Cêr muk chênhr Nội Bài-Lào Cai sir jos uô cov tiêr đhâu iz shông kriz uô

Đhâu 10 shông ntâu muk lok, chor yêz muk lok sâuv txox cêr muk chênhr Nội Bài-Lào Cai tsar ndê xar muôx 10% iz shông. Đros têx phiv liv lok zoz thôngz ziv hnuz ziv ntâu, dưv anr kriz đar ntu Yên Bái-Lào Cai, tâu kriz uô đros tas nro pênhr nhiêx xar muôx 7.668 tiv đêiv. Trơưk njuôk xav, ntu cêr tâu kriz đar txix oz lênhx cêr ndê muôx 4 lênhx cêr, plas cêr đar 24 thiêr, đros co zos yưv pênhr uô cxix cxuô têx qox, kror tso đêx ntưk muk thiêz cxiv luôs sêiz car zoz thôngz truôx jông. Kriz uô thâuv hli 10/2025, chor nênhs thầu tư huiz tôngv pênhr jos, chuôz zênhx, tsưr tsix uô txix ntâu kror qơư. Zơưv Phan Thanh Cường, Giám đốc sêiz car kror thầu XL01, Dưv anr kriz đar cêr muk chênhr Nội Bài-Lào Cai puz pâuz: “Chor nênhs thầu tưz sir jos uô sêiz cov uô tiêr tâu dưv anr, cxuô kror li plas cêr, chor qox thiêz tiv zix zos luz kror ar muk đhâu trôngz A6... tsưr ziv zos sir jos uô cov tiêr li tsưr yưv pênhr têx tsưr ziv tưz tso tơưv zos hli 3 shông 2027 tsuv uô cov tiêr”.

Txos nhiv no, ntu cêr muk chênhr txâuk 4 lênhx yêz muk tưz uô tiêr, chor hâux lưv hâur dưv anr tưz uô tâu muôx 70% ntâu tsưr ziv tso tơưv. Tiv zix zos chor hâux lưv lax uô li qox Ngòi Thia lok six ntêr thiêz đar, kror ar Đại Việt ntêr xar muôx 530 thiêr... puôr lênhx tâu uô huv zos tsưr ziv tưz tso tơưv. Đrâuv chor ntu cêr tâu kriz đar yiêz, ntu cêr kuz cux zuôr tâu kho, luôv cov jông huv đros trơưk công nghệ Đức. Tas nro ntu cêr zuôr tâu yưv pênhr uô cxiv luôs zoz thôngz jông muôx camera sêiz kaz, tsênhv qơư dữ liệu, cxiv luôs sâu nhiêx phí tsik đrêk yêz ETC, chiê paz trâu chor yêz muk lok tâu jông đuô.

Hêik mênhx txos chor nênhs uô tưz sir jos kriz uô tâu jông, huv đros, zơưv  Trần Ngọc Hải, Phưv Giám đốc Ban Sêiz car Dưv anr chor cêr muk chênhr faz Bắc, Tổng công ty yưv pênhr Huôv star cêr muk chênhr Việt Nam puz pâuz: “Ban sêiz car dưv anr, hêik pâuz cix li chor nênhs thầu tsênhv sir jos kriz uô têx tsưr ziv chiê uô cov tâu sêi, sir jos cov hâur shông 2026 mak chor yêz zuôr muk lok tâu”.

Thâuv ntu sir jos uô, công trường tsik so muôx txix 2.000 lênhx canr bôv, kỹ sư, công nhân, xar muôx 700 têx mêir, chuôz zênhx đros yênhx cxênhz yêz ô tô thâux xa têx chuôz lov, uô hâux lưv. Têx taz viv tsênhv kriz uô tsik so, sir jos uô cov tiêr dưv anr hâur shông 2026, uô cov tiêr muôz ntu cêr lok chiê trâu têx yêz muk lok trơưk tsưr ziv tưz tso tơưv zos hli 3/2027. Sir jos uô sêi taz sik cux tsuv uô cov jông tsơưr lươngv côngz trinhx. Zơưv Trần Huy Hoàng, Sêiz kaz tsar Dưv anr kriz đar cêr muk chênhr Nội Bài-Lào Cai, khav tênhv: “Nênhs thầu, hêik pâuz, tsưr yưv pênhr sir jos sik côngv, sik thav thiêz tso tơưv têx tsưr ziv uô nzir six hơưv, uô cxaz nzir trâu chor hnuz muôx lok nas, njiz phiv liv. Tsik zos uô cov sêi mak zuôr uô tsik huv zos tsơưr lươngv”.

Đhâu uô tiêr, ntu cêr muk chênhr txâuk 4 lenhx yêz muk lok zuôr paz thâux xa tâu jông, txo grêk tsơưs six hơưv muk lok, paz txuôk đros jông đuô Lào Cai trâu Hà Nội thiêz chor tsênhv qơư kinh têr faz Bắc, paz cxơưz cxiz zoz thôngz, du lịch thiêz huôv tsar kinh têr thax tsav Tây Bắc./.

Đinh Tuấn-Lik Thox cxêik nhênhv

Phênhv seiz car, por hưv thiêz huôv tsar jôngr

Grê 46. Huôv tsar jôngr lâul

1. Đros thiêz jôngr têz qơưk, thax tsav por hưv têx shôngz ntông, tsiêx kuk –đrox tsuôs, uô têx li đrav kaz:

a) Tsưx phưv truôx jôngr chiv xênhz đrox tsuôs, chiê jôngr hloz lox jông ntông hâur thax tsav xuz jôngr lâul;

b) Khưx phưx jôngr chiv xênhz đrox tsuôs; uô lơưr tsưr ziv chiê têx đrox tsuôs, shôngz ntông nưk hloz lox nưk đros trâu muôx ntâu têx jôngr ntông, chos nzir têx shôngz ntông muôx hâur thax tsav har jôngr lâul.

c) Chơưv paz, por hưv thiêz huôv tsar cxuô zav đrox tsuôs.

2. Đros thiêz thax tsav tsưx phưv jôngr ntông, uô lơưr têx li đrav kaz:

a) Tsưx phưv truôx têx jôngr ntông muôx nhiv no;

b) Uô lơưr tsưr ziv chos jôngr, njuôk qơư cxơưz cxiz chos nzir, hloz lox uô trâu muôx ntâu zav shôngz ntông njuôz vor tox trôngz câuv har.

3. Đros thiêz thax tsav jôngr nhênhz chơưv, uô siv khoa học, por hưv thiêz huôv tsar jôngr trơưk hâux lưv nhênhz chơưv khoa học zos tsưr jôngr lok sik cơ quan muôx vax huôv quyết định.

4. Đros jôngr nôngz têz qơưk, uô hâux lưv chiê tsưx phưv thiêz huôv tsar jôngr lơưr tsưr ziv tâu cơ quan muôx vax huôv cir ntơưr, tso chei.

5. vax jôngr ntông têz qơưk mak nhênhz chơưv, xeir tsov, tsưx phưv tsês chiê, chos nzir têx shôngz ntông muôx ntơưv qơư reik đros nhênhz chơưv khoa học, kriê, cơưv cxaz nzir têx tsưr ziv yuôr trâus lok seiz car, por hưv, huôv tsar jôngr, ndis shuôsuô si.

Grê 47. Huôv tsar jôngr phax phưv

1.Jôngr phax phưv hâur đêx, jôngr phax phưv ntus đriv, tsuv tâu cxiv uô yênhx jôngr ntông lox, muôx ntâu cxuô zav shôngz ntông, đrox tsuôs chiê por hưv hâur đêx, ntus đriv.

2.Têx jôngr phax phưv hâur đêx, jôngr phax phưv ntus đriv, jôngr por hưv đêx jêx jok, uô lơưr têx li đrav kaz:

a) Por hưv, đros trâu njuôk qơư cxơưz cxiz chos nzir, por hưv tsês têx shôngz ntông, đrox tsuôs nưk hloz lox nưk chiê muôx ntâu zav shôngz ntông, đrox tsuôs uô jôngr.

b) Chos jôngr ntông ntơưv têx por tox đo, hloz tsi yuô tâuk yênhx har jôngr mak chos ntâu zav shôngz ntông muôx hâur thax tsav qơư shơư trâu ntâu zav muôx grik thiêz iz cxiê zav shôngz ntông txơưr đuô.

3. Jôngr phax phưv tir thêir chuô, tir thêir suôz jêz, thêir đêx hiêr ntak, thêir đêx nas cuôr yôngz, ar poz mak trơưk têx li đrav kaz:

a) Cxiv uô tsưr ziv chos nzir, por hưv têx jôngr ntông huv đros yênhx thax tsav;

b) Uô lơưr tsưr ziv chos jôngr ntông txix chos têx ntông muôx chas toz,  truôx khor, lar heik zos têx ntông muôx hâur thax tsav qơư, hloz lox tâuk, huv đros thax tsav; tâu chos cxaz nzir ntơưv têx suôv qơư  tsik tâu yênhx har jôngr./.

Tuyết Lan-Riê Lâux cxeik, nhênhv