Sơn La cxơưz cxiz tsar ndê txix vênhx huôv-xar hôiv

Trơưk thôngz sâu, 9 luz hli hâur shôngk shông 2026, phênhv sâu sâuv thax tsav tỉnh Sơn La (GRDP) pir đros shông 2020 njuôk xav tâu xar muôx 54.000 tiv đêv, ndê zuôr xar 6% pir li shông uô ntêx. Ciês vênhx huôv-xar hôiv, tsiv gri tsar ndê nzir tâu xar muôx 6.500 tiv đêiv, tsav xar muôx 13% tas nro tỉnh li GRDP, ndê 7% ntâu pir li shông uô ntêx, siêz đuô zuôr xar 2% pir đros nền kinh têr li tsar ndê.

Iz cxiê nganhx muôx tsiv gri tsar ndê siêz pir đros kror tsar nê cxuô nhoz têx kror li: Zoz zux tsar ndê xar muôx 3.960 tiv đêiv, tsav xar muôx 61%, ndê muôx 6% ntâu pir li shông uô ntêx; y têr tsiv gri tsar ndê nzor xar muôx 1.890 tiv đêiv, tsav muôx 29% ntâu, ndê 9% pir li shông uô ntêx phênhv ntâu zos têx  taz viv sự nghiệp li phênhv sâu 9 luz hli hâur shôngk shông 2026 ndê siêz pir li shông uô ntêx...

Lok uô têx luôs hâux lưv paz gôngr côngv trâu tỉnh li tsar ndê cxuô, zơưv Nguyễn Đức Toàn, Giám đốc Sở Y têr tỉnh Sơn La puz pâuz: “Lok têx luôs hâux lưv, tsưr ziv nganhx y têr tâu choz, 3 tsưr ziv tỉnh choz hâur huôv tsar kinh têr-xar hôiv zos chor bác sĩ trâu iz vạn lênhx nênhs, chor txar pư trâu nênhs moz, chor nênhs muôx bảo hiểm y têr, pêz tưz uô tâu. Hok têx tsênhv njiêz zov chênhr txơưr đuô hâur ntu nhiv kruôr đhâu li tsơưr lươngv njuôk kho moz ziv hnuz ziv tâu uô jông; hâux lưv tâu tỉnh coz zos njuôk shuôk đas jos tsik so trâu pêx xênhv cux tâu uô jông nhoz hâur têx qơư sơưr thơưx tas nro têz qơưk...”

Đrâuv jênhv vưv tsênhv njiêz, vênhx huôv-xar hôiv li ntâu huôx tôngv tsênhv gôngr côngv trâu nganhx têx tsưr ziv, luôs hâux lưv tsar ndê li: dịch vuv nox hâuk, muôs hax huv zâu đros trâu uz cxiê kror hâux lưv txơưr.

Sêiz car jiês cơưv lok têx tsưr ziv paz cxơưz cxiz kriz khối vênhx huôv-xar hôiv li têx luôs hâux lưv, tsưr ziv hâur tỉnh Sơn La li GRDP nhiv kruôr đhâu, zơưv Hà Trung Chiến, Phưv Chủ tịch Thường trực Ủy ban tỉnh Sơn La hêik mênhx: “Tas nro têx cơ quan taz viv hâur khối, txix têx luôs hâux lưv zâu tiv zix tsuv sir jos chox kriê chiê hlôngr yiêz cov tsar ndê tsênhv tsênhz; qênhz shuôk jông têx kror uô tâu chiê hêik pâuz tsênhv tsênhz. Đros tex nganhx, Sở Vênhx huôv, Thể thao thiêz Du lịch tsuv njuôk xav cov truôx jông đuô lok chor kruô du lịch thiêz phênhv sâu dịch vụ du lịch, uô jông muôz pênhr nhiêx trâu côngz xưv vênhx huôv; Sở Zoz zux sir jos uô sêi njuôk xav nhiêx txiêx têz qơưk tâu choz, uô jông cxaz nzir thôngz mông chor qơư zoz zux dân lập li nhiêx cơưv ntơưr...”

Tsik tiêk hâux lưv vênhx huôv-xar hôiv, tỉnh Sơn La tsênhv kriz uô têx tsưr ziv paz trâu tsar ndê; xav jênhv kror tsar ndê tsuv uô tâu hâur 3 luz hli zar đraz kaz shông, 3 luz hli zar kaz shông thiêz tas nro trâu yênhx nganhx, hâux lưv uô; têx sở, nganhx, thax tsav qơư tsuv uô jông lơưr tsưr ziv tsar ndê, tsênhv tsênhz yênhx kror hâux lưv, tsưr ziv thiêz six hơưv kriz uô, sir jos đơưk kho têx phiv liv, uô cov tâu tiêr tsưr ziv tsar ndê 8% hâur shông no./.

Lê Hạnh-Lik Thox cxêik nhênhv

Hlôngr yiêz tsưr ziv chox kriê chiê muôz siêz chêx cuk seiz car nhoz tiv phaz

Hâur qênhx shênhx Đảng thiêz Têz qơưk tsênhv sir jos krêz uô jiês cách mạng txo grêk bộ meir, hlôngr yiêz tsưr ziv lênhs tov, muôz siêz chêx cuk seiz car Têz qơưk nhoz tiv phaz yênhx kror zuôr trâus. Đros tsưr ziv ndar txos pêx xênhv, jê pêx xênhv, viv pêx xênhv, cxuô cấp, nganhx tsênhv chêx chôngk uô ntâu jênhv vưv coaz tsôngv chiê cxiv tsa bộ meir huôx tôngv muôx chêx cuk, tax tâu zoz qơưx huôv tsar hâur ntu yiêz.

Chêx chôngk uô cxix cxuô têx jênhv vưv zov chênhr chiê muôz siêz chêx cuk lênhs tov, seiz car ntơưv tiv phaz, uô ntêx zos hlôngr yiêz xar tơưv hâur njuôs xav tsưr ziv, cxiv tsa thiêz tso tơưv đảng bộ, chi bộ, cấp ủy li nghị quyết lơưr saz tsênhv tsênhz, khoa học, jênh chuv, zôngx ziv uô thiêz zôngx ziv qênhz yuôx, ntâuk grê.

Đros co, chuôz tsar Đảng li lênhs tov cxuô nro sâuv têx vênhv thix, thôngx cxix phuôx huiz chinhr quyênx thiêz têx tsưr tsix đoanx thêv li pưs txux, txơưx jênhv hâur uô têx jênhv vưv zos zuk li qênhx liv. Cxuô cấp ủy cxiv tsa thiêz uô truôx jông cêr sik côngv hâur cấp ủy đros chinhr quyênx, Mặt trận Tố quốc thiêz cxuô đoanx thê; hâur Bí thư cấp ủy đros chủ tịch HĐND, chủ tịch UBND, chủ tịch Uỷ ban MTTQ thiêz têx lênhx nênhs sơưr thơưx cxuô đoanx thêv chiê zênhx max car chêx têx vênhv thix zov chênhr, têx tsi jông muôx yưv ntơưv qơư, taz por cấp ủy lênhx tov, chox kriê cxix cxuô têx côngz xưv nhoz tiv phaz.

Đrâuv co, tsov cưv cxiv tsa chor cán bộ muôx txux chi, pênhr xưv; pov, kriê cxaz têx lênhx nênhs muôx txux chi, pênhr xưv chiê lês uô têx lênhx nênhs lênhs tov hâur cxix luôs chính trị thôngz đhâu tsênhv tsênhz thiêz pêx xênhv li seiz kaz. Taz por tsưr tsix đảng li lênhx tov đros têx jiês bâux xeir ntơưv tiv phaz. Thôngx cxix, chuôz tsar côngz xưv qênhz yuôx, seiz kaz hâux lưv uô lơưr Đảng li nghị quyết thiêz qênhz yuôx, seiz car đảng viên; muôz siêz txơưx jênhv uô ntêx nyuôk, chiv chir phê bình thiêz phê bình hâur cán bộ, đảng viên, tiv zix zos nênhs sơưr thơưx; mnôngs pêx xênhv li ziv chênhv ntâuk gri đros cán bộ, đảng viên thiêz tsưr tsix đảng, đhâu co chuôz cxaz tsôngv pêx xênhv li siêz njênhs njôngr, muôz siêz tsưr tsix đảng nhoz tiv phaz li pênhr xưv lênhx tov thiêz pênhr xưv tơưv txênhz. Chiê phuôx huiz chêx cuk, tsuv xav tênhv tsênhz mênhx tsưr tsix cơ sở đảng li tsưr ziv lênhs tov sâuv iz cxiê vênhv thix li đrav kaz:

Iz zos, tsưr ziv lênhx tov đros chính quyênx tiv phaz:

Đảng bộ (chi bộ) co zos đảng ủy (chi ủy) lênhx tov chinhr quyênx cơ sở thôngz đhâu hâux lưv tso tơưv tsưr ziv, jênhv vưv đros têx vênhv thix côngz xưv, thôngx cxix seiz car hâux lưv tsưr tsix uô, taz por uô trơưk Đảng, têz qơưk têx chủ chương, cêr chei.

Oz zos, tsưr ziv lênhx tov đros têx đoanx thêv pêx xênhv nhoz tiv phaz.

Đảng ủy (chi ủy) cxiv tsa tsaz yênhx côngz xưv vênhv tôngv tsôngv px, yax six mnôngs, đros tsôngv px thav chiê pâuz tâu tsôngv px li siêz xar, ziv chênhv. Thôngx cxix, tsov cưv xeir tsov, heik kriê canr bôv, đảng viên muôx pênhr xưv, txux chi uô côngz xưv vênhv tôngv tsôngv px cxaz chuôz ban chấp hành, uô canr bôv lênhx tov tsênhv ntơưv MTTQ thiêz têx đoanx thêv chinhr triv - xar hôiv nhoz tiv phaz.

Pêz zos, tsưr ziv lênhx tov hâur tsưr tsix đảng.

Chox luk: Đảng ủy (chi ủy) uô jông tsưr ziv tập thể lênhs tov, lênhx nênhs phưv txơưx; tsov cưv txos canr bôv, đảng viên li txơưx jênhv, pênhr xưv, txux chi lơưr tsưr ziv "6 car": car xar, car heik, car uô, car jênhv, car hlôngr yiêz xar tơưv thiêz car uô thâuv njiz têx phiv liv. Cấp ủy, tsưr tsix đảng lênhs tov thôngz đhâu hâux lưv tso tơưv nghị quyết thiêz tsưr tsix uô nghị quyết, taz por thôngx ziv hâur heik thiêz uô, phuôx huiz chinhz yênhx "đảng viên uô uô ntêx, tsôngv px uô lơưr kaz". Thôngx cxix, chuôz tsar côngz xưv qênhz yuôx, seiz car cấp ủy thiêz ủy ban qênhz yuôx li hâux lưv uô lơưr Điều lệ Đảng, nghị quyết, chỉ thị Đảng, cêr chei têz qơưk; phuôx huiz dân chủ đros trâu chuôz tsar kỷ luật, kỷ cương, tuôr truôx sik cêr sik côngv siêz nội bộ; seiz jông hâux lưv cơưv shâuv canr bôv, đảng viên li cêr uô nênhx jông thiêz chuôz tsar sik côngv siêz đros pêx xênhv. Txix ntơư, gôngr phênhv cxơưz cxiz đas jos chiv chir uô, truôx siêz đuô, chiv chir sir jos, chox têz qơưk hla trâu ntu yiêz./.

 Tsu Vưx cxiv sâu- Txâur Vax cxeik nhênhv