Njênhs njôngr Tổng Bí thư đros Trung ương tso tơưv ntâu tsênhv chêi viv tsôngv px

Ủy viên Bộ chính trị, Tổng bí thư Tô Lâm tưz tâu BCH TƯ Đảng khóa 14 thôngx ziv bo xeir tror uô Tổng bí thư. Cán bộ, đảng viên thiêz tsôngv px têx mênhx cxưx tỉnh Sơn La lok six jông siêz. Niêv lâuk Nguyễn Thị Hương, tsôngv px nhoz phường Tô Hiệu, tỉnh Sơn La heik, 1 shôngk ntâu đhâu đros TBT Tô Lâm li lênhs tov, cur pov tsênhz chinhz yênhx viv tsôngv px, txoz cxơưx trâu tsôngv px, tiv zix zos tsưr ziv tsi chiê lênhx tưs trâus pôngz kaz:“Chinhz yênhx viv tsôngv lax px tâu Đảng, tâu TBT chox kriê tsênhz mênhx, txix cxuôv tsêr lav uô, tsêr xâu nas, paz tsêr nhoz xã hội txos zaoz zux li tsi tsuv khiêz nhiêx cơưv ntơưr đros tsêr cơưv công lập, txos đas jos, seiz njuôs shuôk moz tsi pôngz nhiêx txiêx trâu tas nro tsôngv px iz shông iz jiês, muôx tsưr ziv seiz njuôs shuôk moz tsi pôngz nhiêx txiêx, chuôz tsar y tế tiv phaz, truôx siêz phax tar hax huv chuôr, zav nox kiês nênhs...”

          Zơưv Nguyễn Đức Nguyên, Phưv bí thư thường trực Đảng ủy phường Mộc Châu, tỉnh Sơn La puz pâuz, zos cán bộ, đảng viên zơưv ntâuk grê siêz Đảng li pưs txux lênhs tov, tiv zix zos TBT li pưs txux coaz tsôngv hâur six cxiv 2020-2025 hâur côngz xưv cxiv tsa, hlôngr yiêz Đảng thiêz cxix luôk chính trị lơưr Trung ương li têx Nghị quyết, têx Ntâuk grê. Đros TBT li chox kriê, pêz Đảng tưz truôx siêz uô têx chủ trương thiêz txu grês bộ meir, hlôngr yiêz taz viv hành chính thiêz tsưr tsix chính quyênx tiv phaz, gôngr phênhv hlôngr yiêz cêr huôv tsar, muôz siêz chêx cuk seiz car têz qơưk thiêz phưx vưv tsôngv px cov jông đuô:“Hla trâu ntu 2025-2030 đros qơư tsov txos zos chox VN yênhx têz qơưk huôv tsar muôx công nghiệp yiêz jông, phênhv sâu chungz fenhx siêz, pêz njênhs njôngr TBT tror phuôx huiz pưs txux lênhs tov, chox tas nro Đảng, tas nro tsôngv px thiêz tas nro quân uô Nghị quyết đại hội 14, paz muôx têx hlôngr yiêz tsênhv tsênhz hâur tsưr tsix bộ meir, seiz car têz qơưk huôv tsar truôx jông. Đhâu co paz têx tiv phaz phuôx huiz têx muôx jông chiê gôngr côngv lok hâux lưv cxiv tsa thiêz por vêv têz qơưk”.

          Đảng li Đại hội jiês tiv 14 tưz yênhx côngz jông. Txix six cxiv yiêz, cử tri thiêz tsôngv px têx mênhx cxưx tỉnh Sơn La thâuv tưs cux njênhs njôngr lok Đảng li chox kriê sâuv txox cêr huôv tsar. Têx siêz njênhs njôngr no zuôr paz chiê têz qơưk hla trâu iz ntu huôv tsar yiêz đros siêz sir jos yiêz thiêz xar njôngr muôx tâu luz nênhx hlôngr yiêz jông đuô./.

                                                                                                                 Thanh Thủy- Txâur Vax cxeik nhênhv

Uô jông cxuô luôs hâux lưv zok muôz chiê cxơưz pêx xênhv Lào Cai luz nênhx tsâu sor, hlôngr yiêz

Ntơưv Đại hội đại biểu Đảng bộ tỉnh jiês tiv 19, six cxiv 2020-2025, jiês xuz thơưx tỉnh Yên Bái muôz têx uô trâu pêx xênhv jông siêz, shir phaz tso hâur tsênhv njiêz đại hội. No zos hâux lưv uô yiêz, tsi tâu muôx thax tsav tưs hâur tas nro têz qơưk fuô uô hlo. Thâuv co, pêx xênhv jông siêz, thôngx ziv, trơưk hâu nov tỉnh, tâu cxiv tsa khov lok 3 tsưr ziv chênhr: Pêx xênhv txâuk siêz lok luz nênhx nox nhoz, huv siêz lok hnuz nhôngs thiêz huv đros pêx xênhv luz nênhx tsênhv tsênhz. Pos Vũ Thị Hiền Hạnh, Phưv Chủ tịch Ủy ban tỉnh Yên Bái, nhiv no zos tỉnh Lào Cai heik pâuz:“Tỉnh têx hâux lưv uô jông phưx vưv tsôngv pêx xênhv heik sâuv tưz yênhx đas jos, qơư khov lok six zov chênhr, heik lok cxix luôs chính trị txix tỉnh txos ntơưv qơư têx sir jos viv pêx xênhv luz nênhx”.

Đại hội Đảng bộ tỉnh lào Cai jiês tiv I, six cxiv 2025-2030 (đhau muôz 2 tỉnh Yên Bái thiêz Lào Cai lok uô cê) tror heik mênhx: Zuôr lênhx nênhs uô qơư chênhr, zos đas jos, zos hâux lưv huôv tsar; sir jos uô jông cxuô luôs hâux lưv li: Y tế, zoz zux, tsêr nhoz, đêx hur, thôngz xor mông, hâux lưv....phưx vưv pêx xênhv chiê sơưr đơưk muôx luz nênhx tsâu sor, truôx tuk, vav mênhx.

Uô lơưr Nghị quyết Đại hội, hâur cxuô luôs hâux lưv, tỉnh Lào Cai puôr lênhx cxiv tsa têx trâur nuv jông li: Tsêr cơưv truôx tuk, jêx jok hur jông.... Lar heik, tsêr cơưv truôx tuk tưz tâu nthuôr đêz đar hâur tas nro ngênhx, uô hlôngr yiêz tsưr ziv xar, têx hâux lưv. Lar heik zos luôs hâux lưv muôz qơư kriê txux chi truôx tuk, sưv jông; cưk kriê ntơưr thiêz shux xênhz, tsêr cơưv thiêz shux xênhz niêv txir muôx cêr thôngx siêz jông đuô. Thâuv tâu seiz hloz, moz siêz txos, shux xênhz zuôr tso siêz, sir jos đuô hâur cêr cơưv txux, đros uô têx hâux lưv uz no, txix ntơư, nthuôr đar tâu tsưr ziv, pênhr xưv, shâuv uô hâux lưv jông muôx liv trâu zuk, trâu chuôz zis thiêz xã hội. Cưk kriê ntơưr Lương Thị Hạnh, uô hâux lưv hâur tsêr cơưv cxênhx iz thiêz cxênhx 2 Suối Giàng, xã Văn Chấn, tỉnh Lào Cai heik pâuz: Chênhr chor cưk kriê ntơưr cux shir phaz thâuv pov zuk têx shux xênhz jông siêz:“Pêz tsưr tsix têx hâux lưv muk ndis seiz têx muôx jông chiê chor shux xênhz tâu đros cxaz chuôz, tâu seiz njiê pov, pâuz tâu cêr cơưv txux zos iz kro jông, muôx liv thiêz tsêr cơưv zos iz qơư truôx tuk trâu cur cux li têx fôngx zưs, chor nênhs đros uô hâux lưv uô cê thiêz cur têx shux xênhz”.

Trơưk li thôngz sâu hâur Cổng dịch vụ công têz qơưk, xav txos tas hnuz 31/12/2025, cxuô luôs hâux lưv uô phưx vưv pêx xênhv, doanh nghiệp hâur uô têx ntâuz ntơưr hành chính, dịch vụ công điện tử tỉnh Lào Cai uô tâu truôx jông, sơưr tiv 12 hâur 34 tỉnh, TP hâur tas nro têz qơưk. Têx li heik co tso pov Lào Cai têx sir jos hâur hlôngr yiêz ntâuz ntơưr hành chính, hlôngr yiêz sôr thiêz uô jông cxuô luôs hâux lưv phưx vưv pêx xênhv, doanh nghiệp. Zơưv Trần Trí Dũng, Giám đốc tsênhv qơư phưx vưv hành chính công sôr 01 tỉnh Lào Cai heik pâuz:“Tỉnh tror sir jos hlôngr yiêz têx ntâuz ntơưr hành chính; Tsênhv qơư hành chính công cux zuôr nhênhz chơưv paz Ủy ban tỉnh, Văn phongx Ủy ban tỉnh fuô uô jông têx hâux lưv Chính phủ zuôk muôz phưx vưv pêx xênhv đơưk uô ntâuz ntơưr cux li côngz dịch vụ công hâur điện tử”.

Nghị quyết Đại hội Đảng bộ tỉnh Lào Cai jiês tiv I, six cxiv 2025-2030 tso tơưv tsưr ziv sir jos txos shông 2030, uô tâu têx luôs hâux lưv heik sâuv muôx 72%. Chiê fuô uô tâu jông hâux lưv tso tơưv, Lào Cai tưz cxiv tsa ntâu tsưr ziv, hâux lưv tsênhv tsênhz, txix ntơư ntâuk grê cxuô cêr nuv hâur pêx xênhv luz nênhx thiêz côngv thôngx chiê cxiv kho tsi so, huv đros. Zơưv Hoàng Giang, Phưv Bí thư Thường trực Tỉnh ủy Lào Cai heik pâuz:

“Kinh tế huôv tsar tsi tâu truôx jông, taz sik pêx xênhv tsuv zos qơư chênhr, huôv tsar uô nox tsuv uô huv đros hâur luz nênhx,”./.

                                                                                                                              Đinh Tuấn-Riê Lâux cxeik, nhênhv