Chấp hành Trung ương Đảng chor nguyên tắc, quy chế, cui tênhv; cê uô tâu jông trơưk ntu đrav ntêx, cê hlôngr yiêz huv đros Đảng li tsưr ziv chox car, tuôr qênhx thiêz tsênhv tsênhz; sir jos phax tar thiêz tsav txênhz, pov, tir tar, xưv lik truôx têx hâux lưv uô tsik jông, tsik zos muôx yưv.

Trơưk Cuêz tênhv sôr 190, hnuz 10/10/2024, Ban Chấp hành Trung ương Đảng khoar XIII tso tơưv quy chế bâux xêir hâur Đảng, lơưr co, hâux lưv bâux xêir ntơưv Đaiv hôiv đại biểu Đảng tas nro têz qơưk zos Đaiv hôiv cuêz tênhv.

Lok lênhx nênhs thiêz têx kho đuô, Quy chế sir zôngv trâu hâux lưv bâux xêir ntơưv đại hôiv chi bôv, đaiv hôiv Đảng bôv cxuô cấp; bâux xêir nhoz jiês cơưv Ban Chấp hành, jiês cơưv ủy ban qênhz yuôx.

Lok Bâux xêir ntơưv Đaiv hôiv đại biểu Đảng tas nro têz qơưk zos Đaiv hôiv cuêz tênhv.

Nguyên tắc bâux xêir, Quy chế cui tênhv tsênhz mênhx, hâux lưv bâux xêir hâur Đảng uô lơưr nguyên tắc tsêx trung dân chủ; sơưr đơưk muôx vax huôv iz zav, muôx chôngz đuô iz đraz. Bâux xêir txix chi bôv txos đảng bôv Trung ương sêiz car tsuv tâu cấp ủy muôx vax huôv tso vax huôv bâux xêir lơưr cui tênhv.

Lok tsưr ziv bâux xêir, hâux lưv tso ntơưr bâux tâu kriz uô trâu chor hâux lưv li đrav kaz:

- Bâux Ban Chấp hành đảng bôv, chi bôv, (hu tiêk zos cấp ủy); bâux Ban Chấp hành Trung ương Đảng.

- Bâux ban thường vuv, bí thư, phưv bí thư cấp ủy.

- Bâux Bôv Chinhr triv, Tổng Bí thư, Ban Bí thư.

- Bâux Ủy ban qênhz yuôx, chủ nhiệm, phưv chủ nhiệm ủy ban qênhz yuôx.

- Bâux đại biểu dưv đaiv hôiv thênhv siêz.

- Zuôr ntơưr thor ziv chênhv lok chor nênhs xêir tsov, bax chiê tso trâu hâur bê ntơưr bâux xêir.

- Hêik pâuz đảng viên chiê uô chor lênhx tov têz qơưk, Mặt trận Têz qơưk, chor tsưr tsix chinhr triv-xar hôiv, hôiv quần chúng zos Đảng, Têz qơưk choz jênhv vưv.

Hâux lưv biểu quyết tsa têl (sir zôngv thể đảng viên chiê biểu quyết) tâu uô nhoz chor hâux lưv li:

- Bâux chor cơ quan paz trâu đaiv hôiv, hôiv nghị (đoàn chủ tịch đại hôiv, đoàn thư ký, thư ký đaiv hôiv, chủ tịch hôiv nghị, ban qênhz yuôx tư cách đại biểu, ban qênhz shuôk ntơưr bâux).

- Thôngz đhâu chor nênhs thiêz bê ntơưr bâux xêir./.

                                                                                                                             Thiều Nghiệp-Lik Thox cxêik nhênhv