Tsôngv pêx xênhv Sơn La muôz cêr njênhs njôngr trâu Đảng tsưr ziv chox cêr

69 shông, zuôr xar 40 shông nhoz hâur Đảng, pos Lê Thị Hồng Phấn, Bí thư Chi bộ jok 3 Quyết Thắng, phường Tô Hiệu, tỉnh Sơn La lok six shir phaz lok thax tsav, têz qơưk têx hlôngr yiêz, huôv tsar.

Ntơưv BCH T.Ư Đảng khóa 13 heik pâuz têx ntâuz ntơưr thôngz đhâu Đảng Đại hội 14, zos Tổng Bí thư Tô Lâm heik, pos moz siêz txos đuô hur si zos têx chuôz zis pluôs hâur tas nro têz qơưk txo grêk tsơưs 1% xav txos kaz shông 2025. Khov tas nro cxix luôs chính trị têx sir jos, tiv zix zos Đảng, têz qơưk têx tsênhv chei jông, huv đros paz thax tsav tsôngv box heir nênhs tsơưs thiêz tox siêz, tsôngv pêx xênhv thiêx muôx luz nênhx tsâu sor, truôx tuk, cxơưz Việt Nam huôv tsar sei. Pos Lê Thị Hồng Phấn heik:“Cur pov no zos iz hâux lưv uô jông, huv đros, heik lol Đảng têx sir jos thôngz đhâu chei paz tsôngv box cxuô heir nênhs, chiê sơưr đơưk muôx luz nênhx tsâu sor, truôx tuk. Thiêz Đảng Đại hội 14 no muôx liv lok six jông, paz cxiv kho, cxiv tsa sơưr đơưk muôx cêr thôngx siêz, chiê pêx xênhv njênhs njôngr trâu Đảng, tso siêz huôv tsar uô nox, đros tsưx phưv truôx đriv têz, huôv tsar kinh tế”.

Trơưk li pos Hoàng Thị Huấn, heir nênhs Poz Ziz nhoz phường Mộc Châu, tỉnh Sơn La, Đảng hâux lưv tso tơưv thâuv tưs tưz viv tsôngv pêx xênhv luz nênhx tsâu sor, truôx tuk, lês uô cxuô luôs hâux lưv viv pêx xênhv; chênhr zos li heik co, pêx xênhv thâuv tưs tưz muk lơưr Đảng, njênhs njôngr trâu Đảng tsưr ziv chox cêr.

Ntơưv Sơn La, hâur shông 2025, cxuô thax tsav qơư hâur tỉnh tưz paz uô tsêr nhoz trâu zuôr xar 3.100 chuôz zis pluôs, chuôz zis zuôr xar pluôs, tâu ntâu đuô 220 luz pir li tsưr ziv tso tơưv. Co zos têx pov tsênhz lok Đảng thiêz pêz têz qơưk chei paz trâu pêx xênhv, tsi chiê lênhx nênhs tưs trâus pôngz kaz, trâus txov. Muôz cêr chiê siêz, njênhs njôngr trâu Đảng Đại hội, pos Hoàng Thị Huấn heik li no:“Pêz tsôngv pêx xênhv tâu Đảng, têz qơưk paz uô tsêr nhoz, paz uô cêr muk lol, paz nôngz tsiêx cxu chiê huôv tsar uô nox uô hnar, nhiv no luz nênhx tưz hlôngr yiêz lok six ntâu, pêz jông siêz thiêz shir phaz hênhr, uô tsâus ntâu txos Đảng, Lâul Hôx, têz qơưk têx cêr paz. Vav thiêz xar njôngr, Đảng tror moz siêz txos tsôngv pêx xênhv tox siêz, chiê sơưr đơưk muôx luz nênhx truôx tuk, tsâu sor”.

Txix xã tox siêz Co Mạ, tỉnh Sơn La, sơưr đơưk têx cêr shir phaz lok Đại hội yênhx côngz, cưk kriê ntơưr Lê Trung Kiên, Phưv thơưx seiz car tsêr cơưv Phổ thông Dân tộc niêv txir zus mor –cxênhx 2 Co Mạ cux heik tiêk:“Cur cux xar cov Đảng tror tso tơưv têx tsênhv chei jông, huv đros trâu tox siêz đêz đrôngs, thax tsav tsôngv box heir nênhs tsơưs, lar heik zos lok sâuv zoz zux, hlôngr yiêz sôr thiêz txo grêk cêr pluôs truôx. Iz chas ntơư, pêz cux xar Đảng, têz qơưk zuôr moz siêz txos đuô chei hu zâuv, kriê cxaz txux chi tsưr ziv uô hâux lưv trâu canr bôv hluôk chiê muôx tâu têx lênhx canr bôv hluôk muôx txâuk txux chi, tsưr ziv jông lês uô cxuô luôs hâux lưv ntơưv qơư thiêz hâur têz qơưk”.

Phôngv jông Đảng Đại hội 14 yênhx côngz, tsôngv pêx xênhv cxuô heir nênhs Sơn La-Tây Bắc thiêz tas nro têz qơưk muôz cêr njênhs njôngr, chiê siêz trâu Đại hội zuôr huôv tsar yiêz, uô tâu cxuô luôs hâux lưv viv têz qơưk, viv pêx xênhv./.

                                                                                                                  Thu Thùy-Riê Lâux cxeik, nhênhv

Điện Biên muôz Nghị quyết Đại hội Đảng lês uô hâur luz nênhx-txix chính trị txos hlôngr yiêz cxuô tsênhv qơư

Ntơưv Phươngx Điện Biên Phủ, Nghị quyết Đại hội Đảng bộ ntu 2025-2030 tưz tso tơưv ntâu luôs hâux lưv cxiv uô thax tsav đrôngl cov ziv hnuz ziv hlôngr yiêz jông. Chiê Nghị quyết nzor uô hâur luz nênhx, Ban thường vụ Đảng ủy phươngx tưz choz hâux lưv trâu cxuô lênhx uô cov tâu truôx li hâux lưv tso tơưv. Txix ntơư, phươngx Điện Biên tưz cxơưz cxiz cxuô pênhr jos đros cxiv tsa thax tsav ciêz đrôngl, cxiv uô cxuô qơư zuôr, muôs hax huv, px muôx phênhv sâu tâu nhiêx txiêx, muôx luz nênhx tsâu sor.  Zơưv Nguyễn Quang Hưng, Bí thư Đảng ủy Phươngx Điên Biên Phủ, tỉnh Điện Biên shir phaz lul hêik pâuz:“Chiê uô cov tâu truôx trơưk li Đảng bộ Phươngx luôs hâux lưv tso tơưv, nhiv no hâu nov phươngx tsênhv taz tov chêx chôngk, qênhz yuôx fuô cxiv uô cov tâu 6 qơư zuôr muôs hax huv; 2-3 qơư ntâuk ntir uô cêr lov jêv. Nhiv no, cxuô luôs hâux lưv tưz bax tâu cxix cxuô chiê kriz uô”

          Iz chas chox kriê tsôngv px huôv tsar uô nox; luôs hâux lưv cxiv tsa Đảng cux tâu fuô uô truôx jông, huv đros. Ntơưv Phươngx  Mường Thanh, Đảng ủy Phươngx tưz fuô uô truôx jông Đảng luôs hâux lưv tso tơưv, chox car tsôngv px huôv tsar cêr uô nênhx jông. Pos Đỗ Thịu Thu Thủy, Bí thư Đảng ủy Phươngx Mường Thanh hêik pâuz:“Pêz cux xav tâu truôx Ban thường vụ, Ban chấp hành cxuô luôs hâux lưv taz tov fuô uô huv đros, cxơưz cxiz huôv tsar kinh tế xã hội. Lar hêik, tsưx phưv đas jos trâu px, yax kriê tsôngv px huôv tsar uô nox thiêz cxiv tsa Phươngx Mường Thanh cov ziv hnuz ziv huv đros px luz nênhx nox nhoz muk lok hâur niêx hnuz”

          Muôz tỉnh Điện Biên thiêz Phươngx cxuô luôs hâux lưv chox lok uô huv đros tsôngv px luz nênhx. Lar hêik zos ntơưv xã Búng Lao, luôs hâux lưv chox car cxiv uô cxuô qơư zuôr muôs hax huv txuôk đros cxuô qơư ciêz đrôngl, yênhx qơư zuôr muôs hax huv hâur thax tsav, tsôngv px muôx phênhv sâu tâu 18 tỷ đêiv ntâu hâur iz shông. Hâu nov xã luôs hâux lưv fuô uô txos shông 2030, chor chuôz zis zuôr muôs hax huv muôx phênhv sâu tâu 680 tỷ đêiv iz shông.

          Đros co, tsôngv px hâur thax tsav tsuv muôz têx ar têz chos tsik jông kôngz hlôngr chos tsoz chos cà phê. Txix ntơư, zơưv Lò Văn Pản, nhoz jos Búng Lao tưz muôz hur tiz si 7 ha ar têz chos tsik jông kôngz, hlôngr chos tsoz chos cà phê; hâur ntơư muôx 3 ha cà phê tưz txi txir tâu sâu đê muôs; đhâu co, zơưv Pản chuôz zis tưz muôx luz nênhx bluô nux jux juk:“Nhiv no, cur chuôz zis tsênhv taz tov chos nzir 4ha tsoz chos cà phê. Thiêz hâu nov xã cux cxơưz cxiz yax kriê tsôngv px sđ chos nzir tsoz chos cà phê, tsôngv px cux shir phaz lul”

          Zơưv Lò Văn Thơi, Bí thư chi bộ jos Hồng Sọt, Xã Búng Lao cux hêik pâuz tiêk, đhâu zơưv Pản chuôz zis luôs hâux lưv chos tsoz chos cà phê, tsôngv px hâur thax tsav co tưz muôz hur si têx ar têz hlôngr chos tsoz chos cà phê thiêz chos tsoz chos mắc ca, kriz luôs hâux lưv huôv tsar uô nox yiêz: “Hâur oz pêz shông đhâu lok no, grê muôs cà phê cux jux juk truôx tuk. Chi bộ jos cux yax kriê tsôngv px krz đar ar têz chos tsoz chos cà phê cov tsôngv px muôx phênhv sâu tâu nhiêx txiêx, muôx luz nênhx hlôngr yiêz, tsâu sor”

          Đảng, têz qơưs yax kriê, tsôngv px uô trơưk, chênhr zos luôs hâux lưv uô huv đros thiêz uô cov tâu tiêr Đảng Đại hội hur si têz qơưs jiês tiv 14 tso tơưv hâur ntu 2025-2030./.

                                                                                                                 Tsu cxêik nhênhv-Vũ Lợi

Đảng li Đại hội 14: Qơư tsov txos lok huôv tsar ntu 2026-2030 thiêz ndar txos shông 2045

          Đại hội 14 tưz yênhx côngz jông. Đại hội 14 li tsưr ziv “ Sik côngv siêz- jênh chuv- kỷ cương- hlôngr yiêz-huôv tsar” zos luk hu lơưs, zos lênhv đros txơưx jênhv lix xưv. Hâur Đảng li đeiv qix, tas nro đảng, tas nro tsôngv px, tas nro quân sik côngv đas jos iz siêz hlôngr yiêz, huôx tôngv txos qơư viv VN hôx fênhx, txưv zơưx, tsôngv px uô tsưr, têz qơưk bluô nux, vav mênhx, shir phaz thiêz yênhx trus ndê txos chủ nghĩa xã hội.

          Njiêz luv Đại hội 14 heik pêz tsuv sik côngv siêz đuô, kỷ luật đuô, xar tơưv jông đuô; thôngx cxix tsuv tror sir jos cơưv shâuv, muôz siêz pênhr xưv txux chi trâu zuk cov tsi so hlôngr yiêz jông đuô. Đại hội 14 muôx jênhv vưv cuiz tênhv tênhv têx quyết sách lox chiê uô yênhx côngz 2 qơư tsov txos hâur têz qơưk li chiến lược 100 shông.

          Qơư tsov txos cxuô zos: Tuôr truôx tênhx qơư hôx fênhx, truôx tul; huôv tsar sei, truôx tul têz qơưk; hlôngr yiêz thiêz muôz siêz tas nro tsôngv px li luz nênhx; chiv chir sir jos hla trâu mênhx cxưx li kỷ nguyên yiêz. Uô zênhx liv qơư tsov txos zos txos shông 2030 yênhx têz qơưk tsênhv huôv tsar muôx công nghiệp yiêz, phênhv sâu chungz fênhx siêz; ndar txos shông 2045 yênhx têz qơưk huôv tsar; muôx phênhv sâu siêz, zis iz têz qơưk VN xã hội chủ nghĩa hôx fênhx, txưv zơưx, tsôngv px uô tsưr, bluô nux, vav mênhx thiêz shir phaz.

          Tsưr ziv huôv tsar ntu 2026-2030

          Sir jos chuôz tsar GDP hâur têz qơưk fênhx pheiz trâu ntu 2026-2030 txix 10%/iz shông ndê muk; GDP fênhx pheiz lênhx nênhs txos shông 2030 tax muôx nhos 8 cxênhz 500 USD iz shông.

          Kinh tế: zos têz qơưk tsênhv huôv tsar, muôx công nghiệp yiêz, phênhv sâu chungz fênhx siêz.

          Công nghệ: Yênhx têz qơưk số, uô ntêx uô siv công nghệ yiêz, kinh têr số tsav tsơưs tiv zix 50% GDP; nhoz hâur 30 luz têz qơưk sơưr thơưx lok hlôngr yiêz xar tơưv.

          Lok zaoz thôngz, cơ sở cxuô zav: Uô tiêr 5 cxênhz cei cêr muk chênhr, chor niêv đrôngs huôv tsar 50% ntâu.

          GDP fênhx pheiz: Tax muôx nhos 8 cxênhz 500USD iz lênhx nênhs iz shông (lơưr ĐH 14).

          Ndar txos shông 2045

          Kinh tế: yênhx têz qơưk huôv tsar, muôx phênhv sâu siêz, tsôngv px bluô nux, têz qơưk huôv tsar, côngz fênhx, vav mênhx.

          Công nghệ: VN yênhx tsênhv qơư công nghiệp công nghệ số hâur thax tsav, muôx 10 doanh nghiệp công nghệ số jông.

          Vênhx huôv: Huôv tsar vênhx huôv VN xã hội chủ nghĩa, lênhx nênhs zos tsênhv qơư.

          Xã hội: muôz siêz tsơưr lươngv luz nênhx thiêz chỉ số shir phaz, taz por nox nhoz xã hội.

          Têz qơưk: Iz têz qơưk VN xã hội chủ nghĩa hôx fênhx, txưv zơưx, tsôngv px uô tsưr, chiv chir uô thiêz sir jos huôv tsar jông./.

                                                                                                             Vàng Lan-Txâur Vax cxeik nhênhv