Cêr njênhs njôngr yiêz nhoz ntus đriv Lai Châu đhâu Đảng Đại hội 14

Cêr shir phaz, njênhs njôngr tưz nthuôr đêz đar txix cxuô cơ quan, taz viv txos trâu yênhx jêx jok ntus đriv Lai Châu lok Đảng Đại hội tas nro têz qơưk jiês tiv 14 yênhx côngz. Đros thiêz canr bôv, đảng viên nhoz no, Đại hội yênhx côngz tsi tiêk zos cêr shir phaz, tsênhv zos đas jos tror cxơưz cxiz sơưr đơưk sir jos lês uô jông cxuô luôs hâux lưv viv têz qơưk. Lar heik, hâur 200 lênhx nênhs tâu Đại hội bâux xeir, tỉnh Lai Châu muôx 02 lênhx, ntơư zos zơưv Lê Minh Ngân, Bí thư Tỉnh ủy thiêz zơưv Nguyễn Tuấn Anh, Phưv Bí thư Tỉnh ủy. No zos iz cêr shir phaz lox, khav tinhv T.Ư kruôs txos Đảng bộ, hâu nov thiêz tsôngv pêx xênhv cxuô heir nênhs Lai Châu têx sir jos, gôngr côngv. Đảng viên Nguyễn Thị Trần Hải Hà, canr bôv Ban Tuyên giáo thiêz jênh vênhv Tỉnh ủy Lai Châu shir phaz heik pâuz:“Đảng Đại hội 14 yênhx côngz, tưz muôz cêr njênhs njôngr trâu pêz chor canr bôv, đảng viên. Lar heik, Đảng bộ tỉnh Lai Châu muôx 02 lênhx, tâu Đại hội bâux xeir nhoz hâur BCH T.Ư khóa no. Co zos đas jos lok six zov chênhr chiê cxơưz cxiz Đảng bộ sir jos uô jông đuô têx hâux lưv zok muôz thiêz muôx cêr thôngx siêz truôx. Iz chas ntơư, co cux zos iz kro chiê xa canr bôv, đảng viên, tsôngv pêx xênhv cxuô heir nênhs têx tsưr ziv, siêz xar, luk heik txos trâu T.Ư. Tsi tas li, cux zos qơư chiê muôz Đảng Nghị quyết nzor fuô uô hâur luz nênhx”.

Ntơưv xã Nậm Hàng, thax tsav tsênhv yuôr ntâu txov nhêv, canr bôv, đảng viên chiê siêz, njênhs njôngr trâu Đại hội têx tsưr ziv, tsênhv chei jông paz ntơưv qơư, têz qơưk huôv tsar yiêz. Đảng viên Mào Thị Hà, Chánh văn phongx Đảng ủy xã Nậm Hàng heik:“Pêz lok six shir phaz lok Đại hội cơưv tâu tiêr jông. Canr bôv, đảng viên hâur thax tsav qơư li pêz njênhs tiêk, Đại hội jiês no têx tsênhv chei zuôr cxơưz paz nzir đas jos chiê thax tsav tox siêz đêz đrôngs li Nậm Hàng huôv tsar sei đuô. Txix ntơư, pêx xênhv thax tsav qơư no luz nênhx zuôr ziv hnuz ziv hlôngr yiêz, vav mênhx”.

Txix Đại hội 14 yênhx côngz, cxuô lênhx canr bôv, đảng viên nhoz ntus đriv Lai Châu ziv muôx cêr njênhs njôngr, shir phaz đuô. Co zos đas jos chiê cxơưz Đảng bộ thiêz tsôngv pêx xênhv cxuô heir nênhs ntơưv qơư tror sik thôngx siêz, lês uô jông đuô cxuô luôs hâux lưv, muôz Đảng Nghị quyết uô lơưr hâur luz nênhx, cxiv tsa Lai Châu huôv tsar sei thiêz truôx xưk li Đại hội 15 Đảng bộ tỉnh Nghị quyết tso tơưv./.

                                                                                                                        Khắc Kiên-Riê Lâux cxeik, nhênhv

Pêx xênhv Sơn La shir phaz thâuv Đaiv hôiv Đảng XIV tâu cơưv tiêr jông

Cêr shir phaz đros Đaiv hôiv Đảng jiês tiv XIV tâu cơưv tiêr jông muôx nhoz tas nro têx jêx jok ntơưv tỉnh tox siêz Sơn La. Cxuô lênhx nênhs puôr lênhx njênhs njôngr trâu Đaiv hôiv, sêiz no zos kror uô tâu jông chiê paz trâu têz qơưk hla trâu ntu hlôngr yiêz thiêz huôv tsar, mênhx cxưx ntu huôv tsar yiêz. Pos Trần Thị Hòa, canr bôv so lâul nhoz phường Tô Hiệu, tỉnh Sơn La hêik pâuz:“Pêz lok six shir phaz thâuv zơưv Tô Lâm tror tâu bâux uô Tổng Bí thư. Pêz vav tiêk Tổng Bí thư đros Đảng zuôr tror muôx têx tsênhv chêi, chủ trương paz trâu huôv tsar kinh têr, xar hôiv; muôx ntâu tsênhv chêi paz ngaz tuk xar hôiv chiê paz trâu chor nênhs pluôs cov tsik yôr chor ziv chuôz zis pluôs. Pox nhuôs nhoz tox siêz li pêz cux vav tiêk, Đảng, Têz qơưk muôx ntâu tsênhv chêi paz kriz uô chor cêr muk chênhr, cêr muk lok haur têx jêx jok, xar chiê têx kôngz lôngk, hax huv nhoz tox siêz tâu thâux xa thiêz muôs zôngx ziv đuô”.

Ntơưv têx liêx têz sơưr đơưk tsênhv sir jos khưr uô nox chiê côngv cêr shir phaz đros Đaiv hôiv tâu cơưv tiêr jông. Pox nhuôs shir phaz txix muôx têx tsênhv chêi paz ngaz tuk xar hôiv, paz trâu pêx xênhv luz nênhx cov hlôngr yiêz jông đuô tâu hêik tsênhz mênhx hâur têx văn kiện. Pos Sa Thị Thế, nhoz phường Chiềng Cơi, tỉnh Sơn La hêik pâuz:“Cur shir phaz hênhr thâuv tsênhv hâux lưv muôz pêx xênhv uô tsênhv njiêz tror tâu chiê zos kror zov chênhr hâur chor văn kiện, zos tsênhv njiêz tâu sêiz lax ntơưv Đaiv hôiv. Pêz njiês pov tâu tsênhz txos têx kror hlôngr yiêz, sir jos, Đảng li txơưx jênhv trâu têz qơưk nhoz ntu huôv tsar têz qơưk hâur ntu yiêz thiêz vav tiêk Đảng têx tsênhv chêi hâur ntu zuôr txos zuôr paz tâu jông đuô trâu huôv tsar kinh têr, vênhx huôv, paz tâu jông trâu pêx xênhv li pêz luz nênhx”.

Đaiv hôiv Đảng XIV tâu cơưv tiêr jông tưz paz muôx têx kror sir jos yiêz, uô truôx jông sik côngv siêz tas nro mênhx cxưx. Yênhx lênhx canr bôv, đảng viên thiêz pêx xênhv Sơn La puôr lênhx vav tiêk: Nghị quyết Đaiv hôiv jiês no zuôr nzor tau kriz uô hâux luz nênhx, uô cov tâu luôs hâux lưv, tsưr ziv pêx xênhv bluô nux, têz qơưk hênhr, dân chủ, siz bâus, vav mênhx, paz trâu têz qơưk ndê tâu truôx muk chủ nghĩa xar hôiv./.

                                                                                                                            Thanh Thủy-Lik Thox cxêik nhênhv

Lào Cai: Muôz Đại hội 14 lok uô hâur luz nênhx nhoz thax tsav ntus đriv

          Ciês sâuv têx txox cêr muk lok xã Khánh Yên, tỉnh Lào Cai, têx đoàn viên hluôk nênhs sik đros sơưr cêr muk uô vêv xênhz jêx jos. Tsi zos luk heik xưz mak chinhz yênhx “uô hâux lưv viv tsôngv px tsuv uô sei, uô jông” mak Tổng bí thư tưz phuôx tôngv tsênhv tâu hluôk nênhs nhoz no uô hâur yênhx luôk hâux lưv tsênhv tsênhz. Heik lok siêz sir jos huôx tôngv ciês đhâu Đại hội, tix lâuk Hoàng Minh Nghĩa, Phưv bí thư đoàn xã Khánh Yên pheiz kênh:  “Ciês đhâu Đại hội li yênhx côngz, đoàn xã tưz sơưr cêr uô têx côngz tsinhx, hâux lưv hluôk nênhs li uô vêv xênhz tênhx qơư, qêz suô cêr muk lok hâur jêx jos, tiv zix pêz sik côngv đros pox nhuôk hâur jos uô 2 côngz tsinhx tơưk pov cêr têx cêr muk lok hâur jêx jos”.

          Tsi taz nhoz têx cêr muk lok hâur jêx jos, têx côngz tsinhx cxiv uô tsêr cơưv nhoz tox siêz ntus đriv cux cxơưz tiês cxiv uô. Ntơưv xã A Mú Sung, tsêr cơưv nội trú 2 cấp nhoz no tsênhv ciêr chênhr tâu cxơưz tiês uô, yênhx qơư têx cưk kriê thiêz shux xênhz tos njôngr lok iz hlôngr yiêz jông hâur zaoz zux. Cưk kriê Phùng Đức Giang, Phưv hiệu trưởng Tsêr cơưv phổ thôngz mênhx cxưx bán trú cxênhx 1 thiêz cxênhx 2 A Mú Sung heik:“Đros têx mak nhiv no tsênhv yưv pênhr, tas nro cưk kriê thiêz shux xênhz lok six shir phaz. Cux li shông zuôr txos, tâu pâuz shux xênhz tas nro têz qơưk zuôr sik đros cơưv uô cê iz bộ ntơưr giáo khoa, co zos lok six huv đros. Cux xar njôngr shux xênhz li chế độ chính sách tâu muôz siêz đuô; thôngx cxix cưk kriê ntơưr cux tâu tsov cưv đuô. Đros Đảng, têz qơưk li tsov cưv, cur njênhs njôngr zaoz zux zuôr muôx têx hlôngr yiêz jông”.

          Txix têx côngz tsinhx tơưk pov cêr têx cêr muk lok hâur jêx jos txos têx côngz tsinhx cxiv uô tsêr cơưv têx cấp, tsôngv px li siêz njênhs lok Đại hội 14 li têx quyết sách ziv tâu muôz siêz hâur yênhx hnuz. Đros đảng viên nhoz tiv phaz, no zos têx cam kết jông hâur six cxiv, seiz chêx cuk phưx vưv tsôngv px zos kror zov chênhr tiv zix. Đảng viên Lưu Thị Nụ, phường Cam Đường, tỉnh Lào Cai khav tênhv:“Cur xar tiêk coaz tsôngv tiv zix zos “seiz tsôngv px zos tsênhv” pêz cux xar njôngr hâur ntu zuôr txos, six cxiv zuôr txos, têx tsưr ziv tưz tâu xav tênhv tror tâu têx cấp chính quyênx uô tsênhz mênhx, tsi zos luk lav heik xưz, xar njôngr uô li chas chiê tsôngv px luz nênhx ziv hnuz ziv jông đuô, têz qơưk li qơư sơưr ziv hnuz ziv tâu muôz siêz đuô”./.

                                                                                                                       An Kiên-Txâur vax cxeik nhênhv